ସୁଶୀଲ କୁମାର – ନାସନାଲ ରେସଲିଙ୍ଗରେ ମାତ୍ର ୧ ମିନଟି ୩୩ ସେକେଣ୍ଡ ଲଢି ସ୍ଵର୍ଣ୍ଣପଦକ ଜିତିଲେ

ଶୁକ୍ରବାର ଜାତୀୟ କୁସ୍ତି ଚମ୍ପିଅନଶିପରେ ପୂର୍ବରୁ ଦୁଇ ଥର ଅଲମ୍ପିକ୍ସ ପଦକ ବିଜେତା ସୁଶୀଲ କୁମାର ସ୍ୱର୍ଣ୍ଣ ପଦକ ହାସଲ କରିଛନ୍ତି । ଜାତୀୟ କୁସ୍ତି ଚମ୍ପିଅନଶିପ ମଧ୍ୟପ୍ରଦେଶର ଇନ୍ଦୋର ଠାରେ ଅନୁଷ୍ଠିତ ହେଇଛି । ସୁଶୀଲ କୁମାର ୭୪କିଲୋ ବର୍ଗରେ ଏହି ସଫଳତା ହାସଲ କରିଛନ୍ତି । ଦୁଇ ଦୁଇ ଥର ଅଲମ୍ପିକ୍ସରେ ପଦକ ବିଜେତା ସୁଶୀଲ କୁମାରଙ୍କୁ କ୍ଵାଟରଫାଇନାଲ , ସେମିଫାଇନାଲ ଓ ଫାଇନାଲ ଖେଳିବାକୁ ପଡିନଥିଲା । ଏହି ସଫଳତା ହାସଲ କରିବାକୁ ସୁଶୀଳଙ୍କୁ ୧ ମିନଟି ୩୩ ସେକେଣ୍ଡ ଲାଗିଥିଲ ।

ଗୋଲ୍ଡ ମେଡାଲ ରାଉଣ୍ଡରେ ଇଣ୍ଡିଆ ଇଣ୍ଟରନ୍ୟାସନାଲ ପ୍ରବୀଣ ରାଣା ଆଘାତ ପାଇବା ପରେ ପାଳି ଶେଷ କରିଥିଲେ । ରାଣା କହିଛନ୍ତି, ଶେଷ ରାଉଣ୍ଡରେ ଆଘାତ ମିଳିବାରୁ ପାଳି ଘୋଷଣା କରିବାକୁ ପଡ଼ିଥିଲା ।ଏହା ପୂର୍ବରୁ କ୍ଵାଟରଫାଇନାଲରେ ପ୍ରବୀଣ ବ୍ୟାକଓଭର ଦେଇଥିଲେ ଓ ସେମିଫାଇନାଲରେ ସଚିନ ଦହିୟା ତାଙ୍କ ବିପକ୍ଷରେ ରିଂକୁ କୁସ୍ତି ପାଇଁ ଆସିନଥିଲେ । ସୁଶୀଲ ପ୍ରଥମ ପାରିରେ ମିଜୋରମର ଲାଲମଲସ୍ଵାମାଙ୍କୁ ମାତ୍ର ୪୮ ସେକେଣ୍ଡ ଆଉ ଦ୍ଵିତୀୟ ପାରିରେ ମୁକୁଲ ମିଶ୍ରଙ୍କୁ ମାତ୍ର ୪୫ ସେକେଣ୍ଡରେ ହିଁ ଧରାଶାୟୀ କରିବାରେ ସଫଳ ହୋଇପାରିଥିଲେ ।

ଅଲମ୍ପିକ ପଦକ ବିଜୟିନୀ ସାକ୍ଷୀ ମଲ୍ଲିକ ଓ ଗୀତା ଫୋଗତଙ୍କୁ ମଧ୍ୟ ଏହି ପ୍ରତିଯୋଗିତାରେ ସ୍ୱର୍ଣ୍ଣ ପଦକ ମିଳିଛି । ୬୨କିଲୋ ବର୍ଗ ଫାଇନାଲରେ ସାକ୍ଷୀ ନିଜ ପ୍ରତିଦ୍ଵନ୍ଦୀ ହରିୟାଣାର ପୂଜା ତୋମାରଙ୍କୁ ୧୦-୦ରେ ପରାସ୍ତ କରିଛନ୍ତି । ସେହିଭଳି ଗୀତା ୫୯କିଲୋ ବର୍ଗରେ ରବିତାଙ୍କୁ ହରାଇଛନ୍ତି । ଗୀତାଙ୍କ ପତି ପୱନ କୁମାର ୮୬କିଲୋ ବର୍ଗ ପ୍ରତିଯୋଗିତାରେ ଭାଗ ନେଇଥିଲେ ।

ପଢନ୍ତୁ,  ନିଜର ବାହାଦୁରୀ ପାଇଁ ସର୍ବୋଚ୍ଚ ସାମରିକ ପଶୁ ସମ୍ମାନରେ ସମ୍ମାନିତ ହେଲା

Related posts

ଆଇସିସି ହଲ୍‌ ଅଫ୍‌ ଫେମ୍‌ରେ ସାମିଲ ହେଲେ ସଚିନ୍‌ ତେନ୍ଦୁଲକର

ୱେଷ୍ଟଇଣ୍ଡିଜ ଗସ୍ତରେ ସବୁ ସିରିଜ୍ ଖେଳିବେ ବିରାଟ୍ କୋହଲି

ଅଧା କଟା କାରରେ ମୈଦାନକୁ ପହଞ୍ଚିଲା ICC ବିଶ୍ବ କପ ଟ୍ରଫି, ଦର୍ଶକ ତାଜୁବ