ଜିରା ଓ ଗୁଡ଼ ମିଶ୍ରିତ ପାଣି ପିଇବା ଦ୍ଵାରା ଦୂର ହୋଇଥାଏ ଅନେକ ରୋଗ! ଜାଣିରଖନ୍ତୁ ଏହି ପାନୀୟ ପିଇବା ଦ୍ଵାରା ଶରୀରରୁ କେଉଁ ସମସ୍ୟା ଦୂରହୋଇଥାଏ?

ସ୍ୱାସ୍ଥ୍ୟ ହିଁ ଆମର ସବୁକିଛି ଅଟେ। ଆମ ସମସ୍ତଙ୍କୁ ଜଣା ସ୍ୱାସ୍ଥ୍ୟ ହିଁ ସମ୍ପଦ ଅଟେ। ଯେଉଁଥିପାଇଁ ଶରୀରକୁ ସୁସ୍ଥ ରଖିବା ପାଇଁ ବିଭିନ୍ନ ପ୍ରକାର ଖାଦ୍ୟ ଖାଇଥାଉ । କିନ୍ତୁ ବେଳେବେଳେ ଆମ ଶରୀର ବିିଭିନ୍ନ ସମସ୍ୟାରେ ସମ୍ମୁଖୀନ ହୋଇଥାଏ । ପେଟ, ଅଂଟା ଯନ୍ତ୍ରଣା, ମୁଣ୍ଡବ୍ୟଥା ଭଳି ଅନେକ ସମସ୍ୟା ରହିଛି । ତେବେ ଏଭଳି ସମସ୍ୟାରୁ ମୁକ୍ତି ପାଇବା ପାଇଁ ଜିରା ଓ ଗୁଡ଼ ବେଶ ଲାଭଦାୟକ ଅଟେ। ଯାହା ଫଳରେ ଅତିଶିଘ୍ର ଏହି ସମସ୍ୟାରୁ ମୁକ୍ତି ପାଇବେ ।

ତେବେ ଆସନ୍ତୁ ଜାଣିବା ଜିରା ଓ ଗୁଡ଼ ଦ୍ୱାରା କିଭଳି ଏହି ସମସ୍ୟା ଦୂର ହେଉଛି-

  • ଜିରା ଓ ଗୁଡ଼ ଉଭୟ ପେଟ ସମ୍ବନ୍ଧୀୟ ସମସ୍ୟାକୁ ଦୂର କରିବାରେ ସହାୟତା ହୋଇଥାଏ । କୋଷ୍ଠକାଠିନ୍ୟ, ଗ୍ୟାସ, ପେଟ ଫୁଲା ଓ ପେଟ ଯନ୍ତ୍ରଣା ସମସ୍ୟାରୁ ମୁକ୍ତି ଦେଇଥାଏ ଜିରା ଓ ଗୁଡ଼ ପାଣି । ଏହାକୁ ନିୟମିତ ପିଇବା ଦ୍ୱାରା ଅନେକ ଉପକାର ମିଳିଥାଏ ।
  • ପିଠି ଓ ଅଂଟା ଯନ୍ତ୍ରଣାରୁ ମୁକ୍ତି ପାଇବା ପାଇଁ ଗୁଡ଼ ଓ ଜିରା ପାଣି ବେଶ ଉପଯୋଗୀ । ସେହିପରି ଯୁବତୀ ଓ ମହିଳାମାନଙ୍କଠାରେ ଦେଖାଯାଉଥିବା ଋତୁସ୍ରାବଜନିତ ସମସ୍ୟାରେ ହର୍ମୋନ ସମ୍ବନ୍ଧୀୟ ପରିବର୍ତ୍ତନ ଦେଖାଦେଇଥାଏ । ଏଭଳି ସମସ୍ୟାର ସମାଧାନ କରିଥାଏ ଗୁଡ଼ ଓ ଜିରା ପାଣି । ରାତିରେ ଗୁଡ଼ ଓ ଜିରା ଗୋଟେ ଗ୍ଲାସ ପାଣିରେ ପକାନ୍ତୁ । ପ୍ରତିଦିନ ସକାଳେ ଏହାକୁ ପିଇବାକୁ ଭୁଲନ୍ତୁ ନାହିଁ ।
  • ଗୁଡ଼ ଓ ଜିରା ପାଣିକୁ ନିୟମିତ ସକାଳୁ ପିଅନ୍ତୁ । ଏହି ପାଣି ମୁଣ୍ଡବ୍ୟଥା ସମସ୍ୟାକୁ ଦୂର କରିଥାଏ । ମୁଣ୍ଡବ୍ୟଥା ବ୍ୟତୀତ ଜିରା ଓ ଗୁଡ଼ ପାଣି ଜ୍ୱରକୁ ମଧ୍ୟ ଭଲ କରିଥାଏ।
  • ଜିରା ଓ ଗୁଡ଼ ଶରୀରର ବିଷାକ୍ତ ପଦାର୍ଥକୁ ନିଷ୍କାସନକରିବାରେ ସହାୟତ ହୋଇଥାଏ। ଏହାଦ୍ୱାରା ଶରୀରର ରୋଗପ୍ରତିରୋଧକ ଶକ୍ତି ବୃଦ୍ଧି ପାଏ । ଫଳରେ ବିଭିନ୍ନ ପ୍ରକାର ବାହ୍ୟ ସଂକ୍ରମଣରୁ ଶରୀର ରକ୍ଷା ପାଇଥାଏ । ଏଣୁ ପ୍ରତିଦିନ ସକାଳେ ଜିରା ଓ ଗୁଡ ପାଣି ପିଅନ୍ତୁ।

ପଢନ୍ତୁ;

ଶରୀରରେ ରକ୍ତର ଅଭାବ ଦୂର କରିବା ପାଇଁ ଆପଣାନ୍ତୁ ଏହି ଉପାୟ

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More