News

ରାଷ୍ଟ୍ରୀୟ କୃଷି ବିକାଶ ଯୋଜନା:୨୬୬ କୋଟିର ୨୯ଟି କୃଷି ପ୍ରକଳ୍ପକୁ ମଞ୍ଜୁରି

ରାଷ୍ଟ୍ରୀୟ କୃଷି ବିକାଶ ଯୋଜନାରେ କୃଷି ଓ ନୂତନ କୃଷି କୌଶଳର ବିକାଶ ନିମନ୍ତେ ୨୯ଟି ପ୍ରକଳ୍ପକୁ ରାଜ୍ୟ ସରକାର ଅନୁମୋଦନ କରିଛନ୍ତି। ଏହି ପ୍ରକଳ୍ପଗୁଡ଼ିକ ପାଇଁ ୨୬୬.୪୩ କୋଟି ଟଙ୍କା ବ୍ୟୟ ଅଟକଳ ହୋଇଛି। ବିଭିନ୍ନ ବିଭାଗ, କୃଷି ବିଶ୍ୱବିଦ୍ୟାଳୟ, ନିଗମଗୁଡ଼ିକ ଏସବୁ ପ୍ରକଳ୍ପ ପ୍ରସ୍ତୁତ କରି ପ୍ରସ୍ତାବ ରୂପେ ଉପସ୍ଥାପନ କରିଥିଲେ।

ରାଜ୍ୟର ୩୧୪ଟି ବ୍ଲକରେ ମିନି ମୃତ୍ତିକା ପରୀକ୍ଷାଗାର ପ୍ରତିଷ୍ଠା କରାଯିବ। ସେହିପରି ଟସର ଚାଷ, କୀଟ ନିରୀକ୍ଷଣ ଏବଂ ଏହାର ପରିଚାଳନା, ଫଳର ଅମଳ ପରବର୍ତ୍ତୀ ଗୁଣାତ୍ମକ ବର୍ଗୀକରଣ ଏବଂ ଧାନ ଚାଷ ପାଇଁ ଗୁଣାତ୍ମକ ଜୈବ ସାର ଉତ୍ପାଦନ ଓ ଯୋଗାଣ ଉପରେ ସରକାର ଗୁରୁତ୍ବ ଦେଇଛନ୍ତି।

ଏହା ଛଡା ମହିଳା ସ୍ବୟଂ ସହାୟକ ଗୋଷ୍ଠୀ ଦ୍ଵାରା ପଞ୍ଚାୟତ ପୋଖରୀରେ ମାଛ ଚାଷ, ପ୍ରାଥମିକ ସମବାୟ ସମିତିଗୁଡ଼ିକୁ ଭି-ସାଟ ସଂଯୋଗ, ଉଦ୍ୟାନ ଚାଷ ପାଇଁ କୌଶଳ ତାଲିମ ଏବଂ ଉଦ୍ୟୋଗୀ ବିକାଶ କାର୍ଯ୍ୟକ୍ରମ, କାଜୁ ଚାଷର ସଂପ୍ରସାରଣ, ସବୁଜ ବିପ୍ଲବ ପ୍ରକଳ୍ପ ଓ କୃଷି କଲ୍ୟାଣ ଅଭିଯାନ ସମେତ ଆଧୁନିକ ପ୍ରଣାଳୀରେ ଶୁଖୁଆ ପ୍ରସ୍ତୁତି ଓ ପ୍ରକ୍ରିୟାକରଣ କେନ୍ଦ୍ର ପ୍ରତିଷ୍ଠା କରାଯିବ।

ପ୍ରକଳ୍ପ ମଞ୍ଜୁରି ଓ କାର୍ଯ୍ୟାନ୍ଵୟନ ସଂପର୍କରେ କୃଷି ବିଭାଗ ପ୍ରମୁଖ ସଚିବ ସୌରଭ ଗର୍ଗ ଏବଂ ସେହି ପ୍ରକଳ୍ପଗୁଡ଼ିକର ବୈଷୟିକ ପ୍ରଶାସନିକ ଓ ଆର୍ଥିକ ଦିଗ ଉପସ୍ଥାପନ କରିଥିଲେ ବିଭାଗୀୟ ସ୍ୱତନ୍ତ୍ର ସଚିବ ଭାସ୍କରଜ୍ୟୋତି ଶର୍ମା

ପଢନ୍ତୁ;ରାଜ୍ୟରେ ପ୍ରବଳ ବର୍ଷା : ଟ୍ୱିନସିଟିରେ ସମସ୍ତ ସ୍କୁଲ୍‌କୁ ଆଜି ଛୁଟି ଘୋଷଣା କଲେ ଏସଆରସି

Related posts

ଆଜିଠୁ ଯୁକ୍ତ ଦୁଇ ପାଠ ପଢା ଆରମ୍ଭ

ENO Beuro

୫୦୦ ରୁ ଅଧିକ ଓ୍ବେବ୍‌ସାଇଟ୍‌ ହ୍ୟାକ୍‌ କରିଥିବା ହ୍ୟାକର ଗିରଫ!

ENO Beuro

ମାସର ଦ୍ଵିତୀୟ ଓ ଚତୁର୍ଥ ଶନିବାରକୁ ସରକାରୀ ଛୁଟି ଘୋଷଣା କଲେ ସରକାର

Ratnamani Moharana

1 comment

Leave a Comment