• Home
  • News
  • କିନ୍ନରଙ୍କ ଆତ୍ମହତ୍ୟା ଘଟଣା : ପ୍ରେମିକ ଗିରଫ
News

କିନ୍ନରଙ୍କ ଆତ୍ମହତ୍ୟା ଘଟଣା : ପ୍ରେମିକ ଗିରଫ

ନୂଆପଲ୍ଲୀ ଥାନା ପୁଲିସ କିନ୍ନରଙ୍କ ପ୍ରେମିକଙ୍କୁ ଗିରଫ କରିଛି

କିନ୍ନରଙ୍କ ଆତ୍ମହତ୍ୟା ଘଟଣାରେ ନୂଆପଲ୍ଲୀ ଥାନା ପୁଲିସ କିନ୍ନରଙ୍କ ପ୍ରେମିକଙ୍କୁ ଗିରଫ କରିଛି । ତାଙ୍କ ନାମ ଭବାନୀ ଶଙ୍କର ସାହୁ (୩୫) । ନିଜ ଘର ତାଳଚେର । ସେ ନୂଆପଲ୍ଲୀ ଗଣପତିନଗରରେ ରହୁଥିଲେ । ଆସନ୍ତା କାଲି ତାଙ୍କୁ କୋର୍ଟଚାଲାଣ କରାଯିବ ବୋଲି ପୁଲିସ କହିଛି ।

ସୂଚନା ଅନୁସାରେ , ସୋମବାର ପୂର୍ବାହ୍ନରେ ଗଣପତିନଗରରେ ରହୁଥିବା ପ୍ରିୟା ପ୍ରିୟଦର୍ଶିନୀ (୨୨) ନାମକ ଜେନ କିନ୍ନର ଆତ୍ମହତ୍ୟା କରିଥିଲେ । ପ୍ରିୟଦର୍ଶିନୀ ଭବାନୀଙ୍କୁ ପ୍ରେମ କରୁଥିଲେ । ଉଭୟ ସ୍ଵାମୀ – ସ୍ତ୍ରୀ ଭଳି ଏକାଠି ରହୁଥିଲେ । ଏହା ଭିତରେ ଭବାନୀ ପ୍ରିୟଦର୍ଶିନୀଙ୍କଠାରୁ ବିଭିନ୍ନ ଆଳ ଦେଖାଇ ଲକ୍ଷାଧିକ ଟଙ୍କା ନେଇଯାଇଥିଲେ ।

ପରେ ଭାବନୀଙ୍କର ଅନ୍ୟଜଣେ ଯୁବତୀଙ୍କ ସମ୍ପର୍କ ଥିବା ପ୍ରିୟଦର୍ଶିନୀ ଜାଣିବାକୁ ପାଇଥିଲେ । ତେଣୁ ସେ ଯୁବତୀଙ୍କ ସହ ସମ୍ପର୍କ ତୁଟାଇବାକୁ ଭବାନୀଙ୍କୁ କହିଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ଝଗଡା ହୋଇଥିଲା । ଭବାନୀ ସେହି କଥାକୁ ନେଇ ପ୍ରିୟଦର୍ଶିନୀଙ୍କୁ ମାରଧର କରୁଥିଲେ ।

ସୋମବାର ସକାଳେ ମଧ୍ୟ ସେ ପ୍ରିୟଦର୍ଶିନୀଙ୍କୁ ନିଧୂମ ମାଡ ମାରିଥିଲେ । ପ୍ରେମିକ ଧୋକା ଦେବାରୁ ପ୍ରିୟଦର୍ଶିନୀ ମାନସିକସ୍ତରରେ ଭାଙ୍ଗି ପଡିଥିଲେ । ତେଣୁ ସେ ଗତକାଲି ଶାଢୀକୁ ବେକରେ ଗୁଡାଇ ଆଯବେଷ୍ଟସ ପାଇପରେ ଝୁଲି ଆତ୍ମହତ୍ୟା କରିଥିଲେ ।

ପ୍ରିୟଦର୍ଶିନୀଙ୍କ ମୃତୁକୁ ନେଇ ଅନ୍ୟ କିନ୍ନରମାନଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ସେମାନେ ଭବାନୀଙ୍କୁ ନିସ୍ତୁକ ମାଡମାରି ପୁଲିସ ଜିମା ଦେଇଥିଲେ । ଆତ୍ମହତ୍ୟା କରିବାକୁ ବାଧ୍ୟ କରିବା ଅଭିଯୋଗରେ ପୁଲିସ ଭବାନୀଙ୍କୁ ଗିରଫ କରିଥିବା ଥାନା ଅଧିକାରୀ ସଂଗ୍ରାମ କେଶରୀ  ପଟ୍ଟନାୟକ ସୂଚନା ଦେଇଛନ୍ତି ।

କିନ୍ନରଙ୍କ ଆତ୍ମହତ୍ୟା ଘଟଣା : ପ୍ରେମିକ ଗିରଫ Untitled 1

ପଢନ୍ତୁ ;

ବାସ୍ତୁଶାସ୍ତ୍ର ଅନୁସାରେ କେଉଁ ସବୁ ଜିନିଷ ଉଧାର ଆଣିବା ଅଶୁଭ ମାନାଯାଏ ?

Related posts

ଦୁର୍ଘଟଣା ବଢୁଛି – ନା କର୍ତୃପକ୍ଷ ନା ଲୋକମାନେ, ଏଥିପାଇଁ କାହାର ନଜର ନାହିଂ

Krishna Kumar Manoj

ରୁଷିଆକୁ ଟ୍ରମ୍ପ୍‌ଙ୍କ ଧମକ : ୭୨ ଘଣ୍ଟା ମଧ୍ୟରେ ଯୁଦ୍ଧ

Krishna Kumar Manoj

ରସଗୋଲା ବିବାଦ:ଜବାବ ଦାଖଲ ପାଇଁ ଓଡିଶା ଓ ପଶ୍ଚିମବଙ୍ଗକୁ ହାଇକୋର୍ଟଙ୍କ ନୋଟିସ୍‌

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More