ରାଷ୍ଟ୍ରପତିଙ୍କୁ ପତ୍ର ଲେଖି ଇଚ୍ଛା ମୃତ୍ୟ ମାଗିଲେ କିନ୍ନର ଶାନଭୀ

ଜଣେ କିନ୍ନର ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ପତ୍ର ଲେଖି ଇଚ୍ଛା ମୃତ୍ୟୁ ପାଇଁ ଅନୁମତି ମାଗିଛି । କାହିଁକି ନାଁ ତାଙ୍କୁ ଏୟାର ଇଣ୍ଡିଆ କେବିନ କ୍ୟୁ ମେମ୍ବରର ଚାକିରି ଦେବାକୁ ମନା କରିଦିଆଯାଇଛି।ଏୟାର ଇଣ୍ଡିଆରେ ଚାକିରି ନ ଦେବା ନଷ୍ପତି ବିରୋଧରେ ଗତବର୍ଷ ନଭେମ୍ବରରେ ସାନଭି ପିନ୍ନୁସ୍ୱାମୀ ମାମଲା ରୁଜୁ କରିଛନ୍ତି।

ସମାଜ ସବୁବେଳେ କିନ୍ନରଙ୍କୁ ଭିନ୍ନ ନଜରରେ ଦେଖିଥାଏ। କେବଳ ସମାଜ ପାଇଁ ହିଁ ହାତରେ ଢୋଲ ଧରି ନିଜ ସମୂଦାୟ ସହ ଘର ଘର ଯାଇ ଶୁଭକାମନା ଜଣାଇବା ପାଇଁ ବାଧ୍ୟ ହୁଅନ୍ତି ଏମାନେ। ନିଜ ଇଚ୍ଛାରେ ବଞ୍ଚିବା ପାଇଁ ଚାହିଁଲେ ମଧ୍ୟ ବଞ୍ଚିପାରୁନାନ୍ତି। ଏମାନେ ସମାଜରେ ନିଜର ସ୍ୱତନ୍ତ୍ର ପରିଚୟ ପାଇବା ପାଇଁ ସବୁଦିନ ଲଢ଼େଇ କରୁଛନ୍ତି।

୨୦୧୧ର ଜନଗଣନା ରିପୋର୍ଟ ଅନୁଯାୟୀ ଭାରତରେ ଅଛନ୍ତି ୪ ଲକ୍ଷ ୯୦ ହଜାର କିନ୍ନର।

ସୁପ୍ରିମକୋର୍ଟଙ୍କ ଐତିହାସିକ ରାୟ ପରେ କିନ୍ନରମାନଙ୍କୁ ମିଳିଥିଲା ତୃତୀୟଲିଙ୍ଗର ସମ୍ମାନ। ତଥାପି ସେମାନଙ୍କ ପ୍ରତି ସମାଜର ଦୃଷ୍ଟିଭଙ୍ଗୀ ବଦଳି ପାରିନି। ତେବେ ଏହି କିନ୍ନରମାନଙ୍କ ମଧ୍ୟରେ ଏମିତି କିଛି ଅଛନ୍ତି ଯେଉଁମାନେ ନିଜର ଦକ୍ଷତା ଏବଂ କଠିନ ପରିଶ୍ରମ ବଳରେ ସଫଳତା ହାସଲ କରିଛନ୍ତି। ତଥାପି ଲୋକେ ଆଜି ବି ତାଙ୍କୁ ଗ୍ରହଣ କରିପାରନ୍ତି ନାହିଁ। ତେବେ ସମାଜର ଏପରି ନଜରରେ ଅତିଷ୍ଠ ହୋଇ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ପତ୍ର ଲେଖି ଇଚ୍ଛା ମୃତ୍ୟ ମାଗିଛନ୍ତି କିନ୍ନର ଶାନଭୀ। କାରଣ ଏୟାର ଇଣ୍ଡିଆ ତାଙ୍କୁ ଚାକିରିରେ ରଖିବା ପାଇଁ ମନା କରିଦେଇଛି।

ଶାନଭୀଙ୍କ କହିବା ଅନୁସାରେ ବିନା ଚାକିରିରେ ତାଙ୍କର ଗୁଜୁରାଣ ମେଂଟାଇବା ବହୁତ କଷ୍ଟ ହୋଇପଡିଛି । ସେଥିପାଇଁ ତାଙ୍କୁ ଇଚ୍ଛାମୃତ୍ୟୁ ପାଇଁ ଅନୁମତି ଦେବାକୁ ସେ କହିଛନ୍ତି। ସେ ଆହୁରୀମଧ୍ୟ କହିଛନ୍ତି କି ଭାରତ ସରକାର ତାଙ୍କ ପ୍ରଶ୍ନର ଉତ୍ତର ଦେଇ ନାହାନ୍ତି । ସେ ନିଜର ଖାଇବା ଖର୍ଚ୍ଛମଧ୍ୟ ତୁଲାଇବାକୁ ଅସମର୍ଥ । ଶାନଭୀ ଟ୍ରାନ୍ସ ରାଇଡ ନାଓ କଲେକଟେଡ୍ ନାମକ ଏକ ଫେସବୁକ୍ ରେ ମଧ୍ୟ ଏହି ପତ୍ର ଅପଲୋଡ କରିଥିଲେ।

ପଢନ୍ତୁ;

ହାତ ଛାଡି ପଦ୍ମ ଧରିବେ ଅଭିନେତ୍ରୀ ଅପରାଜିତା ମହାନ୍ତି

Related posts

ଓଡିଶାରେ ୩ ହଜାର କୋଟିର ପୁଞ୍ଜି ନିବେଶ କରିବ ରିଲାଏନ୍ସ

କେନ୍ଦ୍ରମନ୍ତ୍ରୀ ଅନନ୍ତ କୁମାରଙ୍କ ପରଲୋକ

ଯୌତୁକ ପାଇଁ ଜାଳିଦେଲେ ! ସ୍ଵାମୀ ,ଶାଶୁ ଶ୍ୱଶୁର ଗିରଫ