News

ଆମ୍ବୁଲାନ୍ସ ଡୋର ନ ଖୋଲିବାରୁ ଶିଶୁର ମୃତ୍ୟୁ

ଛତିଶଗଡର ଜଣେ ସରକାରୀ ଆମ୍ବୁଲାନ୍ସ ଚାଳକଙ୍କ ଖାମଖୀଆଲ ମନୋଭାବ ଯୋଗୁ ଏକ ଶିଶୁ ପୁତ୍ରର ମୃତ୍ୟୁ ହୋଇଛି। ବିହାରର ଗୟା ଜିଲାରେ ବାସ କରୁଥିବା ଅମ୍ବିକା ସିଙ୍ଗ୍‍ଙ୍କ କହିବା ଅନୁସାରେ, ତାଙ୍କ ଅଢେଇ ମାସର ଶିଶୁକୁ ହୃଦ୍‍ରୋଗ ସମସ୍ୟା ରହିଥିଲା। ତା’ର ଚିକିତ୍ସା କରାଇବାକୁ ସେ ତାଙ୍କ ପତ୍ନୀଙ୍କ ସହ ମଙ୍ଗଳବାର ରାୟପୁର ପହଞ୍ଚିଥିଲେ।

ରାୟପୁରରେ ପହଞ୍ଚିବା ପରେ ଶିଶୁର ସ୍ୱାସ୍ଥ୍ୟ ଅଧିକ ଖରାପ ଆଡ଼କୁ ଗତି କରୁଥିବା ଜଣାପଡ଼ିଲା। ଶିଶୁର ସ୍ୱାସ୍ଥ୍ୟବସ୍ଥା ଦେଖି ସେ ମାଗଣା ଆମ୍ବୁଲାନ୍ସ ସେବା ସଞ୍ଜୀବନୀ ଏକ୍ସପ୍ରେସ୍‍ ୧୦୮ ସହ ଯୋଗାଯୋଗ କରିଥିଲେ ଓ ଆମ୍ବୁଲାନ୍ସ ଆସି ପହଞ୍ଚିଥିଲା।

ଆମ୍ବୁଲାନ୍ସରେ ଶିଶୁକୁ ନେଇ ନିକଟସ୍ଥ ଭୀମରାଓ ଆମ୍ବେଦକର ଡ଼ାକ୍ତରଖାନାରେ ପହଞ୍ଚିଲେ ସେତେବେଳେ ଆମ୍ବୁଲାନ୍ସର ଦ୍ୱାର ଖୋଲି ନଥିଲା ଓ ସେମାନେ ଭିତରେ ଫସି ରହିଥିଲେ। ଭିତରେ ୪୦ ମିନିଟ୍‍ ଫସି ରହିବା ପରେ ସେ ଆମ୍ବୁଲାନ୍ସର ଝରକା କାଚ ଭାଙ୍ଗିବାକୁ ଉଦ୍ୟମ କରିଥିଲେ।

ସେହି ସମୟରେ ସେଠାରେ ଉପସ୍ଥିତ ଥିବା କର୍ମଚାରୀମାନେ ଏପରି କରିବାକୁ ମନା କରିଥିଲେ। ବହୁଚେଷ୍ଟା ପରେ ଦ୍ୱାର ନଖୋଲିବାରୁ ସେମାନେ ଝରକା ବାଟ ଦେଇ ବାହାରକୁ ବାହାରି ଶିଶୁକୁ ଡ଼ାକ୍ତରଙ୍କୁ ଦେଖାଇଥିଲେ ଓ ଡ଼ାକ୍ତର ସେଠାରେ ଶିଶୁକୁ ମୃତ ଘୋଷଣା କରିଥିଲେ।।

ପଢନ୍ତୁ; ସଂପର୍କରେ କେଉଁ ମାନେ ଅଧିକ ଧୋକା ଦେଇଥାନ୍ତି? ଜାଣନ୍ତୁ

Related posts

କର୍ମଚାରୀଙ୍କୁ ଦରମା ଦେବାକୁ ବିଏସ୍‌ଏନ୍‌ଏଲ୍‌ ପାଖେ ଟଙ୍କା ନାହିଁ

Ratnamani Moharana

ଗ୍ଲୋବାଲ ଟେରୋରିଷ୍ଟ ଘୋଷଣା ହେଲା ଜୈସ-ଏ-ମହମ୍ମଦ ମୁଖ୍ୟ ମାସୁଦ ଆଝାର

୭ରେ କେରଳ, ଜୁନ୍‌ ୧୫ ସୁଦ୍ଧା ଓଡ଼ିଶା ଛୁଇଁବ ମୌସୁମୀ

Ratnamani Moharana

1 comment

Leave a Comment