ଶ୍ରୀଦେବୀଙ୍କ ମୃତୁର କାରଣ କ’ଣ ? ହୃଦଘାତ ନା କସମେଟିକ ସର୍ଜରୀ !

ମୃତୁର କାରଣ କ’ଣ

ଶ୍ରୀଦେବୀଙ୍କ  ହୃଦଘାତ ଯୋଗୁ ମୃତୁ ହୋଇଛି ବୋଲି କୁହାଯାଉଥିଲେ ମଧ୍ୟ ଏହାକୁ ନେଇ ବିତର୍କ ସୃଷ୍ଟି ହୋଇଛି । କାରଣ ତାଙ୍କ ପରିବାର ଲୋକ ଦାବି କରୁଛନ୍ତି ଯେ ସେ କେବେ ହେଲେ ପୂର୍ବରୁ ହୃଦରୋଗର ଶିକାର ହୋଇ ନାହାନ୍ତି । ସେ କେବେ ହେଲେ ଏଭଳି କିଛି ଅଭିଯୋଗ ବି କରି ନାହାନ୍ତି । ତା ‘ ଛଡା ସେ ନିଜର ସ୍ୱାସ୍ଥ୍ୟର ସୁରକ୍ଷା ପ୍ରତି ବେଶ ସଚେତନ ଥିଲେ । ଏମିତି କି ପ୍ରତିଦିନ ଦୁଇ ଘଣ୍ଟା ଚାଲୁଥିଲେ । ଏଭଳି ବ୍ୟକ୍ତିକୁ ହୃଦଘାତ କାହିଁକି ହେବ ବୋଲି ଅନେକ ପ୍ରଶ୍ନ କରୁଛନ୍ତି ?

ଅନ୍ୟ ଏକ ରିପୋର୍ଟରେ ଦାବି କରାଯାଉଛି କି କସମେଟିକ ସର୍ଜରୀ ତାଙ୍କ ମୃତୁର କାରଣ ହୋଇ ପାରେ । କାରଣ ସେ ୨୯ ଥର ଏଭଳି ସର୍ଜରୀ କରିଛନ୍ତି । ନିଜର ଓଜନ ହ୍ରାସ କରିବା ସହିତ ଶରୀରରେ ଯେପରି ବୟସର ଛାପ ନ ପଡିବ, ସେଥିପାଇଁ ସେ ଏଭଳି ଅପରେସନ ସବୁ କରି ଥିଲେ । ଏଥିରୁ ଗୋଟେ  ଅପରେସନରେ କିଛି ତ୍ରୁଟି ପରିଲକ୍ଷିତ ହୋଇ ଥିଲା । ତା ‘ଛଡା ତାଙ୍କୁ ଅପରେସନ ପରେ ବହୁତ ଔଷଧ ସେବନ କରିବାକୁ ପଡିଥିଲା ।

କିଛି ଚିକିଶ୍ଚକ ଦାବି କରିଛନ୍ତି ଯେ ବୟସର ଛାପ ଏଡାଇବା ପାଇଁ ଅପରେସନ କଲା ପରେ ଯେଉଁ ଔଷଧ ସେବନ କରାଯାଏ,ତାହା ଯୋଗୁ ରକ୍ତ ଆହୁରି ବହଳିଆ ହୋଇଯିବାର ଆଶଙ୍କା ଥାଏ । ତେଣୁ ଏହା ଯୋଗୁ ସେ  ହୃଦଘାତ ଶିକାର ହୋଇ ଥାଇ ପାରନ୍ତି । ତେଣୁ ତାଙ୍କର ଶବ ବ୍ୟବଛେଦ ରିପୋର୍ଟ ହସ୍ତଗତ ହେବା ପରେ ହିଁ ଏହି ବିବାଦର ଅବସାନ ଘଟିବ ବୋଲି ମନେ କରାଯାଉଛି ।

ପଢନ୍ତୁ ;

ତ୍ରିରାଷ୍ଟ୍ରୀୟ ଟି-୨୦ ସିରିଜ ପାଇଁ ଭାରତୀୟ ଦଳ : ଧୋନୀ,କୋହଲି, ପାଣ୍ଡ୍ୟାଙ୍କୁ ବିଶ୍ରାମ, ରୋହିତଙ୍କୁ ଅଧିନାୟକ ଦାୟିତ୍ଵ

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More