ଫସଲ ରେ ନିଆଁ ନଲଗାଇବାକୁ ଚାଷୀଙ୍କୁ କୃଷି ମନ୍ତ୍ରୀ ଦାମୋଦର ରାଉତଙ୍କ ଅନୁରୋଧ

ନିୟନ୍ତ୍ରଣ ହେଇପାରୁନି ଚକଡା ପୋକ । ଫସଲରେ ନିଆଁ ଲଗାଉଛନ୍ତି ଚାଷୀମାନେ । ଫସଲ ନଷ୍ଟର କଷ୍ଟ ସହିନପାରି ବରଗଡ ଜିଲ୍ଲାରେ ଆତ୍ମହତ୍ୟା କରୁଛନ୍ତି ଜଣଙ୍କ ପରେ ଜଣେ ଚାଷୀ । ଏହାକୁ ନେଇ ପୁରା ରାଜ୍ୟ ହୁଲସ୍ତୂଲ । ବହୁତ ଟଙ୍କା ଖର୍ଚ୍ଚ କରି କରିଥିବା ଫସଲକୁ ପୋକ ନଷ୍ଟ କରିଦେବାରୁ ଚାଷୀମାନେ ବ୍ୟସ୍ତ ହେଇ ଆତ୍ମହତ୍ୟାକୁ ବିକଳ୍ପ ପନ୍ଥା ଭାବରେ ବାଛିଛନ୍ତି । ଏ ସମ୍ପର୍କରେ କୃଷି ବିଭାଗକୁ ଜଣାଯାଇଛି ।

ଦୁଇ ଦିନ ପୂର୍ବେ ବରଗଡରେ ଫସଲ ହାନି ପାଇଁ କୀଟନାଶକ ପିଇ ଆତ୍ମହତ୍ୟା କରିଥିବା ଚାଷୀ ବୃନ୍ଦାବନ ସାହୁଙ୍କ ପରିବାରକୁ ଭେଟିଛନ୍ତି ଆମ ଓଡିଶା ଅଧ୍ୟକ୍ଷ ତଥା ସମ୍ବାଦ ସମ୍ପାଦକ ସୌମ୍ୟ ରଂଜନ ପଟ୍ଟନାୟକ । ମୃତ ଚାଷୀଙ୍କ ପରିବାରକୁ ଭେଟି ସମବେଦନା ଜଣାଛନ୍ତି ନବନିର୍ମାଣ କୃଷକ ସଂଗଠନର ମୁଖ୍ୟ ଉପଦେଷ୍ଟା ସୌମ୍ୟ ରଂଜନ ପଟ୍ଟନାୟକ ଓ ରାଷ୍ଟ୍ରିୟ ସଂଯୋଜକ ଅକ୍ଷୟ କୁମାର । ଉଭୟେ କଳାପାଣି ଅଂଚଳରେ ଚାଷୀଙ୍କୁ ଭେଟି ସମସ୍ୟା ବାବଦରେ ପଚାରି ବୁଝିଛନ୍ତି ।

ସେପଟେ ଫସଲରେ ନିଆଁ ନଲଗାଇବାକୁ ଚାଷୀଙ୍କୁ କୃଷି ମନ୍ତ୍ରୀ ଦାମୋଦର ରାଉତ ଅନୁରୋଧ କରିଛନ୍ତି । ଲକ୍ଷ୍ମୀଙ୍କ ଦେହରେ ନିଆଁ ଲଗାଇଲେ ଲକ୍ଷ୍ମୀଛଡା ହୋଇଯିବା ବୋଲି କୃଷି ମନ୍ତ୍ରୀ କହିଛନ୍ତି । ଆସନ୍ତାକାଲି ବିଶେଷଜ୍ଞ ଟିମ ଫେରିଲେ ରିପୋର୍ଟ ଉପରେ ତର୍ଜମା କରାଯିବ । ୩୩ ପ୍ରତିଶତରୁ ଅଧିକ କ୍ଷୟକ୍ଷତି ହେଲେ ସହାୟତା ଦିଆଯିବ ବୋଲି ମନ୍ତ୍ରୀ କହିଛନ୍ତି ।

ପଢନ୍ତୁ, ଇ-ଟିକିଟ୍‌ ବୁକ୍‌ ପାଇଁ ଆଇଆର୍‌ସିଟିସି ଆକାଉଣ୍ଟ୍‌ ସହ ଆଧାର କେମିତି ଲିଙ୍କ୍‌ କରିବେ ଯାଣନ୍ତୁ

Related posts

ରାଜ୍ୟସରକାର ବଢାଇଲେ ବାର୍ଦ୍ଧକ୍ୟ ଭତ୍ତା

ରାଜଧାନୀ ଏକ୍ସପ୍ରେସ ବସ ସେବାର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

ପ୍ରଧାନମନ୍ତ୍ରୀଙ୍କୁ ନବୀନଙ୍କ ଚିଠି, ଓଡିଶାକୁ ଦିଅ ସ୍ୱତନ୍ତ୍ର ରାଜ୍ୟ ପାହ୍ୟା