VASTU

ଜାଣନ୍ତୁ, ହିନ୍ଦୁଶାସ୍ତ୍ର ଅନୁସାରେ କେଉଁ ବୃକ୍ଷକୁ ପୂଜାକଲେ କେଉଁ ବାଧାରୁ ମୁକ୍ତି ମିଳେ

ବୃକ୍ଷ ଆମର ବନ୍ଧୁ କହିଲେ ଅତ୍ୟୁକ୍ତି ହେବ ନାହିଁ । ବୃକ୍ଷ ଆମକୁ ଜୀବନ ଦେଇଥାଏ । ନୀତିଦିନ ଜୀବନରେ ଯେମିତି ଆମେ ବୃକ୍ଷ ଉପରେ ନିର୍ଭର କରୁ , ଆଧ୍ୟାତ୍ମିକ ଜୀବନରେ ମଧ୍ୟ ବୃକ୍ଷର ଭୂମିକା ଖୁବ ଗୁରୁତ୍ଵପୂର୍ଣ୍ଣ । ହିନ୍ଦୁଶାସ୍ତ୍ର ଅନୁସାରେ କିଛି ବୃକ୍ଷକୁ ଆମେ ପବିତ୍ର ବୋଲି ମାନୁ ଓ ଯଥାବିଧି ପୂଜାର୍ଚ୍ଚନା ମଧ୍ୟ କରୁ । ଏହା ଦ୍ଵାରା ଆମକୁ ଅନେକ କ୍ଷେତ୍ରରେ ସିଦ୍ଧି ମିଳେ ବୋଲି ହିନ୍ଦୁଶାସ୍ତ୍ରଦିରେ ବର୍ଣ୍ଣିତ । ତେବେ ଆସନ୍ତୁ ଜାଣିବା କେଉଁ ବୃକ୍ଷକୁ ପୂଜାକଲେ କଣ ସୁଫଳ ମିଳେ ଏବୋଂ କେଉଁ ବାଧାରୁ ମୁକ୍ତି ମିଳେ :-

ତୁଳସୀ ଗଛ:- ତୁଳସୀ ଗଛ ପୂଜା କରିବା ଦ୍ୱାରା ଘରେ ସୁଖ ଓ ସମୃଦ୍ଧି ବଜାୟ ରହିଥାଏ। ଯେଉଁ ଘରେ ତୁଳସୀ ଗଛ ପୂଜା କରାଯାଏ, ସେହି ଘରେ ମା’ ଲକ୍ଷ୍ମୀ ବାସ କରିଥାନ୍ତି ବୋଲି ବିଶ୍ୱାସ ରହିଛି । ସାଧବା ନାରୀମାନେ ନିତ୍ୟ ତୁଳସୀ ପୂଜା କଲେ ଅଖଣ୍ଡ ସୌଭାଗ୍ୟବତୀ ହୁଅନ୍ତି ।

ଓସ୍ତ ଗଛ:- ଓସ୍ତ ଗଛକୁ ପୂଜା କଲେ ଶନି ଦୋଷ ଓ ଶତ୍ରୁଙ୍କ କବଳରୁ ମୁକ୍ତି ମିଳିଥାଏ ଏବଂ ଭଗବାନ ବିଷ୍ଣୁଙ୍କ କୃପା ମଧ୍ୟ ଲାଭ ହୋଇଥାଏ। ଧନର ଦେବତା କୁବେର ମଧ୍ୟ ସନ୍ତୁଷ୍ଟ ହୁଅନ୍ତି ।

ବର ଗଛ:-  ବର ଗଛକୁ ବଟ ବୃକ୍ଷ ମଧ୍ୟ କୁହାଯାଏ। ଏହି ଗଛ ଅତ୍ୟନ୍ତ ପବିତ୍ର । ମହିଳାମାନେ ଏହି ଗଛକୁ ପୂଜାକଲେ ଅଖଣ୍ଡ ସୌଭାଗ୍ୟ ପ୍ରାପ୍ତି ହୁଏ। ଏହି ବୃକ୍ଷ ଧନର ଦେବତା କୁବେରଙ୍କ ପ୍ରତୀକ ଅଟେ ।

ବେଲ ଗଛ:- ବେଲ ପତ୍ର ଭଗବାନ ଶିବଙ୍କୁ ଅର୍ପଣ କରାଯାଏ। ବେଲ ଗଛ ପୂଜା କଲେ ଚାକିରିରେ ଉନ୍ନତି ହୋଇଥାଏ। ଭୁତ ପିଶାଚଙ୍କ ଭୟ ଦୂର ହୁଏ ।

ଲାଲ ଚନ୍ଦନ ଗଛ : ଲାଲ ରଙ୍ଗ ସୂର୍ଯ୍ୟଙ୍କ ପ୍ରିୟ , ଏଣୁ ସୂର୍ଯ୍ୟ ସମ୍ବନ୍ଧୀୟ ଗ୍ରହ ଦୋଷ ଥିଲେ ଲାଲ ଚନ୍ଦନ ଗଛ ବିଧି- ବିଧାନ ସହ ପୂଜା କରନ୍ତୁ । ଏହି ଗଛକୁ ପୂଜା କଲେ ଚାକରିରେ ପଦୋନ୍ନତି ଶୀଘ୍ର ହୋଇଥାଏ ।

କଦଳୀ ଗଛ:-  କଦଳୀ ଗଛକୁ ପ୍ରତ୍ୟେକ ମାଙ୍ଗଳିକ କାର୍ଯ୍ୟରେ ବ୍ୟବହାର କରାଯାଏ । ଏହା ଅତ୍ୟନ୍ତ ଶୁଭପ୍ରଦ ବୋଲି ହିନ୍ଦୁ ଶାସ୍ତ୍ରରେ ବର୍ଣ୍ଣିତ । କୁଣ୍ଡଳୀରେ ଗୁରୁ ଦୋଷ ଥିଲେ କଦଳୀ ଗଛ ପୂଜା କଲେ ଅନେକ ଲାଭ ମିଳିଥାଏ। ଏହି ଗଛକୁ ପୂଜା କଲେ ବିବାହ ଯୋଗ ଶୀଘ୍ର ଫିଟିଥାଏ।

ଅଁଳା ଗଛ:-  ଅଁଳା ଗଛ ପୂଜା କଲେ ମା’ ଲକ୍ଷ୍ମୀ ପ୍ରସନ୍ନ ହୋଇଥାନ୍ତି । ଏପରି କଲେ ଧନ ସମ୍ୱନ୍ଧୀୟ ସମସ୍ୟା ଦୂର ହୋଇଥାଏ ଏବଂ ସବୁ କାର୍ଯ୍ୟରେ ସଫଳତା ମିଳିଥାଏ । ଏହି ବୃକ୍ଷକୁ ଘରେ ଲଗେଇଲେ ଗୃହରେ ମା ଲକ୍ଷ୍ମୀଙ୍କ ବାସ ରୁହେ ବୋଲି ବିଶ୍ଵାସ ରହିଛି ।

ଜାଣନ୍ତୁ, ହିନ୍ଦୁଶାସ୍ତ୍ର ଅନୁସାରେ କେଉଁ ବୃକ୍ଷକୁ ପୂଜାକଲେ କେଉଁ ବାଧାରୁ ମୁକ୍ତି ମିଳେ

ପଢନ୍ତୁ; ଆଣ୍ଠୁଗଣ୍ଠି ଜନିତ ସମସ୍ୟା ଅଛି କି ? ତେବେ ଲେମ୍ବୁ ଚୋପାରୁ ତିଆରି ଖାସ୍ ତେଲ ବ୍ୟବହାର କରନ୍ତୁ

Related posts

ସତର୍କ ରୁହନ୍ତୁ , ଘରେ ଏହି ସବୁ ଫଟୋ ଥିଲେ ସମସ୍ୟାର ସମ୍ମୁଖୀନ ହେବାକୁ ପଡିବ

ENO Beuro

ଗଣେଶଙ୍କର କେଉଁ ଆକୃତିର ମୂର୍ତ୍ତିକୁ ଘରେ କିମ୍ବା ଦୋକାନରେ ରଖି ପୂଜା କରିବା ଉଚିତ! ଆସନ୍ତୁ ଜାଣିବା ସେ ସମ୍ପର୍କରେ

ENO Beuro

ତମ୍ବା ମୁଦି ପିନ୍ଧିବା ଦ୍ଵାରା କଣ ଲାଭ ମିଳିଥାଏ? ଜାଣନ୍ତୁ

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More