ବଡ଼ଦିନ ସୁଦ୍ଧା ବ୍ୟାରେଲ ପିଛା ତୈଳ ଦର ୮୦ ଡଲାର ଟପିଯିବ

ଆନ୍ତର୍ଜାତିକ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଇବାରେ ଲାଗିଛି । ଦୁଇବର୍ଷ ମଧ୍ୟରେ ଏହା ସାର୍ବାଧିକ ସ୍ତର ଛୁଇନ ବ୍ୟାରେଲ ପିଛା ୬୩.୫୨ ଡଲାରରେ ପହଞ୍ଚିଲାଣି । ଏଭଳି ପରିସ୍ଥିତିରେ ବଡ଼ଦିନ ସୁଦ୍ଧା ତୈଳ ଦର ବ୍ୟାରେଲ ପିଛା ୮୦ ଡଲାର ଟପିଯିବ ବୋଲି ଆକଳନ କରାଯାଉଛି । ବର୍ତ୍ତମାନ ଏହାର ଦର ୭୦ ଡଲାର ପାଖାପାଖି ପହଞ୍ଚିଯାଇଛି ।

ଯଦି ଆନ୍ତର୍ଜାତିକ ବଜାରରେ ଅଶୋଧିତ ତୈଳ ମୂଲ୍ୟ ଏଭଳି ଭାବେ ବୃଦ୍ଧି ପାଇବ ତେବେ ଦେଶ ଭିତରେ ପେଟ୍ରୋଲ୍‌ ଏବଂ ଡିଜେଲ ଦର ଆହୁରି ମହଙ୍ଗା ହେବ । ଭୁବନେଶ୍ୱରରେ ଏବେ ପେଟ୍ରୋଲ୍‌ର ଲିଟର ପିଛା ମୂଲ୍ୟ ୬୮ ଟଙ୍କା ୬୬ ପଇସା ରହିଥିବା ବେଳେ ଡିଜେଲ ମୂଲ୍ୟ ୬୨ ଟଙ୍କା ୫୨ ପଇସା ରହିଛି । ସାଉଦି ଆରବ ଏବଂ କିଛି ପଡ଼ୋଶୀ ରାଷ୍ଟ୍ର ଭିତରେ ସମ୍ପର୍କ ଭଲ ନାହିଁ । ଏହାର ପ୍ରଭାବ ଆନ୍ତର୍ଜାତିକ ତୈଳ ବଜାର ଉପରେ ପଡ଼ିବା ପରେ ଦୁଇ ବର୍ଷ ପରେ ପ୍ରଥମ ଥର ପାଇଁ ଅଶୋଧିତ ତୈଳର ବ୍ୟାରେଲ ପିଛା ଦର ୬୦ ଡଲାର ଟପିଯାଇଥିଲା । ଏହା ପରଠାରୁ ଦର କିନ୍ତୁ କ୍ରମାଗତ ଭାବେ ବଢ଼ିଚାଲିଛି ।

ବ୍ୟବସାୟୀଙ୍କ କହିବା ଅନୁଯାଇ ବର୍ତ୍ତମାନ ପରିପ୍ରେକ୍ଷୀରେ ଅଶୋଧିତ ତୈଳ ଦର ବଢିବା ପାଇଁ ଅନେକ କାରଣ ରହିଛି । ଆନ୍ତର୍ଜାତୀୟ ତୈଳ ବଜାରରେ ସୁସଂଗତି ଆଣିବା ଲାଗି ନିକଟରେ ଓପେକ (ତୈଳ ରପ୍ତାନିକାରୀ ରାଷ୍ଟ୍ର ସଂଗଠନ ) ରାଷ୍ଟ୍ର ପକ୍ଷରୁ ଯୋଗାଣ କାଟ ନେଇ ନିସ୍ପତି ହେଇଛି । ଏହାଫଳରେ କିଛି ସପ୍ତାହ ହେଲା ତୈଳ ଦର ବୃଦ୍ଧି ପାଇବାରେ ଲାଗିଛି । ଅନ୍ୟପକ୍ଷରେ ସାଉଡି ଆରବରେ ଏବେ ପ୍ରତିକୂଳ ପରିସ୍ଥିତି ଜାରି ରହିଛି । ଏହିସବୁ କାରଣରୁ ୨୦୧୫ ପରଠାରୁ ତୈଳ ଦର ସର୍ବୋଚ୍ଚ ସ୍ତର ଛୁଇଁଚି ।

ପଢନ୍ତୁ, ବନ୍ଦ ପଡ଼ିଥିବା ବୁର୍ଲାର ଡାକ୍ତର ଏପିଜେ ଅବଦୁଲ କଲାମ ପ୍ଲାନେଟାରିୟମ ପୁଣି ଖୋଲିଲା

Related posts

ଏୟାରସେବା 2.0ର ଶୁଭାରମ୍ଭ କଲେ ସୁରେଶ ପ୍ରଭୁ

ଉତ୍ତରପ୍ରଦେଶରେ ଚାଷୀଙ୍କ ଋଣ ଶୁଝିଲେ ଅମିତାଭ

କାବୁଲରେ ଆତ୍ମଘାତୀ ବିସ୍ଫୋରଣ, ୫୦ ମୃତ