News

ଗୁରଗାଓଁ ରିୟାନ୍ ଇଣ୍ଟରନ୍ୟାସନାଲ ସ୍କୁଲର ଦ୍ୱିତୀୟ ଷ୍ଟାଣ୍ଡାର୍ଡ଼ ଛାତ୍ର ପ୍ରଦ୍ୟୁମ୍ନ ଠାକୁର ଙ୍କ ହତ୍ୟା ରହସ୍ୟରୁ ପରଦା ଉଠିଲା

ଗୁରଗାଓଁ ରିୟାନ୍ ଇଣ୍ଟରନ୍ୟାସନାଲ ସ୍କୁଲର ଦ୍ୱିତୀୟ ଷ୍ଟାଣ୍ଡାର୍ଡ଼ ଛାତ୍ର ପ୍ରଦ୍ୟୁମ୍ନ ଠାକୁର ଙ୍କ ହତ୍ୟା ରହସ୍ୟରୁ ପରଦା ଉଠିଲା

ଗୁରଗାଓଁ ରିୟାନ୍ ଇଣ୍ଟରନ୍ୟାସନାଲ ସ୍କୁଲର ଦ୍ୱିତୀୟ ଷ୍ଟାଣ୍ଡାର୍ଡ଼ ଛାତ୍ର ପ୍ରଦ୍ୟୁମ୍ନ ଠାକୁର ଙ୍କ ହତ୍ୟା ରହସ୍ୟରୁ ପରଦା ଉଠିଛି । ଗୁରଗାଓଁ ପୋଲିସ ଏହି ମାମଲାରେ ସ୍କୁଲ ବସ କଣ୍ଡକ୍ଟର ଅଶୋକ କୁମାର(୪୨) ଙ୍କୁ ଗିରଫ କରିଛି । ୭ବର୍ଷର ପଲାଟିକୁ ସ୍କୁଲରେ ପହଞ୍ଚିବା ପରେ  କିଛି ମିନିଟରେ ହିଁ ଅତି ନିଷ୍ଠୁର ଭାବେ ଗଳା କାଟି ହତ୍ୟା କରିଛି ସଂପୃକ୍ତ ସ୍କୁଲ ବସର କଣ୍ଡକ୍ଟର । ମୁଖ୍ୟ ଅଭିଯୁକ୍ତ କଣ୍ଡକ୍ଟର ଅଶୋକ ଦୋଷ ସ୍ୱୀକାର କରିଥିବା ଡିସିପି ସିମରଦୀପ ସିଂହ ସୂଚନା ଦେଇଛନ୍ତି ।

ହତ୍ୟା ପୂର୍ବରୁ ନାବାଳକ ସହ ଦୁଷ୍କର୍ମ କରିବାକୁ ଉଦ୍ୟମ ହୋଇଥିବା ପୋଲିସ ସୂତ୍ରରୁ ପ୍ରକାଶ । ତେବେ ଏହାକୁ ନାବାଳକ ବିରୋଧ କରିବାରୁ ହତ୍ୟା କରାଯାଇଥିଲା । ସ୍କୁଲର ଟୟଲେଟରୁ ନାବାଳକର ମୃତ ଦେହ ଉଦ୍ଧାର କରାଯାଇଥିଲା । ଏହି ଘଟଣା ନେଇ ସ୍କୁଲ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ପାଇଁ ଅଭିଭାବକ ଦାବି କରିଛନ୍ତି ।

ସୂଚନା ମୁତାବକ, ଗୁରଗାଓଁର ଭଣ୍ଡସି ସ୍ଥିତ ରିୟାନ୍ ଇଣ୍ଟରନ୍ୟାସନାଲ ସ୍କୁଲରେ ପ୍ରଦ୍ୟୁମ୍ନ ଠାକୁର ନାମକ ଏକ ଦ୍ୱିତୀୟ ଷ୍ଟାଣ୍ଡାର୍ଡ଼ ଛାତ୍ରକୁ ତଣ୍ଟି କାଟି ହତ୍ୟା କରାଯାଇଛି । ତା’ ମୃତଦେହ ସ୍କୁଲର ଶୌଚାଳୟରୁ ଉଦ୍ଧାର ହୋଇଥିବାବେଳେ ନିକଟରୁ ଏକ ଛୁରି ମଧ୍ୟ ପୁଲିସ ଜବତ କରିଥିଲା । ଏହି ଲୋମହର୍ଷଣକାରୀ ଘଟଣା ସ୍କୁଲରେ ଶୁକ୍ରବାର(୮ ସେପ୍ଟେମ୍ବର) ସକାଳ ୭ଟା ୪୫ରୁ ୮ଟା ମଧ୍ୟରେ ଘଟିଥିଲା ।  ଯାହାକୁ ନେଇ ସେଠାରେ ତୁମୁଳ ଉତ୍ତେଜନା ମଧ୍ୟ ସୃଷ୍ଟି ହୋଇଥିଲା । ବହୁ ଅଭିଭାବକ ଓ ସ୍ଥାନୀୟ ଲୋକ ସ୍କୁଲରେ ପଶି ବ୍ୟାପକ ଭଙ୍ଗାରୁଜା ଘଟାଇଥିଲେ ।

ସ୍କୁଲର କନିଷ୍ଠ ବିଭାଗର ପ୍ରଭାରୀ ଅନୁଜ ଦୁଡେଜା କହିଛନ୍ତି, ପ୍ରଦୁମ୍ନ ଶୌଚାଳୟ ଆଡକୁ ଯାଇ ଫେରି ନ ଥିଲା । ପରେ ଦେଖାଗଲା ଯେ, ଶୌଚାଳୟର ଚଟାଣରେ ସେ ପଡ଼ିଛି । ପ୍ରଦ୍ୟୁମ୍ନର ପିତା ବରୁଣ କହିଛନ୍ତି, ପୁଅ ଓ ଝିଅକୁ ସ୍କୁଲରେ ଛାଡି ଆସିବା ପରେ ପତ୍ନୀଙ୍କୁ ସକାଳ ୮ଟା ୧୦ରେ ଫୋନ ଆସିଥିଲା ଯେ, ତାଙ୍କର ପୁଅକୁ କେହି ଜଣେ ସ୍କୁଲ ପରିସରରେ ଗଳା କାଟି ହତ୍ୟା କରିଛି ।

ଶିଶୁର ବାପା ତଥା ଗୁରଗାଓଁରେ ଓରିଏଣ୍ଟ୍ କ୍ରାଫ୍ଟର କ୍ୱାଲିଟି ମ୍ୟାନେଜର ଥିବା ବରୁଣ ଠାକୁର ଏଡି ଘଟଣା ପାଇଁ ସ୍କୁଲ୍ ପ୍ରଶାସନକୁ ଦୋଷାରୋପ କରିଛନ୍ତି ଓ ଏକ ଏଫଆଇଆର ଦାଏର କରିଛନ୍ତି । ପ୍ରଦ୍ୟୁମ୍ନର ମୃତ୍ୟୁ ଏହି ଅଭିଜାତ ଶ୍ରେଣୀର ସ୍କୁଲ ପାଇଁ ଦ୍ୱିତୀୟ ଘଟଣା । ଏହା ପୂର୍ବରୁ ଗତ ୨୦୧୬ ଜାନୁଆରୀ ୨୦ରେ ମଧ୍ୟ ଏହି ସ୍କୁଲରେ ଏକ ୬ ବର୍ଷର ଶିଶୁ ପାଣି ଟାଙ୍କିରେ ପଡି ମୃତ୍ୟୁବରଣ କରିଥିଲା ।

ଜଣେ ଶିଶୁ ପାଇଁ ଘର ତୁଳନାରେ ବିଦ୍ୟାଳୟ ହେଉଛି ସୁରକ୍ଷିତ ସ୍ଥାନ । ଯଦି ଶିକ୍ଷା ଓ ବିଦ୍ୟାଳୟରେ ଏ ବାଧା ରହିବା ତେବେ କାହାକୁ ମଣିଷ ବିଶ୍ଵାସ କରିବ ଏ ନେଇ ପ୍ରଶ୍ନ ଉଠିଛି । ତେଣୁ ସଠିକ ବ୍ୟବସ୍ଥା ପାଇଁ ଅଭିଭାବକ ମାନେ ସ୍କୁଲ ପ୍ରଶାସନକୁ କଡାକଡି କରିବାକୁ ସ୍କୁଲକୁ ଚେତାବନୀ ଦେଇଛନ୍ତି ।

ଗୁରଗାଓଁ ରିୟାନ୍ ଇଣ୍ଟରନ୍ୟାସନାଲ ସ୍କୁଲର ଦ୍ୱିତୀୟ ଷ୍ଟାଣ୍ଡାର୍ଡ଼ ଛାତ୍ର ପ୍ରଦ୍ୟୁମ୍ନ ଠାକୁର ଙ୍କ ହତ୍ୟା ରହସ୍ୟରୁ ପରଦା ଉଠିଲା

ପଢନ୍ତୁ ରାଜଧାନୀରେ ସ୍ଵଦେଶୀ ମେଲାର ପ୍ରସ୍ତୁତି ବିଷୟରେ

Related posts

ରାଜଧାନୀରେ ଚାଞ୍ଚଲ୍ୟ : ଭିଡିଓ ଭାଇରାଲ କଲେ ମନ୍ଦିର ପୂଜକ

ENO Beuro

ଜିଏସ୍‌ଟି ବୈଠକର ଘୋଷଣାରେ ଆଶ୍ୱସ୍ତ ହୋଇଛନ୍ତି ଦେଶବାସୀ: ୧୭୭ଟି ସାମଗ୍ରୀ ଉପରୁ ଜିଏସ୍‌ଟି ହ୍ରାସ

ENO Beuro

ଆସନ୍ତାକାଲି ରାଜ୍ୟର ସମସ୍ତ ଘରୋଇ ହସ୍ପିଟାଲ ଓ ନର୍ସିଂହୋମ୍ ବନ୍ଦ !

ENO Beuro

3 comments

Leave a Comment