EnewsOdia.Com

ଓଡ଼ିଆ କ୍ରିକେଟର୍ ରାଜେଶ ମହାନ୍ତି ଓ କ୍ରିଷ୍ଣା ପଲେଇ ଦୁଇ ବର୍ଷ ପାଇଁ ବାସନ୍ଦ

ଓଡ଼ିଶା ରଣଜୀ ଦଳର ଦ୍ରୁତ ବୋଲର ରାଜେଶ ମହାନ୍ତି ଓ ବାମହାତୀ ସ୍ପିନର କ୍ରିଷ୍ଣା ପଲେଇଙ୍କୁ ବିସିସିଆଇ ଦୁଇ ବର୍ଷ ବାସନ୍ଦ କରିଛି। ବୟସ ପ୍ରମାଣପତ୍ରରେ ଜାଲିଆତି କରିଥିବା ଅଭିଯୋଗରେ ଉଭୟ ଓଡ଼ିଆ କ୍ରିକେଟରଙ୍କ ଉପରେ ଏହି ପ୍ରତିବନ୍ଧ ଲାଗିଛି। ରାଜେଶ ଦେଇଥିବା ବୟସ ପ୍ରମାଣପତ୍ରକୁ ଯାଞ୍ଚ କରିବା ପରେ ସେଥିରେ ଅନ୍ୟ ଜଣଙ୍କ ନାମ ଦେଖାଉଛି। ଏହି କାରଣରୁ ରାଜେଶଙ୍କୁ ବାସନ୍ଦ କରାଯାଇଥିବା କୁହାଯାଉଛି। ସେହିପରି ବର୍ତ୍ତମାନ ଡେରାଡୁନ ଗସ୍ତରେ ଥିବା ୨୩ ବର୍ଷରୁ କମ୍‌ ଦିନିକିଆ ଦଳର ସଦସ୍ୟ କ୍ରୀଷ୍ଣା ପଲାଇଙ୍କୁ ମଧ୍ୟ ସମାନ କାରଣରୁ ଦୁଇ ବର୍ଷ ପାଇଁ ବାସନ୍ଦ କରାଯାଇଥିବା ସୂଚନା ମିଳିଛି।

ରାଜେଶ ଗତବର୍ଷ ବାଂଲାଦେଶରେ ଆୟୋଜିତ ଅଣ୍ଡର-୧୯ ଏସିଆ କପରେ ବିଜେତା ଭାରତୀୟ ଦଳର ପ୍ରତିନିଧିତ୍ୱ କରିଥିଲେ। ଏହା ପରେ ତାଙ୍କୁ ଓଡ଼ିଶା ରଣଜୀ ଦଳରେ ସୁଯୋଗ ମିଳିଥିଲା। ରଣଜୀରେ ସେ ନିଜ ପ୍ରତିଭାର ପରିଚୟ ଦେଇ ୪୦ ୱିକେଟ୍ ନେଇଥିଲେ। ଗୁରୁବାର ସେ ସୟଦ ମୁସ୍ତାକ ଅଲୀ ଟି-୨୦ ଟୁର୍ଣ୍ଣାମେଣ୍ଟ ପାଇଁ ଓଡ଼ିଶାର ୧୫ଜଣିଆ ଦଳରେ ସ୍ଥାନ ପାଇଥିଲେ। ଯେହେତୁ ତାଙ୍କୁ ବିସିସିଆଇ ବାସନ୍ଦ କରିଛି, ତେଣୁ ସେ ଟିମରୁ ବାଦ୍ ପଡ଼ିବେ।

ପଢନ୍ତୁ: ଆଇସିସି ଟି-୨୦ ଟୁର୍ଣ୍ଣାମେଣ୍ଟ ଉଦ୍‌ଘାଟନ କରିବେ କରୀନା କପୂର

ସମ୍ବନ୍ଧିତ ଖବର

ଜୈବିକ ଚାଷ କରୁଛନ୍ତି ଧୋନି

Ratnamani Maharana

ପ୍ରଥମ ଟି-୨୦ରେ ବାଂଲାଦେଶ ଠାରୁ ହାରିଲା ଭାରତ

Ratnamani Maharana

ବାରବାଟୀରେ ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ମ୍ୟାଚ୍ ପାଇଁ ଆସନ୍ତା ୧୯ରୁ କାଉଣ୍ଟରରେ ଟିକେଟ୍ ବିକ୍ରି

Ratnamani Maharana

କେମିତି ଏତେ ଶାନ୍ତ ଓ ଧୀର ରୁହନ୍ତି ଧୋନି ଜାଣନ୍ତୁ କିପରି

Ratnamani Maharana

ଶ୍ରୀଲଙ୍କାକୁ ହରାଇଲା ଭାରତ

Ratnamani Maharana

ସୁପର ଓଭରରେ ଟିମ ଇଣ୍ଡିଆର ସୁପର ବିଜୟ

Ratnamani Maharana