Movie News

ଆଜି ଦୁଇଟି ଓଡିଆ ଛବି “ଯଷ୍ଟ ମୋହବତ” ଓ “ସପନର ପଥେ ପଥେ” ପରଦା ଉପରକୁ ଆସୁଛି

ଆଜି ଗଣେଶ ପୂଜାର ବଜାରକୁ ଆହୁରି ରଙ୍ଗୀନ କରିବା ପାଇଁ ଏକାସହିତ ଦୁଇଟି ଓଡିଆ ଛବି ପରଦା ଉପରକୁ ଆସୁଛି । ଏଥିମଧ୍ୟରୁ ଗୋଟିଏ ହେଲା “ଯଷ୍ଟ ମୋହବତ” ଏବଂ ଅନ୍ୟଟି “ସପନର ପଥେ ପଥେ” ।

ଏଲିକ୍ସିର୍‌ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ତଥା କଲ୍ୟାଣ ଏସ୍‌. ଛୋଟରାୟ ଓ ରମେଶ ବାରିକ ପ୍ରଯୋଜିତ ଓଡ଼ିଆ ଛବି “ଯଷ୍ଟ ମୋହବତ” ର ନିର୍ଦ୍ଦେଶନା ଦେଇଛନ୍ତି ଏସ୍‌.କେ. ମୁରଲୀଧରନ୍‌। ଏହା ଏକ ପ୍ରେମକାହାଣୀଧର୍ମୀ ସିନେମା । ଏଥିରେ ଆକାଶ ଓ ଅର୍ଚ୍ଚିତା ମୁଖ୍ୟ କଳାକାର ଥିବା ବେଳେ ଅନୀତା ଦାସ, ପପୁ ପମପମ୍‌ ଓ ସମରେଶ ମଧ୍ୟ ଅଛନ୍ତି ଗୁରୁତ୍ୱପୂର୍ଣ୍ଣ ଭୂମିକାରେ। ବାପୁ ଗୋସ୍ୱାମୀ ଫିଲ୍ମର ସଂଳାପ ଲେଖିଥିବା ବେଳେ ଏହାର ସଙ୍ଗୀତ ନିର୍ଦ୍ଦେଶକ ହେଲେ ଅଭିଜିତ୍‌ ମଜୁମଦାର୍‌। ଯଷ୍ଟ ମୋହବତ ର ଗୀତ ଗୁଡିକ ମଧ୍ୟ ବହୁତ ଲୋକପ୍ରିୟ ହେଇଗଲାଣି ।

ସାର୍ଥକ ମ୍ୟୁଜିକ୍‌ ଦ୍ୱାରା ପ୍ରସ୍ତୁତ ତଥା ସୀତାରାମ ଅଗ୍ରଓ୍ଵାଲଙ୍କ ପ୍ରଯୋଜିତ “ସପନର ପଥେ ପଥେ” ର ନିର୍ଦ୍ଦେଶନା ଦେଇଛନ୍ତି ସୁଶାନ୍ତ ମଣି। ଏହାର ସଂଳାପ ଲେଖିଛନ୍ତି ଡ. ନିର୍ମଳ ନାୟକ। ଏଥିରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବୈଦ୍ୟନାଥ ଦାସ। ଏହି ପ୍ରେମ କାହାଣୀଭିତ୍ତିକ ଓଡ଼ିଆ ସିନେମାରେ ଅମ୍ଳାନ, ନବାଗତା ସନମୀରା, ସିଦ୍ଧାନ୍ତ, ମନୋଜ ପଟ୍ଟନାୟକ ଓ ଚିତ୍ତରଂଜନ ତ୍ରିପାଠୀ ପ୍ରମୁଖ ମୁଖ୍ୟ ଭୂମିକାରେ ଅଛନ୍ତି ।

ଅର୍ଚିତା ଓ ଆକାଶ ଙ୍କ ଯୋଡି ଆଗରୁ ପରଦା ଉପରକୁ ଆସିସାରିଛି । କିନ୍ତୁ ଏହି ନୂଆ ଅମ୍ଳାନ ଓ ସନମୀରା ଙ୍କ ଯୋଡି କେତେଦୂର ସିନେପ୍ରେମୀ ଙ୍କ ଦ୍ଵାରା ଆଦୃତ ହଉଛି ଦେଖିବାକୁ ପଡିବ ।

ଆଜି ଦୁଇଟି ଓଡିଆ ଛବି "ଯଷ୍ଟ ମୋହବତ" ଓ "ସପନର ପଥେ ପଥେ" ପରଦା ଉପରକୁ ଆସୁଛି

ଏମିତି ବି ହେଇପାରେ ଓଡିଆ ସିନେମାର ଅଡିଓ ରିଲିଜ

 

Related posts

Ollywood Movie “Gunda” Is All Set To Hit The Silver Screens On 18th November

Jitendra

Jaga Hatare Pagha New Odia Movie Tarang Cine Productions

Jitendra

“Hey Prabhu Dekha De” Upcoming Odia Movie

Jitendra

2 comments

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More