27 C
Bhubaneswar
October 24, 2020
EnewsOdia.Com
ନ୍ୟୁଜ୍

ବୋଝ ଉପରେ ଲଳିତା ବିଡ଼ା; ଡାଲି ଦର ୧୦୦ ଟଙ୍କା ଡେଇଁଲା

ପ୍ରଥମେ ପିଆଜ, ପରିବା ଏବଂ ବର୍ତ୍ତମାନ ଡାଲି ଉପରେ ମାଡ଼ ହୋଇଛି । ଯାହା ଗ୍ରାହକଙ୍କୁ କନ୍ଦାଉଛି ।  ଗତ ଦୁଇ ଦିନ ଭିତରେ ଡାଲି ଦର ଅଚାନକ ଓ ଅସ୍ୱାଭାବିକ ଭାବେ ବୃଦ୍ଧି ପାଇଛି । ହରଡ଼ ଓ ମୁଗ ଡାଲି ଦର ୧୦୦ ଟଙ୍କା ଡେଇଁଛି । ପାଇକାରୀ ଦର ୯୦ ଟଙ୍କା ପାର୍ ହୋଇ ଯାଇଥିବାରୁ ଖୁଚୁରା ବଜାର ଦର ୧୦୦ ଟଙ୍କାକୁ ଟପିଛି ।

ତେବେ ବିରି ଡାଲି ୧୨୦ ଟଙ୍କାକୁ ଟିପଯାଇଛି। ପ୍ରଥମେ ପିଆଜ ଓ ପରେ  ପରିବା ଦର ବୃଦ୍ଧି ଖାଉଟିଙ୍କୁ କନ୍ଦେଇଥିବାବେଳେ ଏବେ ଡାଲି ଦର ବୃଦ୍ଧି ଖାଉଟିଙ୍କ ପାଇଁ ବୋଝ ଉପରେ ନଳିତା ବିଡ଼ା ସଦୃଶ ହୋଇଛି । ତେବେ ଆଗକୁ ଏହି ଦର ବୃଦ୍ଧି ଆହୁରି ହୁ ହୁ ହୋଇ ବଢ଼ିବା ନେଇ ଆଶଙ୍କା କରାଯାଉଛି ବୋଲି ବ୍ୟବସାୟୀ ମହଲରୁ ସୂଚନା ମିଳିଗଲାଣି।

ଗତ ଦୁଇ ଦିନ ପୂର୍ବେ ସବୁ ଡାଲି କ୍ୱିଣ୍ଟାଲ ପିଛା ଏକ ହଜାର ଟଙ୍କା କମ୍ ଥିଲା ବୋଲି ପାଇକାରୀ ବ୍ୟବସାୟୀମାନେ ଜଣାଇଛନ୍ତି। ପୂର୍ବରୁ ଦର ବୃଦ୍ଧି ଏମିତି ଅତର୍କିତଭାବେ ବୃଦ୍ଧି ପାଇବା କେବେ ନଥିଲା ବୋଲି ସେମାନେ କହିଛନ୍ତି। ଫଳରେ ଏବେଠାରୁ ମାଲ୍ କଳାବଜାରୀ ହେବା ଆଶଙ୍କାକୁ ଏଡ଼ାଇ ଦିଆଯାଇନପାରେ ବୋଲି କୁହାଯାଉଛି । ତେଣୁ ତୁରନ୍ତ ଉଭୟ କେନ୍ଦ୍ର ଓ ରାଜ୍ୟ ସରକାର ଖାଉଟିଙ୍କ ସ୍ୱାର୍ଥ ଓ ସୁରକ୍ଷା ପାଇଁ ଦୃଢ଼ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି ।

ପଢନ୍ତୁ: କନ୍ଧମାଳରୁ ଲୋପ ପାଇଯିବ ବାଦୁଡ଼ି ବଂଶ !

Related posts

ଶିକ୍ଷାକ୍ଷେତ୍ରରେ ଲାଗୁ ହେବ ‘ନୋ ୱାର୍କ ନୋ ପେ’ ନିୟମ

Ratnamani Maharana

୩୧ରେ ଜମ୍ମୁ-କଶ୍ମୀର ବିଭାଜନ, ୪୮ ଘଣ୍ଟା ପାଇଁ ହାଇ ଆଲର୍ଟରେ ଦିଲ୍ଲୀ

Ratnamani Maharana

ଏ ବର୍ଷ ହେବନି ପ୍ରଶ୍ନପତ୍ର ଲିକ୍

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More