News

ବ୍ରାହ୍ମଣୀ ସେତୁ ଯାତ୍ରୀଙ୍କ ପାଇଁ ପାଲଟିଛି ମରଣ ଜନ୍ତା, ନଭେମ୍ବର ୨ରୁ ବ୍ରାହ୍ମଣୀ ସେତୁ ବଂଚାଅ ଆନ୍ଦୋଳନ

ଯାଜପୁର ଜିଲ୍ଲା ଧର୍ମଶାଳା ର ବ୍ରାହ୍ମଣୀ ସେତୁ ମରାମତି କାର୍ଯ୍ୟ ପାଇଁ ନଭେମ୍ବର ୨ତାରିଖରୁ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡାଇଙ୍କ ନେତୃତ୍ୱରେ ତିନୋଟି ନିର୍ବାଚନ ମଣ୍ଡଳୀର ଲୋକେ ହେବେ ସାମିଲ । ବ୍ରାହ୍ମଣୀ ସେତୁ ବଂଚାଅ ନାମରେ ହେବ ଆନ୍ଦୋଳନ ।

ଯାଜପୁର ଜିଲ୍ଲା ଧର୍ମଶାଳା ଦେଇ ଯାଇଥିବା ୨ ଶହ ନମ୍ବର ଜାତୀୟ ରାଜପଥର ବ୍ରାହ୍ମଣୀ ସେତୁ ଏବେ ବିପଦ ସଙ୍କୁଳ ଅବସ୍ଥାରେ ଅଛି । ସୁକିନ୍ଦା, ଧର୍ମଶାଳା, ବଡଚଣା ତିନୋଟି ନିର୍ବାଚନ ମଣ୍ଡଳୀ ଲୋକଙ୍କ ଜୀବନ ରେଖା କୁହାଯାଉଥିବା ଏ ପୋଲ, ଏବେ ଯାତ୍ରୀଙ୍କ ପାଇଁ ମରଣ ଜନ୍ତା ପାଲଟିଛି ।

୬୦ ବର୍ଷତଳର ପୋଲର ଅବସ୍ଥା ଅତି ଦୟନୀୟ । କେଉଁଠି ପୋଲର ବାଡ ଭାଙ୍ଗିଯାଇଛି ତ କେଉଁଠି ବିରାଟ ବିରାଟ ଫାଟ, ଯାତ୍ରୀମାନଙ୍କୁ ମରଣ ମୁହଁକୁ ଟାଣି ନେଉଛି । କେତେବେଳେ ଦୁର୍ଘଟଣା ଘଟିବ ତାହା କହି ହେବନି ।

ବ୍ରାହ୍ମଣୀ ପୋଲ ଦେଇ ପ୍ରତିଦିନ ଶହଶହ ବସ୍ ଟ୍ରକ, ଛୋଟ ଛୋଟ ଗାଡି ଯା’ଆସ କରୁଛି । କେବଳ ଏତିକୁ ନୁହେଁ, ଏହି ପୋଲ ଦେଇ କଳିଙ୍ଗନଗରରୁ ପାରାଦ୍ୱୀପକୁ କଂଚାମାଲ ପରିବହନ ହୋଇଥାଏ ।

ପୋଲଟି ବିପଦପୂର୍ଣ୍ଣ ଅବସ୍ଥାରେ ଥିବା ବେଳେ ଏହାର ମରାମତି ପାଇଁ ଜାତୀୟ ରାଜପଥ କର୍ତୃପକ୍ଷ ଆନ୍ତରିକତା ଦେଖାଉନଥିବାରୁ ଅସନ୍ତୋଷ ତେଜୁଛି । ସ୍ଥାନୀୟ ଲୋକେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡାଇଙ୍କ ନେତୃତ୍ୱରେ ନଭେମ୍ବର ୨ରୁ ବ୍ରାହ୍ମଣୀ ସେତୁ ବଂଚାଅ ନାମରେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି । ଆନ୍ଦୋଳନ ଚେତାବନୀ ମିଳିବା ପରେ ପ୍ରତିକ୍ରିୟା ରଖି ଯାଜପୁର ଜିଲ୍ଲାପାଳ କହିଛନ୍ତି, ଡିପିଆର ପ୍ରସ୍ତୁତି ସରିବା ପରେ ପୋଲ ମରାମତି କାମ ହେବ ।

ବ୍ରାହ୍ମଣୀ ସେତୁ ଯାତ୍ରୀଙ୍କ ପାଇଁ ପାଲଟିଛି ମରଣ ଜନ୍ତା, ନଭେମ୍ବର ୨ରୁ ବ୍ରାହ୍ମଣୀ ସେତୁ ବଂଚାଅ ଆନ୍ଦୋଳନ  ବ୍ରାହ୍ମଣୀ ସେତୁ ଯାତ୍ରୀଙ୍କ ପାଇଁ ପାଲଟିଛି ମରଣ ଜନ୍ତା, ନଭେମ୍ବର ୨ରୁ ବ୍ରାହ୍ମଣୀ ସେତୁ ବଂଚାଅ ଆନ୍ଦୋଳନ

ପଢନ୍ତୁ, ଏବେ ସରକାରୀ କିମ୍ବା ଘରୋଇ ସମ୍ପତ୍ତି ନଷ୍ଟ କଲେ କ୍ଷତିପୂରଣ ସହ ୫ ବର୍ଷ ଜେଲ ଦଣ୍ଡ

Related posts

ତାମିଲନାଡୁ ସରକାର: ଜୟଲଳିତା ଗର୍ଭବତୀ ହୋଇନଥିଲେ

Krishna Kumar Manoj

କୋର୍ଟରୁ ଖସିଗଲା ସିରିଏଲ୍ କିଲର ! ୩ ପୁଲିସ ନିଲମ୍ବିତ

Krishna Kumar Manoj

ମଝି ଆକାଶରେ ୨୦ ମିନିଟ୍‌ର ଆତଙ୍କ : ମହିଳା ପାଇଲଟଙ୍କ ଯୋଗୁ ବଞ୍ଚିଲା ୧୪୮ ଜୀବନ

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More