EnewsOdia.Com

ବିଶ୍ୱରେ ଏବେ ‘ଜଳବାୟୁ ଏମର୍ଜେନ୍ସି’ ଘୋଷଣା କଲେ ୧୧,୦୦୦ ବୈଜ୍ଞାନିକ

ବିଶ୍ୱ ଜଳବାୟୁରେ ଏବେ ଜୁରୁରୀକାଳୀନ ପରିସ୍ଥିତି ସୃଷ୍ଟି ହୋଇଛି। ସ୍ଥିତି ଏମିତି ଯେ ଆଉ ବିଚାର ବିମର୍ଶ ପାଇଁ ସମୟ ନାହିଁ। ମଣିଷ ନିଜ ଜୀବନଶୈଳୀରେ ଯଦି ପରିବର୍ତ୍ତନ ନକରିବ ତାହାଲେ ବିଶ୍ୱ ଧ୍ୱଂସ ହେବା ନିଶ୍ଚିତ। ବିଶ୍ୱର ୧୫୦ଟି ଦେଶର ୧୧ ହଜାର ବୈଜ୍ଞାନିକ ଏକାଠି ହୋଇ ଏହା କହିଛନ୍ତି। ଜଳବାୟୁ ପରିବର୍ତ୍ତନ ପାଇଁ ଯେଉଁମାନେ ନିୟମ ତିଆରି କରୁଛନ୍ତି ସେମାନେ ସଠିକ୍ ଭାବରେ ନିୟମ ଲାଗୁ କରିବାରେ ଅସମର୍ଥ ବୋଲି କହିଛନ୍ତି ଏହି ବୈଜ୍ଞାନିକମାନେ। ତେବେ ଜଳବାୟୁ ପରିବର୍ତ୍ତନ ପଛରେ ଆଜିର ମଣିଷର ବିଳାସପୂର୍ଣ୍ଣ ଜୀବନଶୈଳୀ ବୋଲି ବୈଜ୍ଞାନିକମାନେ ମତ ରଖିଛନ୍ତି।

ଏଭଳି ଚେତାବନୀ ଦ୍ୱିତୀୟ ଥର ପାଇଁ ଦେଇଛନ୍ତି ବିଶ୍ୱର ବୈଜ୍ଞାନିକମାନେ। ପୂର୍ବରୁ ୨୦୧୭ରେ ୧୮୪ ଦେଶର ୧୬ ହଜାର ବୈଜ୍ଞାନିକ ଏକାଠି ହୋଇ ଏଭଳି ଚେତାବନୀ ଦେଇଥିଲେ। ହେଲେ ଏହା ପରେ ସେମାନଙ୍କର ପରାମର୍ଶ କେବଳ ଆଲୋଚନା ଓ ଭାଷଣରେ ମଣିଷ ସୀମିତ ଥିବା ଜଣାପଡ଼ିଛି। ଦେଖାଦେଇଥିବା ଜଳବାୟୁ ପରିବର୍ତ୍ତନ ସମାଧାନ ପାଇଁ ୬ଟି ପ୍ରସଙ୍ଗକୁ ଗୁରୁତ୍ୱ ଦେଇଛନ୍ତି ବୈଜ୍ଞାନିକମାନେ। ପେଟ୍ରୋଲ, ଡିଜେଲ ଓ କୋଇଲା ପରି ଜୀବାଶ୍ମ ବଦଳରେ ମିଥେନ ବ୍ୟବହାର, କମ୍ ମାଂସ ଖାଇବା, ପରିବେଶକୁ ସୁହାଇଲା ଭଳି ମଣିଷ କାମ କରିବା, ଅଙ୍ଗାରକାମ୍ଳ ମୁକ୍ତ ପରିବେଶ ଏବଂ ଜନସଂଖ୍ୟା ଉପରେ ନିୟନ୍ତ୍ରଣ ଲଗାଇବା। ଜନସଂଖ୍ୟାକୁ ମଣିଷ ନିୟନ୍ତ୍ରଣ କରିବାକୁ ଯାଇ ଝିଅମାନଙ୍କୁ ଶିକ୍ଷିତ କରିବାକୁ ବୈଜ୍ଞାନିକମାନେ ଆହ୍ୱାନ କରିଛନ୍ତି।

ପଢନ୍ତୁ: ବ୍ୟାଙ୍କ ଖରାପ ପ୍ରଦର୍ଶନ କଲେ ସିଇଓଙ୍କ ଦରମା କମିବ

 

ସମ୍ବନ୍ଧିତ ଖବର

ଚୀନରେ ଏସଏଆରଏସ ଭାଇରସ ଆତଙ୍କ, ଭାରତ ପାଇଁ ସତର୍କ ଘଣ୍ଟି

Ratnamani Maharana

କରୋନା ପୀଡ଼ିତଙ୍କୁ ବାକ୍ସ ଭିତରେ ଭର୍ତ୍ତି କରି ନେଉଛି ଚୀନ

Ratnamani Maharana

ଜନଗଣନା ସ୍ଥଗିତ ରଖିବାକୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

Ratnamani Maharana

ଅଲିଭ ରିଡ୍‌ଲେଙ୍କ ଶ୍ମଶାନ ପାଲଟିଛି ପୁରୀ ‌ବେଳାଭୂମି

Ratnamani Maharana

ଜାନୁଆରୀ ୪ରୁ ଶିଶିର ସରସ ମେଳା

Ratnamani Maharana

ମାତ୍ର ୧୪୧ ଟଙ୍କାରେ କିଣନ୍ତୁ ‘ଜିଓ ଫୋନ୍‌ ୨ ’

Ratnamani Maharana