POLITICALS

କଂଗ୍ରେସ ଦଳର ହାତ ଚିହ୍ନ ପ୍ରତି ବିପଦ ! ନିର୍ବାଚନ କମିସନଙ୍କୁ ଆବେଦନ କଲେ ବିଜେପି ନେତା

ଭାରତର ସବୁଠୁ ପୁରୁଣା ଏବଂ ଜଣାଶୁଣା ରାଜନୈତିକ ଦଳ କଂଗ୍ରେସ ନିଜର ଲମ୍ବା ଇତିହାସ ମଧ୍ୟରେ ଅନେକ ଉତଥାନ ପତନ ଦେଇ ଗତି କରିଛି । ନିଜର ଏହି ଦୀର୍ଘ ଶାସନକାଳ ମଧ୍ୟରେ ଦେଶର ପ୍ରତି କୋଣରେ ପହଞ୍ଚିପାରିଛି । କଂଗ୍ରେସ ଦଳ ସହ ଏହାର ନିର୍ବାଚନୀ ଚିହ୍ନ ହାତ ଚିହ୍ନର ସଂପର୍କରେ ମଧ୍ୟ ପୁରୁଣା । ଦେଶରେ ଅଧିକାଂଶ କଂଗ୍ରେସ କହିଲେ ହାତ ଚିହ୍ନକୁ ହିଁ ବୁଝନ୍ତି ବା ହାତ ଚିହ୍ନ କହିଲେ କଂଗ୍ରେସକୁ ବୁଝାଯାଏ । କିନ୍ତୁ କଂଗ୍ରେସ ଦଳର ଏହି ହାତ ଚିହ୍ନ ପ୍ରତି ବିପଦ ଆସିବା ଭଳି ମନେହେଉଛି।  କାରଣ କଂଗ୍ରେସ ଦଳରୁ ଏହି ଚିହ୍ନକୁ ବାତିଲ କରିବାକୁ ବିଜେପି ପକ୍ଷରୁ ଆବେଦନ କରାଯାଇଛି ।

ଏହି ଆବେଦନ କରିଛନ୍ତି ବିଜେପି ନେତା ଅଶ୍ୱିନୀ ଉପାଧ୍ୟାୟ ।

ନିର୍ବାଚନ କମିସନଙ୍କ ନିକଟକୁ ପଠାଇଥିବା ଏକ ୬ ପୃଷ୍ଠାର ଆବେଦନରେ ସେ କହିଛନ୍ତି ଯେ କଂଗ୍ରେସର ହାତ ଚିହ୍ନ ଜନପ୍ରତିନିଧି ଆଇନ ଓ ନିର୍ବାଚନ ଆଚରଣବିଧିର ଉଲ୍ଲଙ୍ଘନ କରୁଛି । ସେ ନିଜର ଅଭିଯୋଗ ନେଇ ମୁଖ୍ୟ ନିର୍ବାଚନ କମିଶନ ଓମ ପ୍ରକାଶ ରାଓ୍ଵତଙ୍କୁ ଭେଟିଛନ୍ତି ।

ନିଜର ଆବେଦନରେ ସେ କହିଛନ୍ତି ଯେ, କେବଳ ହାତଚିହ୍ନ ହିଁ ଏପରି ଏକ ନିର୍ବାଚନୀ ଚିହ୍ନ ଯାହାକି ମଣିଷ ଶରୀରର ଏକ ଅଂଗ । ଏହା ସବୁବେଳେ ମଣିଷ ସହିତ ରହିଥାଏ । ଆଦର୍ଶ ଆଚରଣ ବିଧି ଅନୁସାରେ ଭୋଟଗ୍ରହଣର ୪୮ ଘଣ୍ଟା ପୂର୍ବରୁ ସବୁ ଦଳ ନିଜର ପ୍ରଚାର ପରିତ୍ୟାଗ କରିବେ । ପୁଣି ଜନ ପ୍ରତିନିଧି ଆଇନର ଧାରା ୧୩୦ ଅନୁସାରେ ଭୋଟ ଗ୍ରହଣ ଦିନ ଭୋଟକେନ୍ଦ୍ରର ୧୦୦ ମିଟର ପରିସୀମା ମଧ୍ୟକୁ ନିର୍ବାଚନୀ ସଂକେତ ନେଇ ହେବ ନାହିଁ ।

କିନ୍ତୁ ହାତ ଚିହ୍ନ ଏପରି ଏକ ଚିହ୍ନ ଯାହାଦ୍ୱାରା ଉପରୋକ୍ତ ଆଇନର ଉଲ୍ଲଙ୍ଘନ କରିହେବ । ଜଣେ ସାଧାରଣ ଭାବେ ହାତ ହଲେଇ ବା ହାତରେ ସଂକେତ କରି ଭୋଟ କେନ୍ଦ୍ର ମଧ୍ୟରେ ଲୋକଙ୍କୁ ପ୍ରଭାବିତ କରି ପାରିବ । ନିର୍ବାଚନ ଆୟୋଗ ଏ ଦିଗରେ କୌଣସି ପଦକ୍ଷେପ ନ ନେଲେ ସୁପ୍ରିମ କୋର୍ଟରେ ଆବେଦନ କରିବେ ବୋଲି ଉପାଧ୍ୟାୟକହିଛନ୍ତି।

ଏଠାରେ ସୂଚନାଯୋଗ୍ୟ ଯେ ମୂଳରୁ କଂଗ୍ରେସ ଦଳର ନିର୍ବାଚନୀ ସଂକେତ ହାତ ନଥିଲା । ୧୯୭୦ ପୂର୍ବରୁ କଂଗ୍ରେସ ଦଳର ଚିହ୍ନ ଥିଲା ଦୁଇଟି ବାଛୁରୀ । କିନ୍ତୁ ୧୯୭୦ରେ ଇନ୍ଦିରାଗାନ୍ଧିଙ୍କୁ ହାତ ଚିହ୍ନ ସଂକେତ ମିଳିଥିଲା ।

କଂଗ୍ରେସ ଦଳର ହାତ ଚିହ୍ନ ପ୍ରତି ବିପଦ ! ନିର୍ବାଚନ କମିସନଙ୍କୁ ଆବେଦନ କଲେ ବିଜେପି ନେତା cong symbol

ପଢନ୍ତୁ ;

ଗୋଲାପୀ ମଲାଟରେ ଦେଖିବାକୁ ମିଳିଲା ଅର୍ଥନୈତିକ ସର୍ବେକ୍ଷଣ

Related posts

ଆଜିଠୁ ୩ ଦିନିଆ ଓଡିଶା ଗସ୍ତରେ ଆସୁଛନ୍ତି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା

Krishna Kumar Manoj

ବିଜେପୁର ଉପ ନିର୍ବାଚନ: ପ୍ରଚାର ମଇଦାନକୁ ଓହ୍ଲାଇବେ ନବୀନ-ସ୍ମୃତି

Krishna Kumar Manoj

ରାହୁଲଙ୍କୁ ପଛରେ ପକାଇ ପ୍ରଧାନମନ୍ତ୍ରୀ ମୋଦି ପାଇଲେ ଲୋକପ୍ରିୟ ରାଜନେତାର ମାନ୍ୟତା

Krishna Kumar Manoj

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More