• Home
  • SPORTS
  • ଆଇପିଏଲ ୧୧ : ଚେନ୍ନାଇ ସୁପର କିଙ୍ଗସ୍‌ ଚାମ୍ପିଅନ୍‌ !
SPORTS

ଆଇପିଏଲ ୧୧ : ଚେନ୍ନାଇ ସୁପର କିଙ୍ଗସ୍‌ ଚାମ୍ପିଅନ୍‌ !

୮ ଓ୍ଵିକେଟ୍‌ରେ ସନ୍‌ରାଇଜର୍ସ ହାରିଲା

ଚେନ୍ନାଇ ସୁପରକିଙ୍ଗ୍‌ସ ପୁଣି ଥରେ ଆଇପିଏଲ୍‌ ଚାମ୍ପିଅନ୍‌ ହୋଇଛି । ଦୁଇ ବର୍ଷର ବାସନ୍ଦରୁ ଫେରିବା ପରେ ମହେନ୍ଦ୍ର ସିଂହ ଧୋନିଙ୍କ ନେତୃତ୍ୱାଧୀନ ଏହି ଟିମ୍‌ ଚମକପ୍ରଦ ପ୍ରଦର୍ଶନ କରି ତୃତୀୟ ଥର ଏହି ସଫଳତା ହାସଲ କରିଛି । ରବିବାର ୱାଙ୍ଖଡ଼େ ଷ୍ଟାଡ଼ିୟମରେ ଖେଳାଯାଇଥିବା ଫାଇନାଲ ମ୍ୟାଚ୍‌ରେ ସନ୍‌ରାଇଜର୍ସକୁ ୮ ଓ୍ଵିକେଟ୍‌ରେ ହରାଇ ଫାଇନାଲ୍‌ ମ୍ୟାଚ ଜିତିଛି ।

ସେନ୍‌ ଓ୍ଵାଟ୍‌ସନ୍‌ (୧୧୭*, ୫୭ ବଲ୍‌, ୧୧ ଚୌକା, ୮ ଛକା)ଙ୍କ ଆକର୍ଷଣୀୟ ଶତକ ବଳରେ ସନ୍‌ରାଇଜର୍ସ ଦେଇଥିବା ୧୭୯ ରନ୍‌ର ଲକ୍ଷ୍ୟକୁ ଚେନ୍ନାଇ ୯ ବଲ୍‌ ପୂର୍ବରୁ ହାସଲ କରିନେଇଥିଲା । ସନ୍‌ରାଇଜର୍ସ ପକ୍ଷରୁ ଧାର୍ଯ୍ୟ ୧୭୯ ରନ ବିଜୟ ଲକ୍ଷ୍ୟର ପିଛା କରି ଚେନ୍ନାଇ ୧୮.୩ ଓଭରରେ ୨ ଉଇକେଟ ହରାଇ ୧୮୧ ରନ ସଂଗ୍ରହ କରି ନେଇଥିଲା । ଏହାକୁ ମିଶାଇ ଚେନ୍ନାଇ ତୃତୀୟ ଥରପାଇଁ ଆଇପିଏଲ ଟାଇଟଲ ହାସଲ କରିଛି ।

ଲିଗ୍‌ ପର୍ଯ୍ୟାୟରେ ୨ଥର, କ୍ୱାଲିଫାୟର-୧ ଓ ଏବେ ଫାଇନାଲରେ ବାଜି ମାରିଛି ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ସୁପରକିଙ୍ଗ୍ସ । ଆଇପିଏଲ ଇତିହାସରେ ଏହା ପ୍ରଥମ ଘଟଣା । ଚେନ୍ନାଇ ୭ ବର୍ଷ ପରେ ପ୍ରଥମ ଥର ବିଜେତା ହେବା ସହିତ ମୁମ୍ବାଇ ଇଣ୍ଡିଆନ୍‌ସର ସର୍ବାଧିକ ୩ ଥର କୀର୍ତିମାନର ସମକକ୍ଷ ହୋଇଛି । ପୂର୍ବରୁ ମୁମ୍ବାଇ ୨୦୧୩, ୨୦୧୫ ଏବଂ ୨୦୧୭ରେ ବିଜେତା ହୋଇଥିଲା । ସେହିଭଳି ଚେନ୍ନାଇ ଏହାପୂର୍ବରୁ ୨୦୧୦ ଓ ୨୦୧୧ରେ ବିଜେତା ମୁକୁଟ ନେଇଥିଲା ।

ଚେନ୍ନାଇ ସୁପରକିଙ୍ଗ୍‌ସ ସପ୍ତମ ଥର ଫାଇନାଲ୍ ଖେଳି ତୃତୀୟ ଥର ପାଇଁ ଚାମ୍ପିଅନ୍ ହୋଇଛି । ଏହାସହ ୪ ଥର ରନର୍ସଅପ୍ ହୋଇଛି। ବିଜେତା ସିଏସ୍‌କେ ଟିମ୍‌କୁ ୨୦ କୋଟି ଟଙ୍କା ପୁରସ୍କାର ରାଶି ମିଳିଥିବା ବେଳେ ରନର୍ସଅପ୍ ଭାବେ ସନରାଇଜର୍ସକୁ ମିଳିଛି ୧୨.୫ କୋଟି ଟଙ୍କା ।

ଆଇପିଏଲ ୧୧ : ଚେନ୍ନାଇ ସୁପର କିଙ୍ଗସ୍‌ ଚାମ୍ପିଅନ୍‌ ! ipl 2

ପଢନ୍ତୁ ;

କର୍କଟ ରୋଗକୁ ନିୟନ୍ତ୍ରଣ କରିଥାଏ ଟମାଟୋ ଜୁସ୍‌! ଜାଣନ୍ତୁ ଏହାକୁ ପ୍ରତିଦିନ ପିଇବା ଦ୍ଵାରା କଣ ଲାଭ ମିଳିଥାଏ

Related posts

କଳିଙ୍ଗ ଷ୍ଟାଡିୟମ୍‌ରେ ଓଡ଼ିଶା ଟେନିସ୍‌ ପ୍ରିମିୟର୍‌ ଲିଗ ପ୍ରଥମ ସଂସ୍କରଣ ଆରମ୍ଭ

Krishna Kumar Manoj

ବଲ୍‌ ଟ୍ୟାମ୍ପରିଂ: ଅଧିନାୟକ ଓ ଉପ ଅଧିନାୟକ ପଦରୁ ବିଦା ହେଲେ ସ୍ମିଥ, ୱାର୍ନର

Krishna Kumar Manoj

ନିଦାହାସ ଟ୍ରଫି : ଆଜି ବାଂଲାଦେଶକୁ ଭେଟିବ ଭାରତ

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More