News

ଆଲଜେରିଆରେ ବିମାନ ଦୁର୍ଘଟଣା : ୨୫୭ ମୃତ

ଆଲଜେରିଆର ରାଜଧାନୀଠାରୁ ୨୫ କି.ମି. ଦୂରରେ ଅଘଟଣ

ଉତ୍ତର ଆଫ୍ରିକୀୟ ଦେଶ ଆଲଜେରିଆରେ ବୁଧବାର ଏକ ବଡ଼ଧରଣର ବିମାନ ଦୁର୍ଘଟଣା ଘଟିଛି । ଫଳରେ ନିମାନରେ ଥିବା ୨୭୫ ଜଣ ଯାତ୍ରୀ ଓ କର୍ମଚାରୀ ପ୍ରାଣ ହରାଇଛନ୍ତି । ବିମାନରେ ୨୪୭ ଜଣ ସୈନ୍ୟ ଓ ସେମାନଙ୍କ ପରିବାର ଲୋକ ଏବଂ ୧୦ ଜଣ କର୍ମଚାରୀ ଥିଲେ । ବିମାନଟି ବୌଫାରିକ୍‌ ସାମରିକ ଘାଟିରୁ ସୈନ୍ୟ ଓ ସେମାନଙ୍କ ପରିବାର ବର୍ଗଙ୍କୁ ନେଇ ମୋରୋକ ସୀମାନ୍ତବର୍ତ୍ତୀ ବେଚାରକୁ ଯାଉଥିଲା ।

ଏହାକୁ ଦେଶର ସବୁଠୁ ବଡ଼ ବିମାନ ଦୁର୍ଘଟଣା ବୋଲି କୁହାଯାଉଛି । ଆଲଜେରିଆର ରାଜଧାନୀ ଆଲଜିୟର୍ସର ୨୫ କି.ମି ଦକ୍ଷିଣ-ପଶ୍ଚିମରେ ବୋଉଫରିକ୍‌ ବାୟୁସେନା ଘାଟି ଅବସ୍ଥିତ । ଏହି ଘାଟିକୁ ଦେଶର ବାୟୁସେନା ବିମାନବନ୍ଦର ଭାବେ ବ୍ୟବହାର କରିଥାଏ। ଏଠାରୁ ରୁଷିଆ ନିର୍ମିତ ମିଡିୟମ୍‌ ରେଞ୍ଜ ପରିବହନ ବିମାନ ଇଲ୍ୟୁଶିନ୍‌ ଆଇଏଲ-୭୬ ପଶ୍ଚିମ ସୀମାନ୍ତ ସହର ତିଣ୍ଡୁଫ୍‌ ଅଭିମୁଖେ ଉଡାଣ କରିଥିଲା ।

ଉଡାଣର ମାତ୍ର କିଛି ସମୟ ପରେ ବିମାନଟି ବାୟୁସେନା ଘାଟି ନିକଟସ୍ଥ ଏକ ପଡ଼ିଆରେ ଖସିପଡ଼ିଥିଲା । ଭୂମିରେ ଖୁବ୍‌ ଜୋରରେ ଧକ୍କା ହେବା ଫଳରେ ବିମାନରେ ନିଆଁ ଲାଗିଯାଇଥିଲା । ଦୁର୍ଘଟଣା ପରେ ସଙ୍ଗେ ସଙ୍ଗେ ୩ ଶହରୁ ଅଧିକ ଉଦ୍ଧାରକାରୀ ଘଟଣାସ୍ଥଳରେ ପହଞ୍ଚିଥିଲେ, କିନ୍ତୁ ଯାତ୍ରୀଙ୍କୁ ଜୀବିତ ଉଦ୍ଧାର କରିବା ସମ୍ଭବ ହୋଇନଥିଲା ।  ସମଗ୍ର ଅଞ୍ଚଳରେ ଧୂଆଁର ବଳୟ ସୃଷ୍ଟି ହୋଇଥିବାରୁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିଲା । ଉଦ୍ଧାରକାରୀ ଦଳ ଦୁର୍ଘଟଣାଗ୍ରସ୍ତ ବିମାନରୁ ୨୫୭ଟି ମୃତଦେହ ବାହାର କରିବାରେ ସକ୍ଷମ ହୋଇଛନ୍ତି । ମୃତକଙ୍କ ମଧ୍ୟରେ ୧୦ ବିମାନ କର୍ମଚାରୀ ଥିବାବେଳେ ଅଧିକାଂଶ ସୈନ୍ୟ ଓ ସେମାନଙ୍କ ପରିବାର ସଦସ୍ୟ ବୋଲି ଜଣାପଡ଼ିଛି ।

ଏହି ବିମାନ ଦୁର୍ଘଟଣା ଆଲଜେରିଆ ଇତିହାସରେ ସବୁଠାରୁ ବଡ଼ ଦୁର୍ଘଟଣା ବୋଲି କୁହାଯାଉଛି । ଏହା ପୂର୍ବରୁ ୨୦୦୩ ମସିହାରେ ଏୟାର ଆଲଜେରିଆର୍‌ର ଜେଟ୍‌ ବିମାନ ତମନରାସେଟ୍‌ରୁ ଉଡ଼ାଣ ଆରମ୍ଭ କରିବାର କିଛି ସମୟପରେ ଦୁର୍ଘଟଣାଗ୍ରସ୍ତ ହେବାରୁ ୧୦୨ ଜଣଙ୍କ ମୃତ୍ୟୁ ଘଟିଥିଲା । ୨୦୧୪ ମସିହାରେ ଏକ ସି-୧୩୦ ବିମାନ ଡିଜେବେଲ୍‌ ଫେରଟାସ୍‌ ପର୍ବତରେ ଦୁର୍ଘଟଣାଗ୍ରସ୍ତ ହେବାରୁ ୭୦ ଜଣଙ୍କ ମୃତ୍ୟୁ ହୋଇଥିଲା ।

ପଢନ୍ତୁ ;

ରୁଷିଆକୁ ଟ୍ରମ୍ପ୍‌ଙ୍କ ଧମକ : ୭୨ ଘଣ୍ଟା ମଧ୍ୟରେ ଯୁଦ୍ଧ

Related posts

ଓଡ଼ିଶାରେ ପୁଞ୍ଜି ନିବେଶ କରିବାକୁ ଫ୍ରାନ୍ସ କମ୍ପାନୀଗୁଡ଼ିକ ବେଶ ଆଗ୍ରହୀ

ENO Beuro

ଭାରତୀୟ ରେଳବାଇ ପକ୍ଷରୁ ସୌରଶକ୍ତି ଯୁକ୍ତ ଡିଏମୟୁ ଟ୍ରେନର ଶୁଭାରମ୍ଭ ହୋଇଛି

ENO Beuro

ଭାରତୀୟ ବାୟୁସେନା ପାଇଲଟ ଅଭିନନ୍ଦନଙ୍କୁ ଛାଡ଼ିବା ନେଇ ପାକିସ୍ତାନ ରଖିଲା ଏଭଳି ସର୍ତ୍ତ……….

ENO Beuro

1 comment

Leave a Comment