କେନ୍ଦୁଝରର ଆନନ୍ଦପୁର ନିକଟରେ ମର୍ମନ୍ତୁଦ ସଡକ ଦୁର୍ଘଟଣା:୪ମୃତ,୩ ଗୁରୁତର

ସଡକ ଦୁର୍ଘଟଣାରେ ୪ ମୃତ୍ୟୁ

କେନ୍ଦୁଝର ଆନନ୍ଦପୁର ବାଙ୍ଖିଡି ଛକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି। ଏକ କାର ଗଛ ସହ ଧକ୍କା ହେବା ଫଳରେ ୪ ଜଣଙ୍କର ମୃତ୍ୟୁହୋଇଥିବାବେଳେ ୩ ଜଣ ଗୁରୁତର ହୋଇଛନ୍ତି। ମୃତକଙ୍କ ମଧ୍ୟରେ ୩ ଜଣ ମହିଳା ଓ ଜଣେ ପୁରୁଷ ରହିଛନ୍ତି। ଗୁରୁତରଙ୍କୁ ପ୍ରଥମେ ଆନନ୍ଦପୁର ମେଡ଼ିକାଲ ଓ ପରେ କଟକ ଏସ୍‌ସିବିକୁ ସ୍ଥାନାନ୍ତର କରାଯାଇଛି। ସମସ୍ତ ମୃତକ ରାମଚନ୍ଦ୍ରପୁରର ସାଇଁକୂଳ ଅଂଚଳର ହୋଇଥିବା ଜଣାପଡିଛି।

ସୂଚନା ଅନୁଯାୟୀ, ଘସିପୁରା ବ୍ଲକ ସାଇଁକୁଳ ଅଞ୍ଚଳର ବୈକୁଣ୍ଠ ପଣ୍ଡାଙ୍କ ପରିବାର ଠାକୁରମୁଣ୍ଡା ଖଣ୍ଟାପଶି ଗ୍ରାମକୁ ଏକ ବିବାହ ଭୋଜିରେ ଯୋଗଦେବାକୁ ଯାଇଥିଲେ। ଶନିବାର ସକାଳୁ ଫେରିବା ସମୟରେ ସେମାନେ ଆସୁଥିବା କାରଟି ବାଙ୍ଖିଡି ଛକଠାରେ ଏକ ଗଛରେ ପିଟି ହୋଇଥିଲା। ଫଳରେ ଘଟଣାସ୍ଥଳରେ ବୈକୁଣ୍ଠ ପଣ୍ଡା, ଲକ୍ଷ୍ମୀପ୍ରିୟା ପଣ୍ଡା, ଶାଳବଣିର ମନୋରମା ତ୍ରୀପାଠୀଙ୍କ ମୃତ୍ୟୁ ହୋଇଥିଲା। ତେବେ ଗୁରୁତର ଅବସ୍ଥାରେ ଆନନ୍ଦପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର ହୋଇଥିବା ଚିନା ପଣ୍ଡା,ଗଣେଶ୍ୱର ପଣ୍ଡା, ମାନସୀ ପଣ୍ଡା, ରଘୁନାଥ ପଣ୍ଡାଙ୍କୁ ଆନନ୍ଦପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା।

ଆନନ୍ଦପୁର ଡାକ୍ତରଖାନାରେ ଚିନା ପଣ୍ଡାଙ୍କର ମତ୍ୟୁ ହୋଇଥିବା ବେଳେ ଗଣେଶ୍ୱର, ମାନସୀ, ରଘୁନାଥଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି। ଦୁର୍ଘଟଣା ସମ୍ପର୍କରେ ଖବର ପାଇଁ ୧୦୮ ଆମ୍ବୁଲାନ୍ସ ଏବଂ ଆନନ୍ଦପୁର ଅଗ୍ନିଶମ କର୍ମଚାରୀ ଉଦ୍ଧାର କାର୍ଯ୍ୟରେ ନିୟୋଜିତ ଥିଲେ। ଘଟଣାକୁ ନେଇ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ଶୋକାକୂଳ ପରିବେଶ ସୃଷ୍ଟି ହୋଇଛି।

ପଢନ୍ତୁ; ସରିଲା ମାଟ୍ରିକ୍‌ ସପ୍ଲିମେଣ୍ଟାରି ପରୀକ୍ଷା ,୬ରୁ ଖାତା ଦେଖା

ସମସ୍ତ ମୃତକ ରାମଚନ୍ଦ୍ରପୁରର ସାଇଁକୂଳ ଅଂଚଳର ହୋଇଥିବା ଜଣାପଡିଛି - 4.4

87%

ରଘୁନାଥ ପଣ୍ଡାଙ୍କୁ ଆନନ୍ଦପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା - 4.2

84%
4.3/5

Very Good!

କେନ୍ଦୁଝରର ଆନନ୍ଦପୁର ନିକଟରେ ମର୍ମନ୍ତୁଦ ସଡକ ଦୁର୍ଘଟଣା:୪ମୃତ,୩ ଗୁରୁତର

କେନ୍ଦୁଝର ଆନନ୍ଦପୁର ବାଙ୍ଖିଡି ଛକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି। ଏକ କାର ଗଛ ସହ ଧକ୍କା ହେବା ଫଳରେ ୪ ଜଣଙ୍କର ମୃତ୍ୟୁହୋଇଥିବାବେଳେ ୩ ଜଣ ଗୁରୁତର ହୋଇଛନ୍ତି।

No Votes Yet

You're not rated yet