30.1 C
Bhubaneswar
October 22, 2021
EnewsOdia.Com
ଜୀବନଚର୍ଯ୍ୟା

ଜାଣନ୍ତୁ ରୁପିର ଲକ୍ଷଣ ଓ ଚିକିତ୍ସା ପଦ୍ଧତି

ରୁପି ଏକ ସାଧାରଣ ସମସ୍ୟା। ଚର୍ମରେ ଯେଉଁଠାରେ ସିବାସିସ୍‌ ଗ୍ଲାଣ୍ଡ ଥାଏ, ସେଠାରେ ରୁପି ଦେଖାଦେଇଥାଏ। ଋତୁଚକ୍ର ପରି ରୁପି ବି ଚର୍ମର ଏକ ସାମାନ୍ୟ ପ୍ରକ୍ରିୟା। କିନ୍ତୁ ଠିକ୍‌ ସମୟରେ ରୁପିର ଉପଚାର ନକଲେ, ଏହା କାନ, କପାଳ, ନାକ, ଭ୍ରୁଲତା ଓ ଗାଲ ଆଡ଼କୁ ମଧ୍ୟ ବ୍ୟାପି ଯାଇଥାଏ। ତେବେ ରୁପିର ଲକ୍ଷଣ ଓ ଏହା ଅଧିକ ଦିନ ରହିଲେ, ଏହାର ଚିକିତ୍ସା କିପରି କରିବେ, ଏ ବିଷୟରେ ଚର୍ମରୋଗ ବିଶେଷଜ୍ଞ ଡାକ୍ତର ବିନାୟକ ଚନ୍ଦ୍ର ଦ୍ୱାରୀ କ’ଣ କହୁଛନ୍ତି, ଆସନ୍ତୁ ଜାଣିବା।

ରୁପି କେତେ ପ୍ରକାରର ?

ଶୁଷ୍କ ରୁପି ଏବଂ ତେଲିଆ ରୁପି। ଶୁଖିଲା ରୁପିରେ ଛୋଟ ଛୋଟ ଆକାରରେ ବାହାରିଥାଏ। କିନ୍ତୁ ତେଲିଆ ରୁପିରେ ବକଳ ପରି ଖୋଳ ଛାଡ଼ିଥାଏ।

ଲକ୍ଷଣ

୧. ମୁଣ୍ଡରେ ଘା’ ହେବା

୨. ଲାଲ୍‌ ହୋଇ ଫଳିଯିବା

୩. କେଶ ଝଡ଼ିବା

୪. ମୁଣ୍ଡ ଗନ୍ଧ ହେବା

୫. ମୁଣ୍ଡ, କାନ, ବେକ ଓ କାନ୍ଧ ଉପରେ ଏହା ଦେଖାଯାଇଥାଏ।

କାରଣ

ବ୍ୟାକ୍ଟେରିଆଲ୍‌ ଇନ୍‌ଫେକସନ୍‌ କିମ୍ୱା ଫଙ୍ଗାଲ୍‌ ଇନଫେକସନ୍‌ ଦ୍ୱାରା ରୁପି ବ୍ୟାପିଥାଏ। ତେବେ ରୁପି ହେଲେ ଶରୀରକୁ କୌଣସି କ୍ଷତି ପହଞ୍ଚେ ନାହିଁ।

ଚିକିତ୍ସା ପଦ୍ଧତି

୧. ଔଷଧ ଖାଇଲେ ଏହା ଭଲ ହୋଇପାରିବ

୨. ବାହାର ସାମ୍ପୋ ବ୍ୟବହାର ନକରି ଆଣ୍ଟି ଫଙ୍ଗାଲ୍‌ ସାମ୍ପୋ ବ୍ୟବହାର କରନ୍ତୁ।

୩. ସପ୍ତାହରୁ ଦୁଇଥର ସାମ୍ପୋ କରନ୍ତୁ। ଯଦି ଅଧିକ ରୁପି ଅଛି, ତେବେ ଦିନେ ଛାଡ଼ି ଦିନେ ସାମ୍ପୋ କରନ୍ତୁ। ତେବେ ଏହିସବୁ ସାମ୍ପୋକୁ ଅଧିକ ସମୟ ମୁଣ୍ଡରେ ଲଗାଇ ରଖନ୍ତୁ ନାହିଁ। ଅଧିକ ସମୟ ରଖିଲେ, ପାର୍ଶ୍ୱ ପ୍ରତିକ୍ରିୟା ହେବାର ଆଶଙ୍କା ରହିଥାଏ।

୪. ଯଦି ପାରୁଛନ୍ତି, ଲେମ୍ୱୁ କିମ୍ୱା ଅଣ୍ଡା ମାଧ୍ୟମରେ ଘରୋଇ ଉପଚାର କରିପାରିବେ। ତେବେ ଏସବୁ କରିବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରନ୍ତୁ।

ପଢନ୍ତୁ: ନିଅନ୍ତୁ ଏହି ଛୋଟ ଛୋଟ ପଦକ୍ଷେପ, କେବେ ବି ଛିଡ଼ିବନି ସମ୍ପର୍କର ଡୋର

Related posts

କଖାରୁ ଖାଇବାର କିଛି ଏଭଳି ଫାଇଦା, ଯାହା ଜାଣିଲେ ଆପଣଙ୍କ ଉଡିଯିବ ହୋସ

Ratnamani Maharana

ଜାଣନ୍ତୁ କିପରି ଖାଦ୍ୟ ଖାଇବା ପରେ ପାଣି ପିଇଲେ କ୍ଷତି ହୋଇଥାଏ

Ratnamani Maharana

ଗର୍ଭାବସ୍ଥାରେ ଘୁଙ୍ଗୁଡ଼ି ମାରୁଥିଲେ ଗର୍ଭସ୍ଥ ଶିଶୁ ଉପରେ ପଡ଼ିପାରେ ନକାରାତ୍ମକ ପ୍ରଭାବ

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More