ଜାତୀୟ ସାହସିକତା ପୁରସ୍କାର ପାଇଁ ୧୮ଜଣ ଶିଶୁ ମନୋନିତ, ଓଡ଼ିଶାରୁ ଦୁଇଜଣ

୧୮ଜଣ ଶିଶୁ ଜାତୀୟ ସାହସିକତା ପୁରସ୍କାର ୨୦୧୭ ପାଇଁ ମନୋନିତ ହୋଇଛନ୍ତି । ସେମାନଙ୍କ ମଧ୍ୟରେ ୭ ଜଣ ବାଳିକା ଓ ୧୧ ଜର ବାଳକ ଅଛନ୍ତି । ତିନି ଜଣଙ୍କୁ ମରଣୋତ୍ତର ଭାବେ ଏହି ପୁରସ୍କାର ପ୍ରଦାନ କରାଯିବ । ଏହି ୧୮ଜଣଙ୍କ ମଧ୍ୟରେ ଦୁଇଜଣ ଓଡ଼ିଆ ବାଳକ ବାଳିକା ଅଛନ୍ତି । ଗତବର୍ଷ ନିଜ ଭଉଣୀକୁ କୁମ୍ଭୀର ଟାଣି ନେଉଥିବା ବେଳେ ଅପୂର୍ବ ସାହସିକତା ଦେଖାଇ ଭଉଣୀକୁ କୁମ୍ଭୀର ମୁହଁରୁ ଉଦ୍ଧାର କରିଥିଲେ । ତାଙ୍କ ଘର କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ବାଙ୍କୁଆଳ ଗ୍ରାମର ୭ ବର୍ଷର ବାଳିକା ମମତା ଦଳେଇ । ବୈତରଣୀ ନଦୀରେ ବନ୍ୟାରେ ଭାସିଯାଉଥିବା ୩ ଜଣ ମହିଳାଙ୍କୁ ଅପୂର୍ବ ସାହସିକତା ଦେଖାଇ ଉଦ୍ଧାର କରିଥିଲେ ୧୪ ବର୍ଷର ବାଳକ ପଙ୍କଜ କୁମାର ମହାନ୍ତି । ତାଙ୍କ ଘର କେନ୍ଦୁଝର ଜିଲ୍ଲାରେ । ଏହି ସାହସିକତା ପୁରସ୍କାର ପାଇଁ ମନୋନୀତ ହୋଇଥିବା ଜଣରପଡିଛି । ସାହସିକତାର ସ୍ୱୀକୃତି ସ୍ୱରୂପ ସମସ୍ତଙ୍କୁ ମେଡ଼ାଲ ସହିତ ୪୦ ହଜାର ଟଙ୍କା ପୁରସ୍କାର ପ୍ସରଦାନ କରାଯିବ।

ଉତ୍ତର ପ୍ରଦେଶର ୧୬ ବର୍ଷ କୁମାରୀ ନାଜିଆଙ୍କୁ ଭାରତ ପୁରସ୍କାର ପ୍ରଦାନ କରାଯିବ । ବେଆଇନ ଭାବେ ବ୍ୟବସାୟ କରୁଥିବା ଓ ଜୁଆ ଆଡ୍ଡା ଚଳାଉଥିବା ଗ୍ୟାଙ୍ଗକୁ ସେ ସାହସିକତାର ସହିତ ପୁଲିସ ହାତରେ ଧରାଇ ଦେଇଥିଲେ । ପରେ ପୁଲିସ ସେହି ଗ୍ୟାଙ୍ଗକୁ ଗିରଫ କରିଥିଲା । ବୁଡି ଯାଉଥିବା ବେଳେ ଦୁଇଜଣ ଶିଶୁଙ୍କୁ ଉଦ୍ଧାର କରିଥିବା ୧୪ ବର୍ଷର ସ୍ୱର୍ଗୀୟ ନେଟରାୱତି ଏମ. ଚଭନଙ୍କୁ ସମ୍ମାନ ଜନକ ଗୀତା ଚୋପ୍ରା ପୁରସ୍କାର ପାଇଁ ମନୋନୀତ କରାଯାଇଛି । ସେହିପରି ଅସାଧାରାଣ ସାହସିକତା ପ୍ରଦର୍ଶନ କରି୧୫ ଜଣ ସ୍କୁଲ ପିଲାଙ୍କ ଜୀବନ ରକ୍ଷା କରିଥିବା ପଞ୍ଜାବର ୧୬ ବର୍ଷର ବାଳକ କରନବୀର ସିଂହଙ୍କୁ ସଞ୍ଜୟ ଚୋପ୍ରା ପୁରସ୍କାର ପ୍ରଦାନ କରାଯିବ ।

ଚଳିତ ମାସ ୨୪ତାରିଖରେ ଏହି ପିଲାମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଠାରୁ ପୁରସ୍କାର ଗ୍ରହଣ କରିବେ ଏବଂ ସାଧାରଣତନ୍ତ୍ର ଦିବସ ପ୍ୟାରେଡରେ ଅଂଶ ଗ୍ରହଣ କରିବେ ।

ପଢନ୍ତୁ;

ଆସନ୍ତୁ ଜାଣିବା ଉଚ୍ଚ ରକ୍ତଚାପ ନିୟନ୍ତ୍ରଣ କିପରି କରିବା

Related posts

ସୋସିଆଲ ମିଡିଆରେ ଭାଇରାଲ ହେଲା ମାଟ୍ରିକ ପରୀକ୍ଷା ପ୍ରଶ୍ନପତ୍ର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଳିଲା ସିଓଲ ଶାନ୍ତି ପୁରସ୍କାର

୨୪ରୁ ରାଜ୍ୟର ବିଭିନ୍ନ ସ୍ଥାନରେ ଘଡଘଡି ସହ ବର୍ଷା ସମ୍ଭାବନା