News

ନୟାଗଡ଼ରେ ଏନ୍‌କାଉଣ୍ଟର୍‌ : ଦୁର୍ଦ୍ଦାନ୍ତ ଅପରାଧୀ କାବୁଲି ଖାଁ ଆହତ !

କାବୁଲି ନାଁରେ ବିଭିନ୍ନ ଥାନାରେ ୨୦ରୁ ଊର୍ଦ୍ଧ୍ୱ ମାମଲା ରହିଛି

ନୟାଗଡ଼ରେ ପୋଲିସର ଏନ୍‌କାଉଣ୍ଟର । ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ କାବୁଲି ଖାନ୍‌ ଆହତ । କାବୁଲି ନାଁରେ ବିଭିନ୍ନ ଥାନାରେ ୨୦ରୁ ଊର୍ଦ୍ଧ୍ୱ ମାମଲା ରହିଛି ।  ପୁଲିସ ସହ ଗୁଳି ବିନିମୟ ଯୋଗୁଁ ଡାହାଣ ଗୋଡ଼ରେ ବାଜିଛି ଗୁଳି । ନୟାଗଡ଼ ଟାଉନ୍‌ ଥାନା ପୋଲିସ ତା’ଠାରୁ ଗୋଟିଏ ପିସ୍ତଲ ଓ ୪ଟି ଜୀବନ୍ତ ଗୁଳି ଜବତ କରିଛି ।

ଗତକାଲି ବିଳମ୍ୱିତ ରାତିରେ ସୋଲାପଟା-ଦରପଦା ରାସ୍ତାରେ କାବୁଲି ଯାଉଥିଲା । ଏ ସମ୍ପର୍କରେ ନୟାଗଡ଼ ଥାନା ପୋଲିସ୍‌ ଜାଣିପାରି ତାଙ୍କୁ ଗିରଫ କରିବାକୁ ଚେଷ୍ଟା କରିଥିଲା । ମାତ୍ର ସେ ପୋଲିସ ଉପରକୁ ଗୁଳି ଚାଳନା କରିଥିଲା। ପୋଲିସ ମଧ୍ୟ ପାଲଟା ଗୁଳି ଚଳାଇ ଥିଲା । ଫଳରେ କାବୁଲିର ଡାହାଣ ଗୋଡ଼ରେ ବାଜିଛି ଗୁଳି।

ଚିକିତ୍ସା ପାଇଁ ପ୍ରଥମେ ତାକୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ଭର୍ତ୍ତି କରାଯାଇଥିଲା। ଅଧିକ ଚିକିତ୍ସା ପାଇଁ ସେଠାକାର ଡାକ୍ତରମାନେ ତାକୁ କଟକ ବଡ଼ ଡାକ୍ତରଖାନାକୁ ରେଫର୍‌ କରିଛନ୍ତି । ହାଇଦର ଗ୍ୟାଙ୍ଗ ସହିତ ତାଙ୍କର ଅପରାଧୀ ସମ୍ପର୍କ ଥିବା ଜିଲ୍ଲା ପୋଲିସ କହିଛି । ଚଳିତ ବର୍ଷ ନୟାଗଡ଼ ପୁଲିସର ଏହା ଚତୁର୍ଥ ଏନ୍‌କାଉଣ୍ଟର୍‌ ।

ପଢନ୍ତୁ ;

ତୈଳଦର ବୃଦ୍ଧି ପ୍ରତିବାଦରେ ଆଜି କଂଗ୍ରେସର ୬ ଘଣ୍ଟିଆ ଚକା ଜାମ୍ !

Related posts

ଅଭିଜିତ ଆୟାରଙ୍କ ମାମଲା ପ୍ରତ୍ୟାହାର କରିବେ ସରକାର

ENO Beuro

୧୦୦ରୁ ଅଧିକ ସ୍ପାଇସ ବମ୍ କିଣିବାନେଇ ଇସ୍ରାଏଲ ସହ ଡିଲ୍‌ କଲା ଭାରତ

Ratnamani Moharana

ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ରଥର ଶୁଭାରମ୍ଭ କଲେ ନବୀନ

ENO Beuro

1 comment

Leave a Comment