ଦିଲ୍ଲୀ ରୋହିଙ୍ଗ୍ୟା ଶିବିରରେ ଅଗ୍ନିକାଣ୍ଡ : ନିଆଁରେ ସମଗ୍ର ବସ୍ତି ପୋଡି ପାଉଁଶ!

ରୋହିଙ୍ଗ୍ୟା ଶିବିରରେ ଅଗ୍ନିକାଣ୍ଡ

ନୂଆଦିଲ୍ଲୀର କାଳିନ୍ଦିକୁଞ୍ଜ ଅଂଚଳରେ ପାଖାପାଖି ୫୫ ରୋହିଙ୍ଗ୍ୟା ପରିବାର ବସବାସ କରୁଥିବା ଏକ ଥଇଥାନ ବସ୍ତିରେ ରାତି ପ୍ରାୟ ୩ଟା ବେଳେ ଭୟାବହ ଅଗ୍ନିକାଣ୍ଡ ଘଟିଛି। ନିଆଁରେ ସମଗ୍ର ବସ୍ତି ପୋଡି ପାଉଁଶ ହୋଇଯାଇଥିବାବେଳେ ବର୍ତ୍ତମାନ ସୁଧା କାହାର ମୃତାହତର ଖବର ମିଳିପାରିନାହିଁ। ତେବେ ଖବର ପାଇ ଅଗ୍ନିସମ ବିଭାଗ ଓ ପୋଲିସ ପହଂଚି ନିଆଁ କୁ ଲିଭାଇବାରେ ସମର୍ଥ ହୋଇଥିଲେ ମଧ୍ୟ ନିଆଁ ର କାରଣ ଜଣାପଡିନାହିଁ।

ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ୪୭ ପରିବାର ବସବାସ କରୁଥିବା ପ୍ଲଟ୍‌ର ସବା ବାମ କଡ଼ରେ ଥିବା ଏକ ଶୌଚାଳୟରେ ପ୍ରଥମେ ନିଅାଁ ଲାଗିଥିଲା। ବିଜୁଳି ତାରରେ ସର୍ଟ ସର୍କିଟ୍‌ ଯୋଗୁଁ ନିଅାଁ ଲାଗିଥିବା ସନ୍ଦେହ କରାଯାଉଛି। ଅଧିକାଂଶ ଘର ଆଜ୍‌ବେସଷ୍ଟସ୍‌, ଟିଣ ଏବଂ ପ୍ଲାଷ୍ଟିକ୍‌ରେ ତିଆରି ହୋଇଥିବାରୁ ସହଜରେ ନିଅାଁ ଚରିଯାଇଥିଲା। ଘଟଣାସ୍ଥଳରେ ପୁଲିସ ଟିମ୍‌ ପହଞ୍ଚି ଶରଣାର୍ଥୀମାନଙ୍କୁ ମୌଳିକ ସୁବିଧା ଯୋଗାଇ ଦେଉଛନ୍ତି। ଅଗ୍ନିକାଣ୍ଡ ସଂକ୍ରାନ୍ତରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି।

ପଢନ୍ତୁ; କାଶ୍ମୀର ଅଂଚଳର ଏକ ୯ ବର୍ଷର ବାଳକ ଆବିଷ୍କାର କଲେ କାଉଣ୍ଟିଂ ପେନ୍‌!

Related posts

ସିବିଆଇକୁ ଆନ୍ଧ୍ର ପ୍ରଦେଶ , ପ.ବଙ୍ଗ ମନା

ଏକାମ୍ର କ୍ଷେତ୍ର ପୁରୁଣା ଭୁବନେଶ୍ୱର ପାଇବ ନୂଆ ରୂପ,ଦେବ ଆଇ ଲଭ୍ ଭୁବନେଶ୍ଵରର ପରିଚୟ

ସ୍କୁଲ୍ ବସ୍ ଦୁର୍ଘଟଣାଗ୍ରସ୍ତ, ୧୨ ଛାତ୍ରୀଛାତ୍ର ଆହତ