ଓଡିଆ ମ୍ୟୁଜିକ ଭିଡିଓ ‘ବସ ତୁ ହି ତୁ’ର ଟିଜର ରିଲିଜ

ନୂଆ ଓଡିଆ ମ୍ୟୁଜିକ ଭିଡିଓ ‘ବସ ତୁ ହି ତୁ‘ର ଟିଜର ରିଲିଜ ହୋଇଯାଇଛି। ଆଉ ଏହି ଟିଜରକୁ ଉନ୍ମୋଚନ କରିଛନ୍ତି ଜଲିଉଡର ସୁପରଷ୍ଟାର ବିନୋଦ କୁମାର । ଆଉ ଭିଡିଓରେ ବିନୋଦଙ୍କ ବିପକ୍ଷରେ ନଜର ଆସିଛନ୍ତି ଟଲିଉଡ ସୁପରମଡେଲ ଅମ୍ରିତା ହାଲଦାର।

ବିନୋଦ ଓ ବେବିନା ପ୍ରଡ଼କ୍ସନ ନିବେଦିତ ଏହା ପ୍ରଥମ ଅବଦାନ। ପ୍ରେମ ରୋମାନ୍ସ ଓ ସସ୍ପେନ୍ସକୁ ନେଇ ଆଧାରିତ ଏହି ମ୍ୟୁଜିକର ନିର୍ଦ୍ଦେଶନା ଦେଇଛନ୍ତି ଚନ୍ଦନ ମହାପାତ୍ର । ଚନ୍ଦନଙ୍କ ନାମ ମ୍ୟୁଜିକ ଦୁନିଆରେ ବେଶ ପରିଚିତ । ସେ ୨୦୦୦ରୁ ଊର୍ଦ୍ଧ୍ବ ଓଡିଆ ଓ ଛତିଶଗଡି ଆଲବମ ସମେତ ‘ତମକୁ ଦେଖିଲା ପରେ‘ଗୋଟିଏ ଫିଲ୍ମର ମଧ୍ୟ ନିର୍ଦ୍ଦେଶନା ଦେଇଛନ୍ତି।

ଗୀତ ରଚନା କରିଛନ୍ତି ଅରୁଣ ମନ୍ତ୍ରୀ। ମ୍ୟୁଜିକକୁ ଆହୁରି ସୁମଧୁର କରିବାରେ ସାହାଯ୍ୟ କରିଛନ୍ତି ପ୍ରଖ୍ୟାତ କଣ୍ଠଶିଳ୍ପୀ ହ୍ୟୁମାନ ସାଗର । କାହାଣୀଟି ସମ୍ପୂର୍ଣ୍ଣ ନୂତନତା ଥିବାବେଳେ ବିନୋଦ ଓ ଅମ୍ରିତାଙ୍କ ଯୋଡି ମଧ୍ୟ ଅଭିନୟରେ କମାଲ କରିଛନ୍ତି।

ମ୍ୟୁଜିକର ସୁଟିଂ ଗୋପାଳପୁରର ମନୋରମ ଦୃଶ୍ୟରେ କରାଯାଇଛି । ଏହି ମ୍ୟୁଜିକ ଭିଡିଓଟି କୌଣସି ଚଳଚିତ୍ର ଗୀତ ଠାରୁ କମ ନୁହେଁ ଓ ଏହି ମ୍ୟୁଜିକ ଭିଡିଓ ଦର୍ଶକ ଦେଖିବା ପରେ ନିଶ୍ଚିତଭାବେ ହୃଦୟଙ୍ଗମ କରିବେ ବୋଲି କହିଛନ୍ତି ନିର୍ମାତା।

ପଢନ୍ତୁ;ପୂର୍ବ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସ୍ମୃତି ପ୍ରାର୍ଥନା ସଭାରେ ପ୍ରଧାନମନ୍ତ୍ରୀଙ୍କ ଉଦବୋଧନ

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More