27 C
Bhubaneswar
October 26, 2020
EnewsOdia.Com
ରାଜନୀତି

ବିଜେପୁରରେ ନବୀନଙ୍କୁ ଟାର୍ଗେଟ କଲେ ଧର୍ମେନ୍ଦ୍ର

ବିଜେପୁରରେ ବିଜେପିର ଜୋରଦାର ହମ୍‌ଲା।  ଆଜି ପ୍ରଚାର ମୈଦାନକୁ ଓହ୍ଲାଇଥିବା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ହିଞ୍ଜିଳିକୁ ରଖି ବିଜେପୁର ଛାଡିଥିବାରୁ ନବୀନଙ୍କ ଉପରେ ବର୍ଷିଥିଲେ।  ବିଜେପୁର ଦାୟିତ୍ବ ନେବା କଥା କହି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ସ୍ଥାନୀୟ ଲୋକମାନଙ୍କୁ ପ୍ରତାରିତ କରିଛନ୍ତି। ମୁଖ୍ୟମନ୍ତ୍ରୀଙ୍କୁ ଭରସା କରିବା କ’ଣ ବିେଜପୁର ବାସୀଙ୍କର ଭୁଲ ନିଷ୍ପତ୍ତି ଥିଲା? ଏବେ ‘ମୋ ସରକାର’ କଥା କୁହାଯାଉଛି। ‘ମୋ ସରକାର’ ପୂର୍ବରୁ ଥିବା ସରକାର ଦୁର୍ନୀତିଗ୍ରସ୍ତଲୋକଙ୍କର ନା ଚିଟଫଣ୍ଡ ଚୋରମାନଙ୍କର ଥିଲାବୋଲି ପ୍ରଶ୍ନ କରିଛନ୍ତି ଧର୍ମେନ୍ଦ୍ର।

ପୂଜା ଛୁଟି ପରେ ବିଜେପୁର ଉପନିର୍ବାଚନ ପ୍ରଚାର ସରଗରମ େହାଇଛି। ଏହି କ୍ରମରେ ଆଜି େକନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ବିଜେପୁର ଯାଇ ଦିନିକିଆ ତୋଫାନୀ ଗସ୍ତ କରିଥିଲେ। ସ୍ଥାନୀୟ ତାଲପାଲିଠାରେ ଅନୁଷ୍ଠିତ ନିର୍ବାଚନୀ ସଭାରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଥିଲେ, ବିଜେପୁରବାସୀଙ୍କ ଉପରେ ଜାଣିଶୁଣି ଏକ ଉପନିର୍ବାଚନ ଲଦି ଦିଆଯାଇଛି। ମୁଖ୍ୟମନ୍ତ୍ରୀ କାହିଁକି ଏଠାରୁ ପ୍ରାର୍ଥୀ ହେଲେ ଏବଂ ପୁଣି କାହିଁକି ଏହି ଆସନ ଛାଡ଼ିଲେ, ତାହା ବୁଝା ପଡ଼ୁନାହିଁ। ବିଜେପୁରବାସୀ  ମୁଖ୍ୟମନ୍ତ୍ରୀଙ୍କୁ ଭରସା କରି ଭୋଟ୍‌ ଦେଲେ।

ମୁଖ୍ୟମନ୍ତ୍ରୀଙ୍କୁ ଭରସା କରିବା କଣ ଭୁଲ? ଯଦି ପଶ୍ଚିମ ଓଡ଼ିଶା ପ୍ରତି ମୁଖ୍ୟମନ୍ତ୍ରୀଙ୍କ ଦରଦ ଥିଲା, ସେ ଚାହିଁଥିଲେ ହିଞ୍ଜିଳିକାଟୁ ଆସନ ଛାଡ଼ି ଦେଇଥାନ୍ତେ। ମୁଖ୍ୟମନ୍ତ୍ରୀ ବିଜେପୁର ବିକାଶ କଥା ନିଜେ ବୁଝିବି ବୋଲି ଗତ ଉପନିର୍ବାଚନ ବେଳେ କହିଥିଲେ। ମହାପ୍ରଭୁ ଶ୍ରୀ ଜଗନ୍ନାଥ ଓ ମା’ ସମଲେଇଙ୍କ ପାଖରେ ଶପଥ ନେଇ କୁହନ୍ତି, ସେ ଏଠାରେ କ’ଣ କରିଛନ୍ତି?
ପଢନ୍ତୁ: ଆସୁଛନ୍ତି ଗଜଲକ୍ଷ୍ମୀ : ସଜେଇ ହେଉଛି ଢେଙ୍କାନାଳ

Related posts

ଦିଲ୍ଲୀର ବସ୍‌ରେ ମହିଳାଙ୍କୁ ମିଳିବ ମାଗଣା ଟିକେଟ

Ratnamani Maharana

ଇମ୍ରାନଙ୍କ ଆସନ ଟଳମଳ, ଇସ୍ତଫା ଦାବିରେ ‘ଆଜାଦି ମାର୍ଚ୍ଚ’

Ratnamani Maharana

ଦିଲ୍ଲୀ ନିର୍ବାଚନରେ ପୁଣି ବାଜି ମାରିନେଲା ଆପ୍‌

Ratnamani Maharana

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More