ରେଳଧାରଣାରେ ଫାଟ ଥିଲେ ବାଜିବ ଆଲାର୍ମ, ସଙ୍କୋଚନ ଓ ପ୍ରସାରଣଜନିତ ଦୁର୍ଘଟଣାରୁ ମିଳିପାରିବ ରକ୍ଷା

ରେଳ ଧାରଣାରେ ସଙ୍କୋଚନ ଓ ପ୍ରସାରଣଜନିତ ଦୁର୍ଘଟଣା ଉପରେ ଏବେ ରୋକ ଲଗାଯାଇ ପାରିବ । ଦୁର୍ଘଟଣା ରୋକିବା ପାଇଁ ଏକ ନୂତନ ଜ୍ଞାନକୌଶଳର ଉଦ୍ଭାବନ ହୋଇଛି, ଯାହାର ନାମ ହେଲା ଅଲଟ୍ରାସୋନିକ୍ ବ୍ରୋକନେ୍ ରେଲ୍ ଡିଟେକ୍ସନ୍ (ୟୁବିଆରଡ଼ି) । ଉତ୍ତର ମଧ୍ୟ ରେଳୱେର ଆଲ୍ହାବାଦ ଡିଭିଜନ୍ ଓ ମୁରାଦାବାଦ ଡିଭିଜନରେ ଏହି ନୂତନ ଜ୍ଞାନକୌଶଳର ପରୀକ୍ଷଣ ଆରମ୍ଭ ହୋଇଯାଇଛି । ପରୀକ୍ଷା ପାଇଁ ୨୫-୨୫ କିମିର ସେକ୍ସନ ଚୟନ ହୋଇଛି ।

ଆରଡିଏସଓର ଜଣେ ଅଧିକାରୀ କହିଛନ୍ତି ଗରମ ଯୋଗୁଁ ରେଳ ଧାରଣାରେ ପ୍ରସାରଣ ଓ ଶୀତ ଦିନରେ ସଙ୍କୋଚନ କାରଣରୁ ହେଉଥିବା ଦୁର୍ଘଟଣାକୁ ରୋକିବା ପାଇଁ ଖୁବ ଶୀଘ୍ର ଅଲଟ୍ରାସୋନିକ କିରଣର ଏକ ନୂଆ ଜ୍ଞାନକୌଶଳର ବ୍ୟବହାର କରାଯିବ । ଏହି ଜ୍ଞାନକୌଶଳ ଅନୁସାରେ ଅଲଟ୍ରାସୋନିକ କିରଣ ଫାଟ ସୃ୍ଷ୍ଟି ହୋଇଥିବା ରେଳଧାରଣାରେ ପଡ଼ିବ । କିଛି ବିପଦର ଆଶଙ୍କା ଥିଲେ ଆଲାର୍ମ ବାଜିବ । ଆଲାର୍ମ ଶୁଣି ଲୋକୋ ପାଇଲଟ୍ ସତର୍କ ହୋଇଯିବେ ଯାହା ଫଳରେ ଟ୍ରେନ୍ , ହେବାକୁ ଯାଉଥିବା  ଦୁର୍ଘଟଣାରୁ ରକ୍ଷା ପାଇଯିବ ।

ରେଳବାଇର ଅନୁସନ୍ଧାନ ଅଭିକଳ୍ପ ଏବଂ ମାନକ ସଂଗଠନ(ଆରଡ଼ିଏସଓ) ଏହି ନୂତନ ଜ୍ଞାନକୌଶଳର ଉଦ୍ଭାବନ କରିଛି । ଏହି ସଂଗଠନ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଅବସ୍ଥିତ । ଖୁବ ଶୀଘ୍ର ଏହି ଅଲଟ୍ରାସୋନିକ୍ ବ୍ରୋକନେ୍ ରେଲ୍ ଡିଟେକ୍ସନ୍ ଜ୍ଞାନକୌଶଳର ସଫଳ ପରୀକ୍ଷଣ ହେବ ବୋଲି ଆଶା କରାଯାଉଛି ।

ପଢନ୍ତୁ, ଭୁବନେଶ୍ୱର କୁମାର ବାନ୍ଧବୀ ନୁପୂର ନଗରଙ୍କ ସହିତ ଆଜି ବିବାହ ବନ୍ଧନରେ ବାନ୍ଧି ହେବେ

Related posts

ବାଲାକୋଟ ଏୟାର ଷ୍ଟ୍ରାଇକ୍‌ର ‘ମାଷ୍ଟର ମାଇଣ୍ଡ’ ସାମନ୍ତ ଗୋୟଲ ହେଲେ ‘ର’ ମୁଖ୍ୟ

ବିବାହ ଋତୁରେ ଗ୍ରାହକଙ୍କୁ ବଡ଼ ଝଟକା, ରେକର୍ଡ ଭାଙ୍ଗିଲା ସୁନା ଦର

ଜଗା ପାଇଁ କାକଟପୁରରୁ ଆସିଲା ଫଳଭାର