ପାକିସ୍ତାନୀଙ୍କୁ କଡା ଜବାବ ଦେଲେ ଅଦ୍‌ନାନ୍‌ ସାମି

54670942

ପାକିସ୍ତାନ ବାୟୁ ସେନା ପାଇଲଟ୍‌ଙ୍କ ପୁଅ ତଥା ବଲିଉଡ୍‌ ଗାୟକ ଅଦ୍‌ନାନ୍ ସାମି  ଏବେ ଖୁବ୍‌ ଚର୍ଚ୍ଚାରେ। ଏଥର ଚର୍ଚ୍ଚା ତାଙ୍କ ଗୀତକୁ ନେଇ ନୁହେଁ ବରଂ ପାକିସ୍ତାନୀଙ୍କୁ ସେ ଦେଇଥିବା କଡ଼ା ଜବାବ୍‌ ପାଇଁ । ୩ ବର୍ଷ ହେଲାଣି ସପରିବାରେ ଭାରତରେ ରହୁଛନ୍ତି ଅଦ୍‌ନାନ୍‌ । ୨୦୧୬ରୁ ତାଙ୍କୁ ଭାରତର ନାଗରିକତ୍ୱ ମିଳିସାରିଛି। ବିଭିନ୍ନ ପ୍ରସଙ୍ଗରେ ସେ ଭାରତକୁ ସମର୍ଥନ କରନ୍ତି ଓ ସେଥିପାଇଁ ପାକିସ୍ତାନୀମାନେ ତାଙ୍କ ଉପରେ ଖୁବ୍ ରାଗନ୍ତି ଏବଂ ସମାଲୋଚନା କରନ୍ତି। ଏ ନେଇ ବୟାନବାଜି ଜାରି ରହିଥିବା ବେଳେ କିଛି ପାକିସ୍ତାନୀ ଟ୍ୱିଟର୍‌  ୟୁଜର ଅଦ୍‌ନାନ୍‌ ସାମିଙ୍କୁ ଘେରିବାକୁ ପ୍ରୟାସ କରିଥିଲେ।

ସେ ତାଙ୍କ ଟ୍ୱିଟ୍‌ର ଆକାଉଣ୍ଟରେ ଲେଖିଥିଲେ,“ଅଦ୍‌ନାନ୍‌ ସାମି, ଯଦି ତୁମର ସାହସ ଅଛି, ତା’ହେଲେ କଶ୍ମୀର ପ୍ରସଙ୍ଗରେ ମେସେଜ କରିକି ଦେଖାଅ। ତା’ପରେ ଦେଖିବ ଭାରତ ତୁମର କ’ଣ ଅବସ୍ଥା କରୁଛି।” ଅଦ୍‌ନାନ୍‌ ତାଙ୍କୁ କଡ଼ା ଜବାବ ଦେଇ ତାଙ୍କ ପାଟି ଚୁପ୍ କରି ଦେଇଥିଲେ। ସେ ଲେଖିଥିଲେ,“କାହିଁକି ନୁହେଁ… କଶ୍ମୀର ଭାରତ ଅବିଚ୍ଛେଦ ଅଂଶ। ଯେଉଁ କଥା ସହିତ ତୁମର କିଛି ସଂପର୍କ ନାହିଁ ସେଥିରେ ମୁଣ୍ଡ ଖେଳାଅ ନାହିଁ।” ଅଦ୍‌ନାନ୍‌ଙ୍କ ଏହି ଟ୍ୱିଟ୍ ପଢ଼ି ପାକିସ୍ତାନୀ ଟ୍ୱିଟର୍ ୟୁଜରମାନେ ଖୁବ୍ ରାଗି ଯାଇଥିଲେ। ଅନ୍ୟପକ୍ଷରେ ଭାରତୀୟ ୟୁଜର୍‌ମାନେ ଅଦ୍‌ନାନ୍‌ଙ୍କୁ ପ୍ରଶଂସା  କରିଛନ୍ତି।

ସେହିପରି ଅନ୍ୟ ଜଣେ ପାକିସ୍ତାନୀ ଟ୍ୱିଟ୍ କରି ଅଦ୍‌ନାନ୍‌ଙ୍କୁ ତାଙ୍କ ବାପା କେଉଁଠି ଜନ୍ମ ହୋଇଥିଲେ ବୋଲି ପ୍ରଶ୍ନ କରିଥିଲେ। ଏହାର ଉତ୍ତରରେ ସେ ଲେଖିଥିଲେ, “ମୋ ବାପା ୧୯୪୨ ମସିହାରେ ଭାରତରେ ଜନ୍ମ ହୋଇଥିଲେ। ୨୦୦୯ରେ ସେ ଭାରତରେ ଶେଷ ନିଃଶ୍ୱାସ ତ୍ୟାଗ କଲେ।” ଏହା ସହିତ ସେ ଲେଖିଥିଲେ, ତା’ପରେ ଅର୍ଥାତ୍‌ ଆଉ କ’ଣ ପଚାରିବାର ଅଛି ପଚାର। ଅଦ୍‌ନାନ୍‌ଙ୍କୁ ଟ୍ରୋଲ୍ କରୁଥିବା ଆଉ ଜଣେ ୟୁଜର ଶେଷ ଥର କେବେ ଗୋରୁ ମାଂସ  ଖାଇଥିଲ ବୋଲି ପଚାରିଥିଲେ। ଏହାର ଜବାବରେ ସେ କହିଥିଲେ,“ଦୁନିଆ ଜାଣିଛି ମୁଁ କେତେ ଖାଇଛି। ମୋତେ ଲାଗୁଛି, ତୁମେ ସବୁବେଳେ ଗୋରୁ ମାଂସ ଖାଅ। ସେହି ମହାନ୍‌ ଉପଲବ୍ଧି ଛଡ଼ା ତୁମେ ଆଉ କ’ଣ ପାଇଛ, ଋଣ ଓ ଓଜନ ବଢ଼ାଇବାକୁ ଛାଡ଼ିଦେଲେ?”

ସୂଚନାଯୋଗ୍ୟ, ଅଦ୍‌ନାନଙ୍କ ବାପା ପାକିସ୍ତାନ ବାୟୁ ସେନାରେ ପାଇଲଟ୍ ଥିଲେ। ପରେ ସେ ପାକିସ୍ତାନର ରାଷ୍ଟ୍ରଦୂତ  ଭାବେ ୧୪ଟି ଦେଶରେ କାର୍ଯ୍ୟ କରିଥିଲେ। ଅଦ୍‌ନାନ୍ ଲଣ୍ଡନରେ ଜନ୍ମ ହୋଇଥିଲେ ଓ ସେଠାରେ ବଢ଼ିଥିଲେ। ଆଇନ୍‌ରେ ସ୍ନାତକ ଡିଗ୍ରୀ ହାସଲ କରିଥିବା ଅଦ୍‌ନାନଙ୍କୁ ‘କଭି ତୋ ନଜର ମିଲାଓ’ ଓ ‘ମୁଝ୍‌କୋ ଭି ତୋ ଲିଫ୍ଟ କରା ଦୋ’ ଗୀତରୁ ଗାୟକ ଭାବେ ପରିଚୟ ପାଇଥିଲେ।

ପଢନ୍ତୁ: ‘ମିଷ୍ଟର କହ୍ନେୟା’ ଜରିଆରେ ପରଦାକୁ ଫେରିଲେ ପପୁ ପମ୍‌ପମ୍

Related posts

ହେଲ୍‌ମେଟ୍‌ ପିନ୍ଧିଥିବାରୁ ବଡ଼ ବିପତ୍ତିରୁ ଅଳ୍ପକେ ବର୍ତ୍ତିଲେ ବଲିଉଡ୍‌ ଷ୍ଟାର୍‌ ସିଦ୍ଧାର୍ଥ ମଲହୋତ୍ରା

ଲତା ମଙ୍ଗେସକରଙ୍କୁ ୯୦ ତମ ଜନ୍ମ ଦିବସରେ ଉପହାର ଦେବେ ମୋଦି

ନୂଆ ଟ୍ରାଫିକ୍‌ ନିୟମ ଲାଗୁ ହେବାକୁ ନେଇ ସାଉଥ୍‌ ସୁପରଷ୍ଟାର ମହେଶ ବାବୁଙ୍କୁ ଦାୟୀ କଲେ ଲୋକେ