News

ଇସ୍ରାଏଲ ପ୍ରଧାନମନ୍ତ୍ରୀ ଭାରତ ଗ୍ରସ୍ତ : ଦୁଇ ଦେଶ ମଧ୍ୟରେ ୯ ପ୍ରସଙ୍ଗରେ ଚୁକ୍ତି ସ୍ୱାକ୍ଷର

ଦିଲ୍ଲୀରେ ରାଇସିନା ଡାଇଲଗକୁ ଉଦଘାଟନ କରିବେ ଭାରତ ଗସ୍ତରେ ଥିବା ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ । ହୋଟେଲ ତାଜ ପ୍ୟାଲେସରେ ୩ଦିନ ଧରି ଚାଲିବ ଏହି ଜିଓ-ପଲିଟିକାଲ ସନଫରେନ୍ସ । ଉଦଘାଟନୀ ସମାରୋହରେ ସାମିଲ ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ । ତିନି ଦିନିଆ ଆଲୋଚନା ଚକ୍ରରେ ୯୦ଟି ଦେଶର ପ୍ରାୟ ୫ଶହ ୫୦ ପ୍ରତିନିଧି ଅଂଶଗ୍ରହଣ କରୁଛନ୍ତି ।

ନେତନ୍ୟାହୁ ଓ ନରେନ୍ଦ୍ର ମୋଦୀଙ୍କ ମଧ୍ୟରେ ହାଇଦ୍ରାବାଦ ହାଉସରେ ଦ୍ୱିପାକ୍ଷିକ ଆଲୋଚନା ହୋଇଛି । ଏହା ପରେ ଦୁଇ ଦେଶର ମୁଖ୍ୟ ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ ଦୁଇ ଦେଶ ମଧ୍ୟରେ ମୋଟ ୯ ଚୁକ୍ତି ସ୍ୱାକ୍ଷର ହୋଇଛି । ଏହି ସାମ୍ବାଦିକ ସମ୍ମିଳନୀରେ ମଧ୍ୟ ନେତନ୍ୟାହୁ ଓ ମୋଦୀଙ୍କ ମଧ୍ୟରେ ବେଶ ଘନିଷ୍ଠତା ଦେଖିବାକୁ ମିଳିଲା । ଦୁଇ ଜଣ ପରସ୍ପରର ପ୍ରଶଂସାରେ ଶତମୁଖ ହୋଇ ପଡ଼ିଥିଲେ । ନେତନ୍ୟାହୁ କହିଛନ୍ତି ଯେତେବେଳେ ମୋଦୀ ଇସ୍ରାଏଲ ଗସ୍ତରେ ଆସିଥିଲା ତାହା କୌଣସି ରକ୍ କନ୍ସର୍ଟ ଠାରୁ କମ ନିଥିଲା ।

ଦୁଇ ଦେଶ ମଧ୍ୟରେ ମହତ୍ୱପୂର୍ଣ୍ଣ ବିଷୟକୁ ନେଇ ମିଳିତ ଭାବେ କାର୍ୟ୍ୟ କରିବା ପାଇଁ ସହମତି ପ୍ରକାଶ ପାଇଛି । ସାଇବର ସୁରକ୍ଷା ଛଡ଼ା ଫିଲ୍ମ ନିର୍ମାଣ, ପେଟ୍ରୋଲିୟମ, ଇନଭେଷ୍ଟ ଇଣ୍ଡିଆ ଇନଭେଷ୍ଟ ଇସ୍ରାଏଲ କୁ ନେଇ ଦୁଇ ଦେଶ ମଧ୍ୟରେ ଚୁକ୍ତିନାମା ସ୍ୱାକ୍ଷର ହୋଇଛି । ସୌର ଶକ୍ତି କ୍ଷେତ୍ରରେ ମଧ୍ୟ ଦୁଇ ଜଣ ମିଳି ମିଶି କାମ କରିବେ ।

ପ୍ରଧାନମନ୍ତ୍ରୀ ମୋଦୀ ନିଜର ପ୍ରାରମ୍ଭିକ ପଂକ୍ତିକୁ ଇସ୍ରାଇଲ ଭାଷାରେ ସମ୍ବୋଦ୍ଧିତ କରିଥିଲେ । ମୋଦୀ ନେତନ୍ୟାହୁଙ୍କୁ ‘‘ବିବି’’ କହି ସମ୍ବୋଦ୍ଧିତ କରିଥିଲେ । ଇସ୍ରାଏଲ ଭାଷାରେ ବିବି ଶବ୍ଦର ଅର୍ଥ ହୋଇଛି ଭଲ ସାଙ୍ଗ । ମୋଦୀ କହିଛନ୍ତି ଯେ ଦୁଇ ଦେଶ ମଧ୍ୟରେ ଫିଲ୍ମ, ସ୍ଟାର୍ଟ ଅପ ଇଣ୍ଡିଆ, ରକ୍ଷା ଓ ନିବେଶକୁ ନେଇ ସହମତି ହୋଇଛି । ମୁଁ ଆଶା କରୁଛି ଯେ ଦୁଇ ଦେଶ ପରସ୍ପରର ଉନ୍ନତି ଓ ବିକାଶ ପାଇଁ ସହଯୋଗ କରିବେ । ମୋଦୀ କହିଥିଲେ ଯେ ଏହା ଏକ ଅତ୍ୟନ୍ତ ଖୁସୀର ବିଷୟ ଯେ ଦେଶରେ ଲୋହଡ଼ୀ, ମକର ସଂକ୍ରାନ୍ତି ଓ ପୋଙ୍ଗଳ ଭଳି ପର୍ବ ଚାଲିଥିବା ବେଳେ ମିତ୍ର ନେତନ୍ୟାହୁ ଭାରତ ଗସ୍ତରେ ଆସିଛନ୍ତି ।

ପଢନ୍ତୁ ;

ସୁସ୍ଥ ଜୀବନ ଏବଂ ଲମ୍ବା ସମୟ ପାଇଁ ଓଜନ ହ୍ରାସ କରିବାକୁ ଚାହୁଁଛନ୍ତି କି ? ତେବେ ଖାଦ୍ୟରେ ସାମିଲ କରନ୍ତୁ “ଚିକେନ”

Related posts

ବିଶ୍ୱ ସ୍ୱାସ୍ଥ୍ୟ ସଂଗଠନ ରିପୋର୍ଟ: ସବୁଠାରୁ ଅଧିକ ପ୍ରଦୂଷିତ ସହର ତାଲିକାରେ ଭାରତର ୧୪ଟି ସହର

ENO Beuro

Conjoined Twins Jaga & Balia Went To AIIMS In New Delhi For Treatment

ENO Beuro

ନଅ ଥର ଗୁଳିର ଶିକାର ହେବା ପରେ ମରଣ ମୁହଁରୁ ଫେରିଆସିଥିବା ଯବାନ ଚେତନ ଚିତାହ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More