Events And Parties

୨୮ ତମ ରାଜ୍ୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଜାଣନ୍ତୁ କାହାକୁ ମିଳିଲା କେଉଁ ପୁରସ୍କାର

state filmfare award

ଗତକାଲି ସନ୍ଧ୍ୟାରେ ଭୁବନେଶ୍ଵର ସ୍ଥିତ ଉତ୍କଳ ମଣ୍ଡପଠାରେ ୨୮ ତମ ରାଜ୍ୟ ଚଳଚ୍ଚିତ୍ର ପୁରସ୍କାର ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି । ସଂଗୀତା କ୍ଷେତ୍ରରେ ଚଳଚ୍ଚିତ୍ର ଜଗତକୁ ଜୀବନବ୍ୟାପୀ ସାଧନା ପାଇଁ ବରିଷ୍ଠ ଓ ପ୍ରସିଦ୍ଧ କଣ୍ଠଶିଳ୍ପୀ ପ୍ରଣବ କିଶୋର ପଟ୍ଟନାୟକଙ୍କୁ ସର୍ବଶେଷ୍ଠ ପୁରସ୍କାର ‘ଜୟଦେବ ପୁରସ୍କାର’ ପ୍ରଦାନ କରାଗଲା ।

ଉତ୍ସବରେ ଶ୍ରେଷ୍ଠ ଚଳଚ୍ଚିତ୍ର ଭାବରେ ଚିନି ଚଳଚ୍ଚିତ୍ରକୁ ‘ମୋହନ ସୁନ୍ଦର ଦେବ ଗୋସ୍ଵାମୀ ସମ୍ମାନ’ ପୁରସ୍କାର ପ୍ରଦାନ କରାଯାଇଛି । ଏଥିସହିତ ଶ୍ରେଷ୍ଠ ନିର୍ଦ୍ଦେଶକ ଭାବରେ ଅଜୟ ରଥ (ନାମର୍ଦ୍ଦ ), ଶ୍ରେଷ୍ଠ ଅଭିନେତା ଭାବରେ ସମରେଶ ରାଉତରାୟ (ନାମର୍ଦ୍ଦ )ଓ ଶ୍ରେଷ୍ଠ ଅଭିନେତ୍ରୀ ଭାବରେ ଲିପି (ମୀମାଂସା ) ପୁରସ୍କୃତ ହୋଇଛନ୍ତି ।

ଅନ୍ୟ ପୁରସ୍କାର ଗୁଡିକ :-

ଶ୍ରେଷ୍ଠ କାହାଣୀ – ଦିଲ୍ଲୀପ କୁମାର ଚୌଧୁରୀ (ନାମର୍ଦ୍ଦ )

ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକ – ଗୁଡଲି ରଥ (ତୁ କହିବୁ ନା ମୁଁ )

ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ – ଶଶାଙ୍କ ଶେଖର (ଦିନେ ଫୁଟିଗଲା ଫୁଲ – ତୁ କହିବୁ ନା ମୁଁ )

ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକା – ମହାଲକ୍ଷ୍ମୀ ଆୟର (ଢେଉ ଫେରେ – ମୀମାଂସା)

ଶ୍ରେଷ୍ଠ ଚିତ୍ରଗ୍ରହଣ – ଦିଲ୍ଲୀପ ରାୟ (ଚିନି )

ଶ୍ରେଷ୍ଠ ସମ୍ପାଦନା – ସୁକୁମାର ମଣି (ଲଭ ୟୁ ଜେସିକା )

ଶ୍ରେଷ୍ଠ ଗୀତିକାର – ସୁବ୍ରତ ସ୍ଵାଇଁ (ଧୀରେ ଧୀରେ – ଅଗସ୍ତ୍ୟା )

ଶ୍ରେଷ୍ଠ ଚିତ୍ରନାଟ୍ୟ – ଦିଲ୍ଲୀପ କୁମାର ଚୌଧୁରୀ (ନାମର୍ଦ୍ଦ )

ଶ୍ରେଷ୍ଠ ପାର୍ଶ୍ଵ ଅଭିନେତା – ମୀନକେତନ (ମୀମାଂସା)

ଶ୍ରେଷ୍ଠ ପାର୍ଶ୍ଵ ଅଭିନେତ୍ରୀ – ମହାଶ୍ଵେତା (ଦେଲେ ଧାରା କଥା ସରେ )

ଶ୍ରେଷ୍ଠ ହାସ୍ୟ କଳାକାର – ଚିତ୍ତରଞ୍ଜନ ତ୍ରିପାଠୀ (ଲଭ ୟୁ ଜେସିକା)

ଶ୍ରେଷ୍ଠ ଶିଶୁ ଅଭିନେତା – ତିଥିରୁପା ବହିଦାର (ଚିନି )

ଶ୍ରେଷ୍ଠ କଳା ନିର୍ଦ୍ଦେଶକ – ଦେବେନ ଅମାତ (ଚିନି )

ଚଳିତ ବର୍ଷ ୨୭ଟି ବିଭାଗରୁ ୨୪ଟି ବିଭାଗରେ ପୁରସ୍କାର ପ୍ରଦାନ କରାଯାଇଛି । ବାକି ଶ୍ରେଷ୍ଠ ଶିକ୍ଷାଭିତିକ ଶିଶୁ ଚଳଚ୍ଚିତ୍ର , ଶ୍ରେଷ୍ଠ ପ୍ରାମାଣିକ ଚଳଚ୍ଚିତ୍ର (ପ୍ରଯୋଜକ )ଏବଂ ନିର୍ଦ୍ଦେଶକ ମନୋନୀତ ହୋଇ ନାହିଁ । ଓଡିଶାରେ ଆଦିବାସୀ ଭାଷାରେ ପ୍ରସ୍ତୁତ ଶ୍ରେଷ୍ଠ ଚଳଚ୍ଚିତ୍ର ବିଭାଗରେ କୌଣସି ସିନେମା ପ୍ରତିଯୋଗୀତାକୁ ଆସିନଥିବାରୁ କାହାକୁ ପୁରସ୍କାର ଦିଆଯାଇ ନାହିଁ ।

ଉତ୍ସବରେ ଜୁରୀ କମିଟି ଅଧ୍ୟକ୍ଷ ବିପିନ ବିହାରୀ ମିଶ୍ର , ସଦସ୍ୟ ଦୋଳଗୋବିନ୍ଦ ରଥ , ସୂର୍ଯ୍ୟ ଦେଓ , ସୁବାସ ଦାସ ,ଶୈଳେଶ୍ଵର ନନ୍ଦ , ଶୀର୍ଷାନନ୍ଦ ଦାସ କାନୁନଗୋ , ଗୀତା ପଟ୍ଟନାୟକଙ୍କୁ ସମ୍ବର୍ଦ୍ଧିତ କରଯାଇଥିଲା । ରାଜ୍ୟ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା  ଉଦ୍ଘାଟକ ,ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଫୁଲ୍ଲ ସାମଲ ,ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର , ବିଧାୟକ ବିଜୟ କୁମାର ମହାନ୍ତି , ପ୍ରିୟଦର୍ଶୀ ମିଶ୍ର , ମେୟର ଅନନ୍ତ ନାରାୟଣ ଜେନା , ସଂସ୍କୃତି ସଚିବ ମନୋରଞ୍ଜନ ପାଣିଗ୍ରାହୀ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ ।

state filmfare award

Related posts

ଓଡିଆ ଫିଲ୍ମ ଫେୟାର ଆୱାର୍ଡ ସୋ: ଶ୍ରେଷ୍ଠ ଅଭିନୟ ପାଇଁ ହେଲେ ପୁରସ୍କୃତ

Ratnamani Moharana

Bindas Romeo Odia Movie Releasing Today

Jitendra

ପ୍ରାମାଣିକ ଚଳଚ୍ଚିତ୍ର ‘ପିରିୟଡ଼-ଏଣ୍ଡ ଅଫ୍ ସେଣ୍ଟେନ୍ସ’କୁ ଓସ୍କାର ପୁରସ୍କାର.

Ratnamani Moharana

Leave a Comment