ରାଜଧାନୀ ଭୁବନେଶ୍ଵରରେ ପ୍ରଥମ ଥର ପାଇଁ ଦେଖିବାକୁ ମିଳିଛି ମହିଳା ବାଇକ ରାଲି

ସ୍ମାର୍ଟ ସିଟି ଭୁବନେଶ୍ଵରରେ ପୁରୁଷଙ୍କ ସହ ତାଳ ଦେଇ ମହିଳାମାନେ ମଧ୍ୟ ଆଗେଇ ଚାଲିଛନ୍ତି । ସୋମବାର ନଭେମ୍ବର ୬ ତାରିଖ ଦିନ ରାଜଧାନୀ ଭୁବନେଶ୍ଵରରେ ପ୍ରଥମଥର ପାଇଁ ଦେଖିବାକୁ ମିଳିଛି ମହିଳା ବାଇକ ଆରୋହିଙ୍କ ପ୍ରଥମ ବାଇକ ରାଲି  । ୭ଜଣ ମହିଳା ବାଇକରଙ୍କୁ ନେଇ ଗଢାଯାଇଥିବା ଓଡ଼ିଶା ବାଇକରନୀ ପକ୍ଷରୁ ପ୍ରଥମ ମହିଳା ବାଇକ୍ ରାଲିକୁ ନେଇ ଯୁବାବର୍ଗଙ୍କ ମଧ୍ୟରେ ନୁଆ ଉତ୍ସାହ ସୃଷ୍ଟି ହୋଇଛି । ମହିଳା ସଶକ୍ତିକରଣ ବାର୍ତ୍ତାର ପ୍ରଚାର ଆଭିମୁଖ୍ୟ ନେଇ ଏହି ରାଲି ଭୁବନେଶ୍ୱରରୁ ବାହାରି ଅଂଶୁପା ପର୍ଯ୍ୟନ୍ତ ଯାଇଥିଲା । ଏଥିରେ ୫ଜଣ ମହିଳା ବାଇକର ଅଂଶଗ୍ରହଣ କରିଥିଲେ ।

ପୁରୁଷମୁଖ୍ୟ ସମାଜ ବ୍ୟବସ୍ଥାରେ ଏବେ ମହିଳାମାନେ ଏବେ ନିଜକୁ ଆଗେଇଲେଣି । ଶିକ୍ଷା , ନିଯୁକ୍ତି , ବ୍ୟବସାୟ , କଳା , ବିଜ୍ଞାନ କୋଉଠି ବି ପଛରେ ନାହାନ୍ତି ମହିଳା । ରାଲିରେ ଯୋଗ ଦେଇଥିବା ମହିଳାମାନଙ୍କ ମଧ୍ୟରେ ଫଟୋଗ୍ରାଫର, ସ୍କୁବା ଡାଇଭର, ଫଟୋଗ୍ରାଫର, ସ୍ତମ୍ଭକାର ଏବଂ ଗ୍ରାଫିକ୍ ଡିଜାଇନରର ପେଷାଦାରମାନେ ଅନ୍ତର୍ଭୂକ୍ତ । ସେମାନେ ସମସ୍ତେ ବାଇକ ଚାଳନାକୁ ପସନ୍ଦ କରନ୍ତି ଏବଂ ଏକାଠି ମହିଳା ଚାଳକଙ୍କ ପ୍ରତି ମାନସିକତାର ପରିବର୍ତ୍ତନ ପାଇଁ ଏପରି ପଦକ୍ଷେପ ନେଇଛନ୍ତି ବୋଲି କହିଥିଲେ ବର୍ଷା ପ୍ରିୟଦର୍ଶିନୀ । ବାଇକର ମାନେ କେଟିଏମ ଡୁକେ, ପିଲିୟନ  ଭଳି ସୁପର ବାଇକ ଜରିଆରେ ରାଜଧାନୀ ଭୁବନେଶ୍ଵର ଠାରୁ ୫୦ କିମି ଦୂର ଅଂଶୁପାକୁ ପ୍ରଥମ ଯାତ୍ରାରେ ପହଞ୍ଚିଥିଲେ । ଆଗକୁ ଆଉ ଅଧିକ ଦୂର ରାସ୍ତା ପାଇଁ ଯୋଜନାଥିବା କହନ୍ତି ଦଳର ଅନ୍ୟ ଜଣେ ସଦସ୍ୟା ମୁସାରତ ।

ପଢନ୍ତୁ, ଏସିଆ କପ୍‌ ହକି ପ୍ରତିଯୋଗିତା ବିଜେତାମାନଙ୍କୁ ମିଳିବ ୧ ଲକ୍ଷ ଟଙ୍କାର ଆର୍ଥିକ ପୁରସ୍କାର – ହକି ଇଣ୍ଡିଆ

Related posts

ସିବିଆଇକୁ ଆନ୍ଧ୍ର ପ୍ରଦେଶ , ପ.ବଙ୍ଗ ମନା

ଏକାମ୍ର କ୍ଷେତ୍ର ପୁରୁଣା ଭୁବନେଶ୍ୱର ପାଇବ ନୂଆ ରୂପ,ଦେବ ଆଇ ଲଭ୍ ଭୁବନେଶ୍ଵରର ପରିଚୟ

ସ୍କୁଲ୍ ବସ୍ ଦୁର୍ଘଟଣାଗ୍ରସ୍ତ, ୧୨ ଛାତ୍ରୀଛାତ୍ର ଆହତ