Entertainment

ବଲିଉଡ୍‌ ସୁପରଷ୍ଟାର “ଅମିର ଖାଁ” ହେଲେ ଚାଇନିଜ୍‌ ସ୍ମାର୍ଟଫୋନ୍‌ ବ୍ରାଣ୍ଡ୍‌ ଭିଭୋ ପକ୍ଷରୁ ନୂଆ ବ୍ରାଣ୍ଡ୍‌ ଆମ୍ବାସଡ଼ର୍‌!

ବଲିଉଡ୍‌ ଅଭିନେତା ସୁପରଷ୍ଟାର ଅମିର ଖାଁଙ୍କୁ ଚାଇନିଜ୍‌ ସ୍ମାର୍ଟଫୋନ୍‌ ବ୍ରାଣ୍ଡ୍‌ ଭିଭୋ ପକ୍ଷରୁ ନୂଆ ବ୍ରାଣ୍ଡ୍‌ ଆମ୍ବାସଡ଼ର୍‌ ଭାବେ ନିଯୁକ୍ତି କରାଯାଇଛି।

ଏହି ଅବସରରେ ଭିଭୋ ଇଣ୍ଡିଆର ସିଏମ୍‌ଓ କେନ୍ନି ଜେଙ୍ଗ୍‌ କହିଲେ, ‘ସୁପରଷ୍ଟାର ଅମିର ଖାଁଙ୍କ ସହିତ ଆମର ଚୁକ୍ତି ବେଶ୍‌ ସଫଳ ରହିବ। ଭିଭୋ ପକ୍ଷରୁ ସବୁବେଳେ ଅନନ୍ୟ ଉତ୍ପାଦକୁ ଅନ୍ତର୍ଭୁକ୍ତ କରିବାର ପ୍ରୟାସ କରାଯାଇଥାଏ । ଏପରି ଏକ ଅନନ୍ୟ ପ୍ରୟାସର ଘୋଷଣା କରି ଆମେ ବେଶ୍‌ ଆନନ୍ଦିତ। ଏହା ଆମର ଗ୍ରାହକଙ୍କୁ ଶ୍ରେଷ୍ଠ ଅଭିଜ୍ଞତା ପ୍ରଦାନ କରିବ। ଏହାଦ୍ୱାରା ଭାରତୀୟ ବଜାରରେ ଆମେ ବେଶ୍‌ ସଫଳ ରହିପାରିବୁ।

ଅମିର ଖାଁ କହିଛନ୍ତି ଯେ, ‘ଭିଭୋ ଭଳି ଏକ ବ୍ରାଣ୍ଡ୍‌ ସହିତ ମିଳିତ ହୋଇଥିବାରୁ ମୁଁ ବେଶ୍‌ ଖୁସି ପ୍ରକାଶ କରୁଛି । ଆମର ଚୁକ୍ତି ବେଶ୍‌ ସଫଳ ରହିବ ବୋଲି ଆଶା ଓ ବିଶ୍ୱାସ। ଏହା ଦ୍ୱାରା ଭିଭୋର କାରବାର ବୃଦ୍ଧି ହେବାର ଯଥେଷ୍ଟ ସମ୍ଭାବନା ରହିବ। ଭିଭୋ ଗତ କିଛି ବର୍ଷ ଧରି ରିଟେଲ୍‌ ଏବଂ ଇ-କମର୍ସ କ୍ଷେତ୍ରରେ କାରବାର ଜାରି ରଖିଥିବାବେଳେ ଆଇପିଏଲ୍‌ ଏବଂ ପ୍ରୋ କବାଡ଼ି ଲିଗ୍‌ ଆୟୋଜନ କ୍ଷେତ୍ରରେ ବେଶ୍‌ ଲୋକପ୍ରିୟ ହୋଇପାରିଛି।

ବିଶ୍ୱସ୍ତରରେ ସ୍ମାର୍ଟଫୋନ୍‌ ନିର୍ମାଣ କ୍ଷେତ୍ରରେ ଶ୍ରେଷ୍ଠତ୍ୱ ହାସଲ କରିଥିବା ଭିଭୋର ଭାରତୀୟ ବଜାରରେ କାରବାର ୨୦୧୫ ମସିହାରେ ଆରମ୍ଭ କରିଥିଲା। ଏହା ଇତିମଧ୍ୟରେ ନିଜର ସ୍ଥିତିକୁ ସୁଦୃଢ଼ କରିପାରିଛି। ସମ୍ପ୍ରତି ଦେଶର ୨୨ ରାଜ୍ୟର ୪୦୦ରୁ ଅଧିକ ସହରରେ କମ୍ପାନୀର ୪୦୦ରୁ ଅଧିକ ସର୍ଭିସ୍‌ ସେଣ୍ଟର ରହିଛି। କମ୍ପାନୀ ମୁଖ୍ୟତଃ କ୍ୟାମେରା ଓ ମ୍ୟୁଜିକ୍‌କୁ ଗୁରୁତ୍ୱ ପ୍ରଦାନ କରିଥାଏ।

ସୂଚନାଯୋଗ୍ୟ,ଭିଭୋର ଭବିଷ୍ୟତ ସମସ୍ତ ଆକ୍ଟିଭିଟି ପାଇଁ ଅମିର ଖାଁ ଚୁକ୍ତିବଦ୍ଧ ହୋଇଛନ୍ତି। ଏଣିକି ଅମିରଙ୍କୁ ଭିଭୋର ନୂଆ ଟେଲିଭିଜନ କମର୍ସିଆଲ୍‌ରେ ଦେଖିବାକୁ ମିଳିବ।

ପଢନ୍ତୁ;

ଆଫଗାନୀସ୍ତାନ:କାବୁଲରେ ଆତ୍ମଘାତୀ ବିସ୍ଫୋରଣ ୨୬ ମୃତ,୧୮ ଗୁରୁତର

Related posts

ସଂଜୟ ଦତଙ୍କୁ ୧୦ କୋଟିର ସମ୍ପତି ଦାନ କଲେ ମହିଳା ଫ୍ୟାନ

ENO Beuro

ବନ୍ଦ ହେବ ପ୍ରସିଦ୍ଧ ଧାରାବାହିକ ‘ସାବଧାନ ଇଣ୍ଡିଆ’

ENO Beuro

‘ବିଜୁ ବାବୁ’ଙ୍କୁ ନେଇ ଚଳଚିତ୍ର,ଲିଡ ରୋଲରେ ଅନୁଭବ ମହାନ୍ତି

ENO Beuro

1 comment

Leave a Comment