29.2 C
Bhubaneswar
May 17, 2021
EnewsOdia.Com
ରାଜନୀତି

ଦୁଇ ଦିନିଆ ଗସ୍ତ ଶେଷ କରି ଚେନ୍ନାଇରୁ କାଠମାଣ୍ଡୁ ଅଭିମୁଖେ ଜିନପିଙ୍ଗ

ଦୁଇ ଦିନିଆ ଗସ୍ତ ଶେଷ କରି ଫେରିଲେ ଚୀନ ରାଷ୍ଟ୍ରପତି । ଚେନ୍ନାଇ ବିମାନ ବନ୍ଦରରେ ଚୀନ ବାୟୁସେନାର ସ୍ୱତନ୍ତ୍ର ବିମାନରେ ନେପାଳ ଅଭିମୁଖେ ଯାତ୍ରା କରିଛନ୍ତି ସି ଜିନପିଙ୍ଗ । ଏହି ଅବସରରେ ଜିନପିଙ୍ଗଙ୍କୁ ବିଦାୟ ଦେଇଛନ୍ତି ଭାରତୀୟ ଅଧିକାରୀ । ତାମିଲନାଡୁ ଏୟାରପୋର୍ଟରୁ ଜିନପିଙ୍ଗକ ବିମାନ କାଠମାଣ୍ଡୁ ଅଭିମୁଖେ ବାହାରିଛି । ଦୁଇ ଦିନିଆ ଗସ୍ତରେ ଆସି ତାମିଲନାଡୁର ମହାବଳୀପୁରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଦୁଇ ଥର ୬ ଘଂଟାରୁ ଅଧିକ ସମୟ ଅନୌପଚାରିକ ସାକ୍ଷାତ କରିଥିଲେ ।

ଦ୍ୱିପାକ୍ଷିକ ଆଲୋଚନା ଶେଷ ହେବା ପରେ ତାଜ ଫିସରମେନ୍ କୋଭ୍ ହୋଟେଲରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ  ହସ୍ତତନ୍ତ ଓ ବୟନ ଶିଳ୍ପ ସାମଗ୍ରୀର ପ୍ରଦର୍ଶନୀକୁ ବୁଲାଇ ଦେଖାଇଥିଲେ ମୋଦି । ଏହି ପ୍ରଦର୍ଶନୀରେ ଥିଲା ଦକ୍ଷିଣ ଭାରତୀୟ ହସ୍ତତନ୍ତ ଶିଳ୍ପର ଝଲକ । ଟସରରୁ କିପରି ଭାବେ ନିର୍ମାଣ ହେଉଛି ହସ୍ତତନ୍ତର କାଂଜିମ୍ୱରମ୍ ଶାଢୀ ଓ ଅତି ଆକର୍ଷଣୀୟ ସାଲ୍ ତାହାକୁ ଜିନପିଙ୍ଗଙ୍କୁ ବୁଲାଇ ଦେଖାଇଥିଲେ ମୋଦି ।

 

ଏହି ଅବସରରେ ଶାଢୀ ଓ ସାଲ୍ ତିଆରି ହେଉଥିବା ତନ୍ତକୁ ବି ଦେଖାଇଥିଲେ ମୋଦି । ଚୀନ୍ ରାଷ୍ଟ୍ରପତିଙ୍କ ଭାରତ ଗସ୍ତ ସମୟରେ ତାଜ୍ ଫିସରମେନ୍ କୋଭ୍ ହୋଟେଲରେ ହସ୍ତତନ୍ତ ବୁଣାକାର ନିର୍ମାଣ କରିଥିଲେ ଏକ ସ୍ୱତନ୍ତ୍ର ସାଲ୍ ।ଯେଉଁଥିରେ ରହିଥିଲା ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ଛବି । ଅତିନିଖୁଣ ଭାବରେ ସିରିମୁଗାଇ ବୁଣାକାର ଏହାକୁ ସାଲରେ ସ୍ଥାନ ଦେଇଥିଲେ । ଏହାକୁ ସ୍ୱତନ୍ତ୍ର ବୁଣାଯାଇଥିଲା । ଜିନପିଙ୍ଗଙ୍କୁ ଏହି ସାଲ୍ ଦେଖାଇବା ସହିତ ଉପହାର ଦେଇଥିଲେ ମୋଦି ।

ପଢନ୍ତୁ: ପୁଣି ଧନୀ ତାଲିକା ଶୀର୍ଷରେ ମୁକେଶ ଅମ୍ବାନୀ

Related posts

ଭାରତରେ ପହଞ୍ଚିଲା ଆମେରିକା ରାଷ୍ଟ୍ରପତି ଟ୍ରମ୍ପଙ୍କ କାର ବିଷ୍ଟ୍-୨.୦

Ratnamani Maharana

ଅହମଦାବାଦରେ ଟ୍ରମ୍ଫଙ୍କୁ ସ୍ୱାଗତ କରିବେ ୧କୋଟି ଲୋକ : ଟ୍ରମ୍ଫ

Ratnamani Maharana

ରାହୁଲ ଗାନ୍ଧୀଙ୍କ ଉପରେ ବର୍ଷିଲେ ପ୍ରତାପ ଷଢଙ୍ଗୀ

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More