News

ରାଜ୍ୟ ସରକାରଙ୍କ ‘ଖୁସି’ ଯୋଜନା : ଏପ୍ରିଲରୁ ରାଜ୍ୟର ୧୭ ଲକ୍ଷ ସ୍କୁଲ ଛାତ୍ରୀଙ୍କୁ ମିଳିବ ମାଗଣାରେ ସାନିଟାରୀ ନାପକିନ

ଛାତ୍ରୀଙ୍କୁ ମିଳିବ ମାଗଣା ନାପକିନ

ସ୍କୁଲ ଛାତ୍ରୀଙ୍କୁ ମିଳିବ ମାଗଣା ନାପକିନ । ସରକାରୀ ଓ ସରକାରୀ ଅନୁଦାନ ପ୍ରାପ୍ତ ସ୍କୁଲ ଗୁଡ଼ିକରେ ଷଷ୍ଠରୁ ଦ୍ୱାଦଶ ଶ୍ରେଣୀ ଯାଏଁ ପଢୁଥିବା ରାଜ୍ୟର ୧୭ ଲକ୍ଷ ଛାତ୍ରୀମାନଙ୍କ ପାଇଁ ଖୁସି ଖବର ।  ରାଜ୍ୟ ସରକାର ଆରମ୍ଭ କଲେ ‘ଖୁସି’ ଯୋଜନା । ଏନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଣିକି ସେମାନେ ରାଜ୍ୟ ସରକାରଙ୍କ ‘ଖୁସି’ ଯୋଜନାରେ ପ୍ରତି ମାସରେ ସାନିଟାରୀ ନାପକିନ୍ ବିନା ମୂଲ୍ୟରେ ପାଇପାରିବେ ।

ଏହା ସହିତ ଯୁବତୀ ଓ ମହିଳାମାନଙ୍କ ପାଇଁ ରିଆତି ଦରରେ ସାନିଟାରୀ ନାପକିନ୍ ଉପଲବ୍ଧ କରାଯିବା ଦିଗରେ ସରକାର ପଦକ୍ଷେପ ନେବେ । ଏହି ପଦକ୍ଷେପ ଦୀର୍ଘକାଳୀନ ଭାବେ କିଶୋରୀମାନଙ୍କ ସ୍ୱାସ୍ଥ୍ୟ ଓ ପରିମଳ ପରିଚ୍ଛନ୍ନତା ରକ୍ଷା ଦିଗରେ ସହାୟକ ହେବ ଏବଂ ନିୟମିତ ବିଦ୍ୟାଳୟ ଆସିବାରେ ଏହା ବିଶେଷ ଭାବେ ଫଳପ୍ରଦ ଭୂମିକା ତୁଲାଇ ପାରିବ ବୋଲି ମୁଖ୍ୟମନ୍ତ୍ରୀ ଏହି ଯୋଜନାକୁ ଘୋଷଣା କରି ମତବ୍ୟକ୍ତ କରିଛନ୍ତି ।

ଏହି କାର୍ଯ୍ୟକ୍ରମ ଫଳରେ ସ୍କୁଲରେ ପଢୁଥିବା କିଶୋରୀଙ୍କ ସ୍ୱାସ୍ଥ୍ୟ ସୁରକ୍ଷା ଓ ନିରୋଗ ରଖିବା ପାଇଁ ସହାୟକ ହେବ । ଷଷ୍ଠରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ୧୭ ଲକ୍ଷ ସ୍କୁଲ ଛାତ୍ରୀଙ୍କୁ ସାନିଟାରୀ ନାପକିନ୍ ବିନା ମୂଲ୍ୟରେ ଯୋଗାଣ ବ୍ୟବସ୍ଥା ଅପ୍ରେଲ ମାସ ଠାରୁ ଆରମ୍ଭ ହେବାକୁ ଯାଉଥିବା ସୂଚନା ଦିଆଯାଇଛି ।


ପଢନ୍ତୁ ;

ଗ୍ରୀଷ୍ମ ଦାଉରୁ ରକ୍ଷା ପାଇବାକୁ ଚାହୁଁଛନ୍ତି କି ? ତେବେ ଏହି ସବୁ ସର୍ବତ ପିଅନ୍ତୁ

Related posts

ଚୀନ୍‌ର ରାସାୟନିକ କାରଖାନାରେ ବିସ୍ଫୋରଣ, ୨୨ ମୃତ

ENO Beuro

ପାରାଦୀପରେ ମାଛ ମଡ଼କ

ENO Beuro

ଲଣ୍ଡନରେ ଅଛନ୍ତି ପିଏନବି ଠକେଇର ମୁଖ୍ୟ ଅଭିଯୁକ୍ତ ନୀରବ ମୋଦି

ENO Beuro

Leave a Comment