SPORTS

ଆରସିବିର ସହକାରୀ କୋଚ ଭାବେ ନିଯୁକ୍ତ ହେଲେ ନେହେରା

By Krishna Kumar Manoj

September 06, 2018

ଆଗାମୀ ଆଇପିଏଲ ପାଇଁ ବିଭିନ୍ୟ ଫ୍ରାଞ୍ଚାଇଜ ଏବେଠୁ ପ୍ରସ୍ତୁତି ଆରମ୍ବ କରିଦେଇଛନ୍ତି। ପୂର୍ବତନ ଭାରତୀୟ ପେସର ଆଶିଷ ନେହେରା ଆଇପିଏଲ ଫ୍ରାଞ୍ଚାଇଜ୍‌ ରୟାଲ ବାଙ୍ଗାଲୋର ଚ୍ୟାଲେଞ୍ଜର୍ସ (ଆରସିବି) କୋଚ୍‌ ପଦରେ ନିଯୁକ୍ତ ହୋଇଛନ୍ତି। ଫଳରେ ଦଳର ପୂର୍ବତନ ବୋଲିଂ କୋଚ୍‌ ନେହେରା ବିଶ୍ୱକପ୍‌ ଚାମ୍ପିୟନ କୋଚ୍‌ ଗ୍ୟାରି କ୍ରିଷ୍ଟନଙ୍କ ସହ ଦାୟିତ୍ୱ ବହନ କରିବେ। ପୂର୍ବତନ ଭାରତୀୟ କ୍ରିକେଟର ଗତ ସିଜନରେ ଆର୍‌ସିବି ସହ ଯଡ଼ିତ ହୋଇଥିଲେ।

ନେହେରା ନିଯୁକ୍ତ ହେବା ପରେ କହିଛନ୍ତି ଯେ,”ଗତ ସିଜନରେ ମୋତେ ଆର୍‌ସିବି କୋଚିଂ ଦଳର ସଦସ୍ୟ ହେବା ଲାଗି ସୁଯୋଗ ମିଳିଥିଲା। ଚଳିତ ଥର ମୋତେ ଦଳର ମୁଖ୍ୟ ଭାବେ ଚୟନ କରାଯାଇଥିବାରୁ ଦଳୀୟ ମ୍ୟାନେଜମେଣ୍ଟକୁ ଧନ୍ୟବାଦ ଜଣାଉଛି। ଆଗାମୀ ସିଜନରେ ଦଳ ସଫଳ ପ୍ରଦର୍ଶନ କରିବା ନେଇ ମୋର ବିଶ୍ୱାସ ରହିଛି”।

ପଢନ୍ତୁ; ମହାନଦୀରେ ନିର୍ମାଣ ହେବ ଓଡିଶାର ଦୀର୍ଘତମ ସେତୁ