News

ବାଧୁଛି ଜେଲ ଦଣ୍ଡ,ରାଜକ୍ଷମା ଲୋଡ଼ିଲେ ଆଶାରାମ

ବୃଦ୍ଧକାଳରେ ଆଉ ସହି ହେଉନାହିଁ ଅଜୀବନ କାରାଦଣ୍ଡ। ଆଶାରାମକୁ ବାଧୁଛି ଜେଲ ଦଣ୍ଡ। ରାଜ୍ୟପାଳଙ୍କୁ କ୍ଷମା ମାଗିଲେ ଆତ୍ମଘୋଷିତ ବାବା ଅଶାରାମ ବାପୁ। ଏ ନେଇ ସେ ରାଜସ୍ଥାନ ରାଜ୍ୟପାଳ କଲ୍ୟାଣ ସିଂହଙ୍କ ନିକଟକୁ ଏକ ଆବେଦନ ପତ୍ର ପଠାଇଛନ୍ତି। ବୟସ ଦୃଷ୍ଟିକୋଣରୁ ତାଙ୍କୁ ପ୍ରଦାନ କରାଯାଇଥିବା ଆଜୀବନ କାରାଦଣ୍ଡାଦେଶ ଅତ୍ୟନ୍ତ କଠୋର ହୋଇଥିବାରୁ ତାହାକୁ କୋହଳ କରିବାକୁ ଉକ୍ତ ଆବେଦନରେ ସେ ନିବେଦନ କରିଛନ୍ତି। ତାଙ୍କ ରାଜକ୍ଷମା ଆବେଦନକୁ ରାଜ୍ୟପାଳ ଇତିମଧ୍ୟରେ ଗୃହ ମନ୍ତ୍ରଣାଳୟ ନିକଟକୁ ପଠାଇ ସବିଶେଷ ରିପୋର୍ଟ ଲୋଡିଛନ୍ତି। ଆବେଦନଟି ଏବେ ଗୃହ ମନ୍ତ୍ରଣାଳୟରୁ ଯୋଧପୁର କେନ୍ଦ୍ରୀୟ କାରାଗାର ପ୍ରଶାସନ ଏବଂ ପରେ ଜିଲା ପ୍ରଶାସନ ନିକଟରେ ପହଞ୍ଚିଛି।

bapu ଆଶାରାମ ବାଧୁଛି ଜେଲ ଦଣ୍ଡ,ରାଜକ୍ଷମା ଲୋଡ଼ିଲେ ଆଶାରାମ bapu

ଉଲ୍ଲେଖଯୋଗ୍ୟ,ନିଜକୁ ଭଗବାନ ବୋଲି କହୁଥିବା ଆଶାରାମ ବାପୁ ଗତ ୨୦୧୩ ମସିହା ଅଗଷ୍ଟ ୧୫ ତାରିଖ ଦିନ ନିଜ ଆଶ୍ରମରେ ଜଣେ ୧୬ ବର୍ଷୀୟ ନାବାଳିକାକୁ ଦୁଷ୍କର୍ମ କରିଥିଲେ । ଏହାର ଶୁଣାଣୀରେ ତାଙ୍କୁ ଯୋଧପୁର କୋର୍ଟ ଦୋଷୀ ସାବ୍ୟସ୍ତ କରାଇ ଆଜୀବନ କାରାଦଣ୍ଡରେ ଦଣ୍ଡିତ କରାଇଥିଲା । ପରେ ସେବେଠୁ ଏବେ ଯାଏଁ ଆଶାରାମ ଆଜୀବନ କାରାଦଣ୍ଡ ସହିଆସୁଛନ୍ତି । ତେବେ ଗତ ଜୁଲାଇ ୨ ତାରିଖରେ ଏହି ରାୟ ବିରୋଧରେ ହାଇକୋର୍ଟର ଦ୍ୱାରସ୍ଥ ହୋଇଥିଲେ ଆଶାରାମ । ସେପଟେ ହାଇକୋର୍ଟରେ ଏହାର ଶୁଣାଣୀ ପାଇଁ ଏଯାଏଁ ତାଲିକା ଭୁକ୍ତ ହୋଇନଥିବା ଜଣାପଡିଛି।

ପଢନ୍ତୁ;ଜମ୍ମୁ-କଶ୍ମୀର, ହରିୟାଣାରେ ଭୂକମ୍ପ ଝଟକା

Related posts

ଆରମ୍ଭ ହେଲା ଚଳିତ ବର୍ଷର ଅମରନାଥ ଯାତ୍ରା

ENO Beuro

ଭାରତର ରାଜଧାନୀ ଦିଲ୍ଲୀକୁ ନେଇ କେଜ୍ରିଓ୍ଵାଲ୍‌ ଉପସ୍ଥାପନ କରିଛନ୍ତି ବିଚିତ୍ର ପ୍ରଶ୍ନ

ENO Beuro

ଆଇସିଜେରେ ଦ୍ୱିତୀୟ ଥର ପାଇଁ ବିଚାରପତି ହେଲେ ଭାରତର ଦଲବୀର ଭଣ୍ଡାରି

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More