News

ଉତ୍ତରପ୍ରଦେଶର ରାଏବରେଲି ଏନଟିପିସିରେ ଦୁର୍ଘଟଣା, ମୃତ୍ୟୁ ସଂଖ୍ୟା ୨୬କୁ ବୃଦ୍ଧି, ଶତାଧିକ ଆହତ

ଉତ୍ତରପ୍ରଦେଶର ରାଏବରେଲି ଏନଟିପିସିରେ ଦୁର୍ଘଟଣା, ମୃତ୍ୟୁ ସଂଖ୍ୟା ୨୬କୁ ବୃଦ୍ଧି, ଶତାଧିକ ଆହତ

ଉତ୍ତରପ୍ରଦେଶର ରାୟବରେଲି ଜିଲ୍ଲା ଉଞ୍ଚାହରସ୍ଥିତ ନ୍ୟାସନାଲ ଥର୍ମାଳ ପାୱାର କର୍ପୋରେସନ (ଏନଟିପିସି)ର ବ୍ରଏଲର ବିସ୍ଫୋରଣରେ  ବଢୁଛି ମୃତ୍ୟୁସଂଖ୍ୟା । ବଏଲର ଫାଟିବା ଘଟଣାରେ ଏବେ ପର୍ଯ୍ୟନ୍ତ ୨୬ ଜଣଙ୍କର ମୃତ୍ୟୁ ହେଇଛି । ତେବେ ଗତକାଲି ୨୦ ଜଣଙ୍କର ମୃତ୍ୟୁ ହୋଇଥିଲା ।  ଆଜି ଚିକିତ୍ସାଧିନ ଅବସ୍ଥା ଆଉ ୬ ଜଣଙ୍କର ମୃତ୍ୟୁ ହୋଇଛି । ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା ରହିଛି ।

ଏନଟିପିସି ତରଫରୁ ଘଟଣାର ଯାଞ୍ଚ ପାଇଁ ଆଦେଶ ଦିଆଯାଇଥିବା ବେଳେ ଏନଡିଆରଏଫର ଟିମ ଉଦ୍ଧାର କାର୍ଯ୍ୟରେ ନିଜକୁ ନିୟୋଜିତ କରିଛନ୍ତି । ଏହି ଦୁର୍ଘଟଣାରେ ୧୦୦ରୁ ଅଧିକ ଶ୍ରମିକ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ରାଏବରେଲି ଓ ଲକ୍ଷ୍ନୌର ଡାକ୍ତରଖାନାରେ ଭର୍ତି କରାଯାଇଛି । ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ସଂକଟାପନ୍ନ ରହିଛି । ଏନଟିପିସିରେ ପ୍ରାୟ ୧୫୦୦ କର୍ମଚାରୀ କାର୍ଯ୍ୟରତ ।

ଗତକାଲି ଅପରାହ୍ନ ପ୍ରାୟ ୪ଟାରେ ବ୍ରଏଲରରେ ବିସ୍ଫୋରଣ ହେବା ସହ ନିଆଁ ଲାଗିଯାଇଥିଲା । ଏହି ସମୟରେ ପାଖାପାଖି ୨୦୦ରୁ ଅଧିକ ଲୋକ କାମ କରୁଥିଲେ । ତେବେ ଦୁର୍ଘଟଣା ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ସଂପର୍କୀୟଙ୍କୁ ୨ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ସେହିପରି ଆହତଙ୍କୁ ୫୦ ହଜାର ଟଙ୍କାର ସହାୟତା ଘୋଷଣା କରିଛନ୍ତି । ଦୁର୍ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଭୀର ଶୋକ ଜଣାଇଛନ୍ତି । କେନ୍ଦ୍ରମନ୍ତ୍ରୀ ଜେପି ନଡ୍ଡା ୟୁପି ସ୍ୱାସ୍ଥ୍ୟମନ୍ତ୍ରୀ ସିଦ୍ଧାର୍ଥନାଥ ସିଂହ ଓ ସ୍ୱାସ୍ଥ୍ୟ ସଚିବଙ୍କୁ ସମସ୍ତ ପ୍ରକାର ସହାୟତା କରିବାକୁ ପରାମର୍ଶ ଦେଇଛନ୍ତି ।

ଉକ୍ତ ଘଟଣା ଉପରେ ପ୍ରଶାସନ ଓ କତ୍ତୃପକ୍ଷ ନଜର ରଖିଥିବା ଜଣାଯାଇଛି । ରାୟବରେଲି ସହରରେ ଅସ୍ଥାୟୀ କଣ୍ଟ୍ରୋଲ ରୁମ ସ୍ଥାପନା କରାଯାଇଛି । ଏଥି ପାଇଁ ହେଲ୍ପଲାଇନ ନମ୍ବର ୦୫୩୫-୨୭୦୩୩୦୧, ୦୫୩୫-୨୭୦୩୪୦୧, ୦୫୩୫-୨୭୦୩୨୦୧ ଜାରି କରାଯାଇଛି ।

ଉତ୍ତରପ୍ରଦେଶର ରାଏବରେଲି ଏନଟିପିସିରେ ଦୁର୍ଘଟଣା, ମୃତ୍ୟୁ ସଂଖ୍ୟା ୨୬କୁ ବୃଦ୍ଧି, ଶତାଧିକ ଆହତ

ପଢନ୍ତୁ, ଦ୍ରୁତ ବୋଲର ଆଶିଷ ନେହରା ଙ୍କ ଆନ୍ତର୍ଜାତିକ କ୍ୟାରିୟରରେ ପୂର୍ଣ୍ଣଚ୍ଛେଦ

Related posts

ଟ୍ୱିନସିଟିରେ ନୂଆ ପୁଲିସ କମିଶନର ଭାବେ ଦାୟିତ୍ୱ ନେଲେ ସତ୍ୟଜିତ୍ ମହାନ୍ତି

ENO Beuro

ସାପ ସହ ଲାଇଭ୍ ପର୍ଫର୍ମାନ୍ସ ସମୟରେ : ସାପ କାମୁଡ଼ାରେ ଅଭିନେତ୍ରୀଙ୍କ ମୃତ୍ୟୁ !

ENO Beuro

ବ୍ୟାପିଲା ବାର୍ଡ ଫ୍ଲୁ, ଆଜିଠାରୁ କୁକୁଡାମରା ଅଭିଯାନ

ENO Beuro

Leave a Comment