EnewsOdia.Com

ପ୍ରତିବର୍ଷ କାର୍ତ୍ତିକ ପୁର୍ନିମାରେ ଆୟୋଜିତ ହୁଏ ଭିକ୍ଷୁକ ମେଳା

ସାଧାରଣତଃ ମନ୍ଦିର ଓ ବସ୍‌ଷ୍ଟାଣ୍ଡ ଆଦି ସ୍ଥାନରେ ଭିକ୍ଷୁକମାନଙ୍କୁ ଦେଖିବାକୁ ମିଳିଥାଏ । କାରଣ ଏସବୁ ସ୍ଥାନରେ ପ୍ରବଳ ଜନସମାଗମ ଥାଏ । ତେଣୁ ଅଧିକ ଟଙ୍କା ପାଇବା ଆଶାରେ ଏହି ସବୁ ସ୍ଥାନ ଗୁଡ଼ିକକୁ ଭିକ୍ଷୁକମାନେ ଯାଇଥାନ୍ତି। ଆଉ ଧର୍ମ ମାସ କାର୍ତ୍ତିକରେ ଲୋକେ ପୁଣ୍ୟ ଆଶାରେ ଦାନ ଧର୍ମ କରିଥାନ୍ତି । ଏହି ସମୟରେ ମନ୍ଦିର ଗୁଡିକରେ ପ୍ରତିଦିନ ଭିକ୍ଷୁକମାନଙ୍କୁ ଦେଖିବାକୁ ମିଳେ ।

ହେଲେ ଆପଣ ଜାଣନ୍ତି ଆମ ଓଡ଼ିଶାରେ ଏମିତି ଏକ ଯାଗା ଅଛି , ଯେଉଁଠି ଭିକ୍ଷୁକମାନଙ୍କର ମେଳା ଲାଗେ । ପ୍ରତିବର୍ଷ ଏହି କାର୍ତ୍ତିକ ପୂର୍ଣ୍ଣିମା ଅବସରରେ ବାଲେଶ୍ୱର ବାଲିଘାଟରେ ଚାଲେ ଏହି କାର୍ତ୍ତିକ ମେଳା । ଆଉ ଏହି ମେଳାର ଖାସ୍ କଥା ହେଉଛି ଏଠାରେ ଆୟୋଜିତ ଭିକ୍ଷୁକ ମେଳା।

ଏହି ବର୍ଷ ମଧ୍ୟ ସେଠାରେ ଭକ୍ଷୁକମାନଙ୍କ ସମାଗମ ହୋଇଛି । ଏହି ମେଳାରେ ସାମିଲ ହୋଇଛନ୍ତି ଓଡ଼ିଶା ସମେତ ପଶ୍ଚିମବଙ୍ଗ ଏବଂ ଝାଡ଼ଖଣ୍ଡର ହଜାର ହଜାର ଭିକାରୀ। ପ୍ରତିବର୍ଷ ଭଳି ଏ ବର୍ଷ ମଧ୍ୟ ଶ୍ରଦ୍ଧାଳୁମାନେ ବୋଇତ ବନ୍ଦାଣ ପରେ ଭିକାରୀମାନଙ୍କୁ ଖାଦ୍ୟ, ବସ୍ତ୍ର ସାଙ୍ଗକୁ ଚାଉଳ ଓ ଟଙ୍କା ପ୍ରଦାନ କରିଛନ୍ତି।

ଉଲ୍ଲେଖନୀୟ ଯେ,  ଏହି ମେଳାରେ ଯୋଗ ଦେବା ପାଇଁ ପଡ଼ୋଶୀ ରାଜ୍ୟର ଭିକାରୀମାନେ ସପ୍ତାହେ ଆଗରୁ ଆସି ନିଜ ପାଇଁ ସ୍ଥାନ ସଂରକ୍ଷଣ କରିନିଅନ୍ତି। ଆଉ ପ୍ରତିବର୍ଷ ଠିକ୍‌ ଏହି କାର୍ତ୍ତିକମେଳାରେ ଆସି ଭିଡ଼ ଜମାନ୍ତି ।

ପଢନ୍ତୁ: ଲିମକା ରେକର୍ଡ ବୁକରେ ସ୍ଥାନ ପାଇଲା ଯୋଡାମୁଣ୍ଡ ଶିଶୁ ଜଗା-କାଳିଆଙ୍କ ଜଟିଳ ଅସ୍ତ୍ରୋପଚାର

ସମ୍ବନ୍ଧିତ ଖବର

ସାହିତ୍ୟରେ ଓଲ୍‌ଗା ଓ ହ୍ୟାଣ୍ଡ୍‌କେଙ୍କୁ ନୋବେଲ

Ratnamani Maharana

ଅନ୍‌ଲାଇନ୍‌ରେ ୨୦୦୦ ଟଙ୍କାରେ ବିକ୍ରି ହେଉଛି କ୍ରେଡିଟ୍‌ କାର୍ଡ ଓ ଡେବିଟ୍‌ କାର୍ଡର ତଥ୍ୟ

Ratnamani Maharana

ପୁଣି ଧନୀ ତାଲିକା ଶୀର୍ଷରେ ମୁକେଶ ଅମ୍ବାନୀ

Ratnamani Maharana

ଦୀପାବଳି ପାଳିବାକୁ ଦିଲ୍ଲୀରୁ ଲୁଚି ଗାଁକୁ ଚାଲିଆସିଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ

Ratnamani Maharana

ଶିରିଡିକୁ ଟୁର୍‌-ପ୍ୟାକେଜ୍‌ ଘୋଷଣା କଲା ଆଇଆରସିଟିସି

Ratnamani Maharana

ଦୌଡରାଣୀରୁ ହୋଟେଲ ମାଲିକାଣୀ ସାଜିଲେ ଦୂତୀ ଚାନ୍ଦ

Ratnamani Maharana