Entertainment

‘ଯୋଗୀ’ରେ ଏକ ନୂଆ ଯୋଡିକୁ ପରଦାରେ ଦେଖିବାକୁ ପାଇବେ ଦର୍ଶକ

‘ଯୋଗୀ’ ସିନେମାରେ ନୂଆ ଯୋଡି

ଖୁବ୍‌ ଶୀଘ୍ର ଦର୍ଶକ ଏକ ନୂଆ ଯୋଡିକୁ ପରଦାରେ ଦେଖିବାକୁ ପାଇବେ । ଏହି ଯୋଡି ହେଲେ ଆର୍ଯ୍ୟନ୍‌-ନିକିତାଙ୍କ ଯୋଡି । ହଁ ଏହି ଯୋଡି ଯେଉଁ ସିନେମାରେ ପ୍ରଥମ ଥର ଲାଗି ନଜର ଆସିବେ ତାହାର ଟାଇଟଲ ହେଲା ‘ଯୋଗୀ’ । ଏଥିରେ ଆର୍ଯ୍ୟନ୍‌ଙ୍କ ଅଭିନୀତ ଚରିତ୍ରର ନାଆଁ ହେଲା ପ୍ରଭୁ। ‘ଯୋଗୀ’ରେ ଅନ୍ୟମାନଙ୍କ ମଧ୍ୟରେ ବିଜୟ ମହାନ୍ତି, ଜୟୀରାମ ସାମଲ, ସ୍ମିତା ମହାନ୍ତି ,ହର ରଥ ,ମନୋଜ ମିଶ୍ର,ଶ୍ୟାମଳେନ୍ଦୁ ଏବଂ ଅରବିନ୍ଦ ପ୍ରମୁଖ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି ।

କାହାଣୀ ଅନୁଯାୟୀ ସେ ରାଜ୍ୟର ମୁଖ୍ୟମନ୍ତ୍ରୀଙ୍କ ପୁଅ । ଆଉ ସେ ଜଣେ ଗାନ୍ଧିବାଦୀ ପରିବାରର ଝିଅକୁ ଭଲ ପାଉଛି । ଏହି ସିନେମାରେ ଆର୍ଯ୍ୟନଙ୍କ ବିପକ୍ଷରେ ଅଛନ୍ତି ଓଲିଉଡର ଜଣାଶୁଣା ଶିଶୁ କଳାକାର ନିକିତା ମିଶ୍ର। ଏଥିରେ ନିକିତାଙ୍କ ଭୂମିକା ହେଲା ଗାନ୍ଧିବାଦୀ ପରିବାରର ଝିଅ। ଉଭୟଙ୍କର ପ୍ରେମ ଫେସ ବୁକରେ ହୁଏ। ତାପରେ ସେମାନଙ୍କ ଜୀବନରେ କି ପରିବର୍ତ୍ତନ ଆସେ ତାହାକୁ ନେଇ କାହାଣୀ ଗତିଶୀଳ। କଟକର ଝିଅ ନିକିତାଙ୍କ ସହ ତାଙ୍କର ଯୋଡି ଜମିଯିବ ବୋଲି ଆର୍ଯ୍ୟନ୍‌ ଆଶବାଦୀ। ତା’ଛଡ଼ା ‘ଯୋଗୀ’ ସିନେମା ତାଙ୍କ କ୍ୟାରିଅରକୁ ନୂଆ ମୋଡ ଦେବ ବୋଲି ବି ସେ କହିଛନ୍ତି।

ଦୀପକ କୁମାର ଏହାର ସଙ୍ଗୀତ ନିର୍ଦ୍ଦେଶକ। ଇତିମଧ୍ୟରେ ଏହାର ପୋଷ୍ଟ ପ୍ରଡକସନ୍‌ କାମ ସରିବାପରେ ଏହାର ପ୍ରମୋସନ୍‌ ବି ଆରମ୍ଭ ହୋଇଯାଇଛି। ଏହାର ପ୍ରଯୋଜକ ଶ୍ରୀଧର ମାର୍ଥା ଏବଂ ନିରଞ୍ଜନ ବେହେରା ନିର୍ଦ୍ଦେଶକ। ଏହି ଫ୍ରେସ୍‌ ଯୋଡି କି କମାଲ୍‌ କରୁଛନ୍ତି ତାହା ଦେଖିବାକୁ ବାକି ରହିଲା।

ପଢନ୍ତୁ ;

ଶିବରାତ୍ରି ଦିନ ଘରେ କିମ୍ବା ଦୋକାନରେ କରନ୍ତୁ ଏହି ୫ଟି କାମ , ଦୂର ହୋଇପାରେ ଆପଣଙ୍କ ଅସୁବିଧା

Related posts

ଖୁବ୍‌ ଶୀଘ୍ର ରିଲିଜ୍‌ ହେବାକୁ ଯାଉଛି ‘ଦବଙ୍ଗ-୩’

ENO Beuro

ବନ୍ଦ ହେବ ପ୍ରସିଦ୍ଧ ଧାରାବାହିକ ‘ସାବଧାନ ଇଣ୍ଡିଆ’

ENO Beuro

ନ୍ୟୁୟର୍କର ମ୍ୟାଡମ ତୁସାଦ ମ୍ୟୁଜିୟମରେ ସ୍ଥାନ ପାଇଲା କ୍ୟାଟ୍ରିନା କୈଫଙ୍କ ମହମ ମୂର୍ତ୍ତି

ENO Beuro

Leave a Comment