EnewsOdia.Com

କଦଳୀ କାନ୍ଧି ଭିତରେ ଜମୁଛି ବ୍ରାଉନ୍ ସୁଗର ଚାଲାଣ

ବ୍ରାଉନ୍ ସୁଗର ଚାଲାଣର ଅଭିନବ ପନ୍ଥା। କଦଳୀ କାନ୍ଧି ଭିତରେ ହେଉଛି ବ୍ରାଉନ୍ ସୁଗର ଚାଲାଣ। ତାହା ପୁଣି କଟକରୁ ଯାଇ ରାଜନଗରରେ ପହଞ୍ଚୁଛି।  ପୁଲିସ୍‌ ଆଖିରେ ଧୂଳି ଦେବାକୁ ବ୍ରାଉନ୍ ସୁଗର ଚାଲାଣର ଏପରି ଅଭିନବ ପନ୍ଥା ବାହାର କରିଛନ୍ତି କିଛି ବେପାରୀ। କେନ୍ଦ୍ରାପଡ଼ା ଜିଲ୍ଲା ରାଜନଗରର ସାପ୍ତାହିକ ହାଟ ବସିଥିବା ବେଳେ ଏମିତି କିଛି ଦୃଶ୍ୟ ମୋବାଇଲରେ କଏଦ ହେବା ପରେ ପୂରା ଘଟଣା ସାମ୍ନାକୁ ଆସିଛି।

କେନ୍ଦ୍ରାପଡ଼ା ଜିଲ୍ଲା ରାଜନଗରର ସାପ୍ତାହିକ ହାଟ ପ୍ରତି ସପ୍ତାହର ଶୁକ୍ରବାର ଓ ସୋମବାର ବସିଥାଏ। ଏହି ସମୟରେ ଗାଡ଼ିରେ କଟକରୁ ରାଜନଗରରେ ଯାଇ କଦଳୀ ପହଞ୍ଚିଥାଏ। ଏହାପରେ ଅତି ସତର୍କତାର ସହ ଉକ୍ତ କଦଳୀ କାନ୍ଧିରୁ ବ୍ରାଉନ୍‌ ସୁଗର ବାହାର କରି ନିଆଯାଏ।    ରାଜନଗର କଲେଜ ପଡ଼ିଆ ଓ ବଜାରର ବିଭିନ୍ନ ଅଞ୍ଚଳରେ ଏହାକୁ ବିକ୍ରି କରାଯାଇଥାଏ। ଏଥିଯୋଗୁ ରାଜନଗର ଅଞ୍ଚଳର ବହୁ ଯୁବଗୋଷ୍ଠି ନିଶାଗ୍ରସ୍ତ ହୋଇ ପଡ଼ୁଥିବା ଅଭିଯୋଗ ହୋଇ ଆସୁଛି।

ରାଜନଗରରେ ଏହି ବ୍ରାଉନ୍‌ ସୁଗର କାରବାର ବହୁ ଦିନ ହେଲାଣି ବେଧଡ଼କ ଭାବେ ଚାଲିଛି। ତେବେ ଏନେଇ ପୁଲିସ୍‌ ପାଖରେ କୌଣସି ଖବର ନାହିଁ  ନ ଥିବା ବେଳେ କିଛି ଛାତ୍ର ମୋବାଇଲରେ ରେକଡିଂ କରି ଭାଇରାଲ କରିବା ପରେ ଏହା ସାମନାକୁ ଆସିଛି। ତେଣୁ ପୁଲିସ୍‌ ଓ ଅବକାରୀ ବିଭାଗ ଜାଣିଶୁଣି ଚୁପ୍‌ ବସିଛି ନା କିଛି ଜାଣିନି ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି।

ସମ୍ବନ୍ଧିତ ଖବର

ଆଜିର ଦିନରେ ବନ୍ଦ ହୋଇଥିଲା ପୁରୁଣା ୫ଶହ ଓ ହଜାରେ ଟଙ୍କିଆ ନୋଟ ପ୍ରଚଳନ

Ratnamani Maharana

ଓଭରୱେଟ ଯୋଗୁ ଉଡ଼ିପାରୁ ନ ଥିଲା ପେଚା, ଦୁଇ ସପ୍ତାହ Dietରେ ରହିଲା

Ratnamani Maharana

ମ୍ୟାଚ୍‌ ପାଇଁ କଟକରେ ପାର୍କିଂ ବ୍ୟବସ୍ଥା

Ratnamani Maharana

ରାଜ୍ୟରେ ତିନୋଟି ଜିଲ୍ଲାରେ ପ୍ରବଳ ବର୍ଷା, ଆହୁରି ବଢିବ ଶୀତ

Ratnamani Maharana

କୋରୋନା ପାଇଁ ପଞ୍ଚାୟତ ଉପନିର୍ବାଚନ ସ୍ଥଗିତ

Ratnamani Maharana

ଏଥର ନିଶ୍ଚିନ୍ତରେ ଖାଇପାରିବେ ଚିକେନ ଓ ଅଣ୍ଡା

Ratnamani Maharana