• Home
  • News
  • ସାଧାରଣ ନିତ୍ୟ ବ୍ୟବହାର୍ଜ୍ୟ ସାମଗ୍ରୀ ଉପରେ ପଡିବ ଜିଏସଟି ର ପ୍ରଭାବ
News

ସାଧାରଣ ନିତ୍ୟ ବ୍ୟବହାର୍ଜ୍ୟ ସାମଗ୍ରୀ ଉପରେ ପଡିବ ଜିଏସଟି ର ପ୍ରଭାବ

ଅର୍ଥମନ୍ତ୍ରୀ ଅରୁଣ ଜେଟ୍‌ଲିଙ୍କ ଅଧ୍ୟକ୍ଷତାରେ ଆସନ୍ତା ୯ ତାରିଖରେ ଗୌହାଟିରେ ଗଠିତ ହେବ ଜିଏସ୍‌ଟି ପରିଷଦର ୨୩ତମ ବୈଠକ । ଏହି ବୈଠକରେ ଅନେକ ନିତ୍ୟ ବ୍ୟବହାର୍ଜ୍ୟସାମଗ୍ରୀର ଜିଏସ୍‌ଟି ହାର କମ୍‌ କରିବାର ଯଥେଷ୍ଟ ସମ୍ଭାବନା ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତକାଲି ଟିକସ ହାରରେ ଆହୁରି ସୁଧାର ଅଣାଯିବ ବୋଲି ସଙ୍କେତ ଦେଇଛନ୍ତି । ମୋଦି କହିଛନ୍ତି ଆସନ୍ତା ୯ ଓ ୧୦ ତାରିଖରେ ହେବାକୁ ଥିବା ଜିଏସ୍‌ଟି ପରିଷଦ ବୈଠକରେ ଯଦି କୌଣସି ରାଜ୍ୟ ସମସ୍ୟା ସୃଷ୍ଟି ନକରନ୍ତି ତାହେଲେ ଭାରତର ଆର୍ଥିକ ବ୍ୟବସ୍ଥାକୁ ଓ ବାଣିଜ୍ୟ ଜଗତକୁ ନୂଆ ଶକ୍ତି ଦେବାଲାଗି ଯେଉଁ ସୁଧାର ଆବଶ୍ୟକ ତାହା କରାଯିବ ।

ଜିଏସ୍‌ଟି ପରିଷଦ ଆଗାମୀ ବୈଠକରେ ହାତ ତିଆରି ଫର୍ଣ୍ଣିଚର, ପ୍ଲାଷ୍ଟିକ୍‌ ଉତ୍ପାଦ ଏବଂ ସାମ୍ପୁ ଭଳି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ରହିଛି । ପୂର୍ବର ପରୋକ୍ଷକର ବ୍ୟବସ୍ଥାରେ ଯେଉଁସବୁ ସାମଗ୍ରୀକୁ ଟିକସ ପରିସରରୁ ବାଦ୍‌ ଦିଆଯାଇଥିଲା କିମ୍ବା କମ୍‌ ଟିକସ ହାର ଆଦାୟ କରାଯାଉଥିଲା ଜିଏସ୍‌ଟିରେ ସେଗୁଡ଼ିକର ଟିକସ ହାର ଅଧିକ ରହିଛି । ତେଣୁ ସେସବୁ ସାମଗ୍ରୀର ଜିଏସ୍‌ଟି ହାରକୁ କମ୍‌ କରାଯିବା ଉପରେ ଜିଏସ୍‌ଟି ପରିଷଦ ବିଚାର କରିବ ।

୨୮% ଜିଏସ୍‌ଟି ଆଦାୟ ହେଉଥିବା କେତେକ ସାମଗ୍ରୀର ଟିକସ ହାର ୧୮%କୁ କମାଇବା ଆଶା ରହିଛି । ସେଥିରେ ହାତ ତିଆରି ଫର୍ଣ୍ଣିଚର, ଇଲେକ୍‌ଟ୍ରିକ୍‌ ସୁଇଚ୍‌, ପ୍ଲାଷ୍ଟିକ୍‌ ପାଇପ୍‌ ଆଦିର ଟିକସ ହାର ସଂଶୋଧନ ଉପରେ ବିଚାରବିମର୍ଶ କରାଯିବ । ଜିଏସଟିରେ ସବୁ ପ୍ରକାର ଫର୍ଣ୍ଣିଚରର ଟିକସ ହାର ୨୮% ରହିଛି । ଯଦିଓ କେତେକ ପ୍ଲାଷ୍ଟିକ ସାମଗ୍ରୀ ଉପରେ ୧୮% ଜିଏସ୍‌ଟି ଆଦାୟ କରାଯାଉଛି ତଥାପି ବିଭିନ୍ନ ସାନିଟାରି ସାମଗ୍ରୀର ଜିଏସ୍‌ଟି ହାର ୨୮% ରହିଛି । ତେଣୁ ଏସବୁ ସାମଗ୍ରୀର ଜିଏସ୍‌ଟି ସଂଶୋଧନ ଆବଶ୍ୟକତା ରହିଛି ବୋଲି ସୂଚନା ଦିଆଯାଇଛି । ଏତଦ୍‌ ବ୍ୟତୀତ ଓଜନ ମେସିନ୍‌, କମ୍ପ୍ରେସର ଆଦିର ଜିଏସ୍‌ଟି ହାରକୁ ୨୮%ରୁ ୧୮%କୁ କମିବା ସମ୍ଭାବନା ରହିଛି । ଜିଏସ୍‌ଟି ଲାଗୁ ହେବା ପୂର୍ବରୁ ଦେଢ଼ କୋଟି ଟଙ୍କାରୁ କମ୍‌ ସାମଗ୍ରୀ ନିର୍ମାଣ କରୁଥିବା ଉଦ୍ୟୋଗୀମାନଙ୍କୁ ଉତ୍ପାଦନ ଶୁଳ୍କ ଛାଡ଼ କରାଯାଇଥିଲା । ଫଳରେ ଏସବୁ ମେସିନ୍‌ ଉପରେ କେବଳ ୧୪.୫% ଭାଟ୍‌ ଲାଗୁ ହେଉଥିଲା। ସେହିଭଳି କମ୍ପ୍ରେସର ଉପରେ ଜିଏସ୍‌ଟି ପୂର୍ବରୁ ଟିକସ ହାର ୧୭.୫% ରହିଥିଲା । ଏଥିରେ ୧୨.୫% ଉତ୍ପାଦନ ଶୁଳ୍କ ଏବଂ ୫% ଭାଟ୍‌ ରହିଥିଲା

ସାଧାରଣ ନିତ୍ୟ ବ୍ୟବହାର୍ଜ୍ୟ ସାମଗ୍ରୀ ଉପରେ ପଡିବ ଜିଏସଟି ର ପ୍ରଭାବ   ସାଧାରଣ ନିତ୍ୟ ବ୍ୟବହାର୍ଜ୍ୟ ସାମଗ୍ରୀ ଉପରେ ପଡିବ ଜିଏସଟି ର ପ୍ରଭାବ

ପଢନ୍ତୁ, ଏବେବି କନ୍ଦଉଛି ପିଆଜ, ବଜାରରେ ପିଆଜ ଦର କେଜି ପିଛା ୪୫ଟଙ୍କା

Related posts

ପୁରୁଷ ୧୦ ମିଟର ଏୟାର ପିସ୍ତଲ ବିଭାଗରେ ସ୍ଵର୍ଣ୍ଣ ବିଜେତା ସୌରଭ ଚୌଧୁରୀଙ୍କୁ ପ୍ରଧାନମନ୍ତ୍ରୀଙ୍କ ଅଭିନନ୍ଦନ

Krishna Kumar Manoj

ଲୋକପ୍ରିୟ ଭଜନ ଗାୟକ ଅରବିନ୍ଦ ମୁଦୁଲିଙ୍କ ପରଲୋକ !

Krishna Kumar Manoj

ଆକାଂକ୍ଷିତ ଜିଲ୍ଲା ଗସ୍ତ କରିବେ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟର ଅଧିକାରୀ

Krishna Kumar Manoj

2 comments

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More