News

ଆଜିଠୁ ଦେଶବ୍ୟାପୀ ଦୁଇ ଦିନିଆ ବ୍ୟାଙ୍କ ଧର୍ମଘଟ

ବ୍ୟାଙ୍କ ଧର୍ମଘଟ

ଆଜିଠୁ ଦେଶବ୍ୟାପୀ ୨ ଦିନିଆ ବ୍ୟାଙ୍କ ଧର୍ମଘଟ। ମାତ୍ର ୨ ପ୍ରତିଶତ ପ୍ରସ୍ତାବିତ ଦରମା ବୃଦ୍ଧି ନିଷ୍ପତ୍ତିକୁ ବିରୋଧ ସାଙ୍ଗକୁ ଅନ୍ୟାନ୍ୟ ଦାବିରେ ଆନ୍ଦୋଳନକୁ ଓହ୍ଲାଇବାକୁ ନିଷ୍ପତ୍ତି ନେଇଛନ୍ତି ସମସ୍ତ ରାଷ୍ଟ୍ରାୟତ ବ୍ୟାଙ୍କ କର୍ମଚାରୀ। ଦାବି ପୂରଣ ନେଇ ଇଣ୍ଡିଆନ୍ ବ୍ୟାଙ୍କ୍ସ ଆସୋସିଏସନ-ଆଇବିଏ ସହ ବ୍ୟାଙ୍କ କର୍ମଚାରୀ ସଂଘର ଆଲୋଚନା ବିଫଳ ହେବା ପରେ ପୂର୍ବ ଘୋଷଣା ମୁତାବକ ଆଜି ଓ ଆସନ୍ତାକାଲି ଆନ୍ଦୋଳନ କରିବେ କର୍ମଚାରୀ।

ଏହି ଧର୍ମଘଟ ଯୋଗୁଁ ଉଭୟ ସରକାରୀ ଓ ବେସରକାରୀ କ୍ଷେତ୍ରରେ କାର୍ଯ୍ୟ କରୁଥିବା କର୍ମଚାରୀଙ୍କୁ ମାସ ଶେଷରେ ଦରମା ପ୍ରଦାନରେ ଗୁରୁତର ସମସ୍ୟା ସୃଷ୍ଟି ହେବା ଆଶଙ୍କା ସୃଷ୍ଟି ହୋଇଛି । ତାସହ ଏଟିଏମ୍ଗୁଡ଼ିକରେ ମଧ୍ୟ ଟଙ୍କା ଅଭାବ ପରିସ୍ଥିତି ସୃଷ୍ଟି ହୋଇପାରେ। ଯାହାର ସିଧା ସଳଖ ପ୍ରଭାବ ସାଧାରଣ ଲୋକଙ୍କ ଉପରେ ପଡିବ।

ସୂଚନାଯୋଗ୍ୟ,ଅଗଷ୍ଟ ୨୦୧୭ରେ ଦେଶବ୍ୟାପୀ ବ୍ୟାଙ୍କ ଧର୍ମଘଟ ଯୋଗୁ ରାଷ୍ଟ୍ରାୟତ ବ୍ୟାଙ୍କଗୁଡ଼ିକରେ ସେବା ବନ୍ଦ ହୋଇଯାଇଥିଲା। ୟୁନାଇଟେଡ୍ ଫୋରମ ଅଫ୍‌ ବ୍ୟାଙ୍କ ୟୁନିୟନ ପକ୍ଷରୁ ଏହି ଧର୍ମଘଟ ଡାକରା ଦିଆଯାଇଥିଲା। ବିଶେଷ କରି ଅନେକ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ମିଶ୍ରଣ ନୀତିକୁ ବିରୋଧ ସହ ଅନ୍ୟାନ୍ୟ ୧୬ ଦଫା ଦାବିରେ ବ୍ୟାଙ୍କ କର୍ମଚାରୀ ସଂଘ ଏଥିରେ ସାମିଲ ହୋଇଥିଲା। ଫଳରେ ରାଜ୍ୟର ପ୍ରାୟ ୫ ହଜାର ବ୍ୟାଙ୍କ ଶାଖା ବନ୍ଦ ରହିବା ସହ ୪୦ ହଜାରରୁ ଅଧିକ କର୍ମଚାରୀ ଧର୍ମଘଟରେ ସାମିଲ ହୋଇଥିଲେ।

ପଢନ୍ତୁ; ଦେହରେ ଲେମ୍ବୁ ରସ ଲଗାଇବା ଦ୍ଵାରା କଣ ଫାଇଦା ମିଳିଥାଏ? ଆସନ୍ତୁ ଜାଣିବା

Related posts

ଦିଲ୍ ଜିତିଲେ ଭାଇଜାନ, ଦୁଲିକିଲା ବାରବାଟୀ

ENO Beuro

ମହିଳାଙ୍କ ପସନ୍ଦ ଏୟାର ଷ୍ଟ୍ରାଇକ୍‌ ଓ ମୋଦିଙ୍କ ଫଟୋ ଥିବା ଶାଢ଼ୀ

Ratnamani Moharana

ଏବେ ମିଳିବ ବିଦ୍ୟୁତ୍ ଚାଳିତ କାର୍ – ପରିବେଶ ପ୍ରଦୂଷଣକୁ ରୋକିବା ପାଇଁ କେନ୍ଦ୍ର ସରକାର ଙ୍କ ନୂଆ ଯୋଜନା

ENO Beuro

1 comment

Leave a Comment