ଗୁରୁବାର ଠାରୁ ବନ୍ଦ ରହିଛି ବୁର୍ଲା ସ୍ଥିତ ଡାକ୍ତର ଏପିଜେ ଅବଦୁଲ କଲାମ ପ୍ଲାନେଟାରିୟମ

ଚଳିତ ବର୍ଷ ସେପ୍ଟେମ୍ବର ୨୨ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ସମ୍ବଲପୁର ବୁର୍ଲାଠାରେ ଉଦଘାଟନ ହୋଇଥିଲା  ଡାକ୍ତର ଏପିଜେ ଅବଦୁଲ କଲାମ ପ୍ଲାନେଟାରିୟମ । ତେବେ ଉଦ୍ଘାଟନର ମାତ୍ର ଦେଢ ମାସ ମଧ୍ୟରେ ବିନା କୌଣସି ପୂର୍ବ ସୂଚନାରେ ପ୍ଲାନେଟାରିୟମ ଗୁରୁବାର ଠାରୁ ବନ୍ଦ ରହିଛି । ବୁର୍ଲା ସ୍ଥିତ ଡାକ୍ତର ଏପିଜେ ଅବଦୁଲ କଲାମ ପ୍ଲାନେଟାରିୟମର ସମସ୍ତ ପରିଚାଳନା ଦାୟିତ୍ୱ ରହିଛି ଭୁବନେଶ୍ୱରରେ ଥିବା ପଠାଣି ସାମନ୍ତ ଚନ୍ଦ୍ରଶେଖର ପ୍ଲାନେଟାରିୟମ କର୍ତ୍ତୃପକ୍ଷଙ୍କ ଉପରେ । ବୈଷୟିକ ସମସ୍ୟା କାରଣରୁ ଏହି ପ୍ଲାନେଟାରିୟମ ଅସ୍ଥାୟୀଭାବେ ବନ୍ଦ ରହିଛି ବୋଲି କାରଣ ଦର୍ଶାଇଛନ୍ତି ପଠାଣି ସାମନ୍ତ ଚନ୍ଦ୍ରଶେଖର ପ୍ଲାନେଟାରିୟମର ଉପ-ନିର୍ଦ୍ଦେଶକ ଶ୍ରୀଯୁକ୍ତ ଶୁଭେନ୍ଦୁ ପଟ୍ଟନାୟକ ।

କିନ୍ତୁ ଏ ସମ୍ପର୍କରେ ସମ୍ବଲପୁର ଜିଲ୍ଲାପାଳ ଶ୍ରୀଯୁକ୍ତ ସମର୍ଥ ବର୍ମାଙ୍କର ରହିଛି ଭିର୍ଣ୍ଣ ଏକ ମତ। ତାଙ୍କ କହିବ ଅନୁସାରେ ସଫଟେୱର ଲାଇସନଓ ସମସ୍ୟା ଯୋଗୁଁ ପ୍ଲାନେଟାରିୟମ ବନ୍ଦ ରହିଛି । ଇଡକୋ(ଇଣ୍ଡଷ୍ଟ୍ରୀଆଲ ଡଭଲପମେଣ୍ଟ କର୍ପୋରେସନ) ଦ୍ୱାରା ୫.୬ କୋଟି ଟଙ୍କାରେ ନିର୍ମିତ ପ୍ଲାନେଟାରିୟମରେ ଯନ୍ତ୍ରପାତି ଓ ସଫଟେୱର ଏକ ବିଦେଶୀ କମ୍ପାନୀ ଦ୍ୱାରା ଲଗାଯାଇଛି । ଠିକ ସମୟରେ ପାଉଣା ପ୍ରଦାନ କରାଯାଇ ନ ଥିବାରୁ କମ୍ପାନୀ ପକ୍ଷରୁ ସଫଟେୱର ଲାଇସନସ ବାତିଲ କରିଦିଆଯାଇଛି ।

ବିନା କୌଣସି ପୂର୍ବ ସୂଚନାରେ ପ୍ଲାନେଟାରିୟମ ବନ୍ଦ କରି ଦିଆଯାଇଥିବାରୁ ଦର୍ଶକ ଓ ବୁଦ୍ଧିଜୀବୀ ମହଲରେ ଗଭୀର ଅସନ୍ତୋଷ ଦେଖାଯାଇଛି । ପ୍ଲାନେଟାରିୟମରେ ସୋ’ ଦେଖିବାକୁ ବହୁ ଦୂରଦୂରାନ୍ତରୁ ସ୍କୁଲ ଛାତ୍ରଛାତ୍ରୀ ଓ ସାଧାରଣ ଲୋକଙ୍କୁ ନିରାଶ ହେବାକୁ ପଡ଼ିଛି । ସୋ’ ଦେଖିବା ପାଇଁ କିଛି ସ୍କୁଲ ପକ୍ଷରୁ ଆଗୁଆ ଟିକଟ ବୁକିଂ କରିଥିଲେ ମଧ୍ୟ ଛାତ୍ରଛାତ୍ରୀ, ଶିକ୍ଷକ ଓ ଶିକ୍ଷୟିତ୍ରୀମାନେ ଦେଖି ପାରି ନାହାନ୍ତି ।

ପଢନ୍ତୁ, ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଓଡ଼ିଆ ଫିଚର ଫିଲ୍ମ “କ୍ଷଣିକ” ପ୍ରଦର୍ଶିତ ହେବାକୁ ମନୋନୀତ

Related posts

ସିବିଆଇକୁ ଆନ୍ଧ୍ର ପ୍ରଦେଶ , ପ.ବଙ୍ଗ ମନା

ଏକାମ୍ର କ୍ଷେତ୍ର ପୁରୁଣା ଭୁବନେଶ୍ୱର ପାଇବ ନୂଆ ରୂପ,ଦେବ ଆଇ ଲଭ୍ ଭୁବନେଶ୍ଵରର ପରିଚୟ

ସ୍କୁଲ୍ ବସ୍ ଦୁର୍ଘଟଣାଗ୍ରସ୍ତ, ୧୨ ଛାତ୍ରୀଛାତ୍ର ଆହତ