LIFESTYLE

ରାତ୍ରିଭୋଜନରେ ବେଶି ଖାଦ୍ୟ ଗ୍ରହଣ କରୁଛନ୍ତି କି ? ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ ! ଜାଣନ୍ତୁ ଏହାର କାରଣ

ସ୍ୱାସ୍ଥ୍ୟ ହିଁ ସଂପଦ ଅଟେ  । ତେଣୁ କେବେ କଣ ଆଉ କେମିତି ଖାଉଛନ୍ତି ତାହା ବିଷୟରେ ସଚେତନ ହେବା ଅତ୍ୟନ୍ତ ଜରୁରୀ । କାରଣ ଏସବୁର ପ୍ରଭାବ ବହୁମାତ୍ରାରେ ଆପଣଙ୍କ ଶରୀର ଉପରେ ପଡିଥାଏ । ସେଥିପାଇଁ ଜଳଖିଆ, ଦ୍ୱିପ୍ରହର ଖାଦ୍ୟ ଓ ରାତ୍ରି ଭୋଜନ ଭିନ୍ନ ଭିନ୍ନ ମାତ୍ରାରେ ଗ୍ରହଣ କରାଯାଇଥାଏ । ସାଧାରଣତଃ ରାତ୍ରଭୋଜନ ହାଲ୍‌କା ଓ ସାଦା ହୋଇଥାଏ ।

ରାତ୍ରିରେ ଅଧିକ ଭୋଜନ କରିବା ଦ୍ଵାରା  କଣ ଅସୁବିଧା ହୋଇଥାଏ ଆସନ୍ତୁ ଜାଣିବା –

  • ଅନିଦ୍ରା : ଯେଉଁମାନେ ପ୍ରଚୁର ଖାଦ୍ୟ ଖାଇ ରାତିରେ ଶୁଅନ୍ତି, ସେମାନଙ୍କୁ ଅନିଦ୍ରା ବା ସୁନିଦ୍ରା ନ ହେବା ଭଳି ସମସ୍ୟା ଦେଖାଯାଇଥାଏ ।
  • ବଦହଜମୀ : ଏଭଳି ବଦଭ୍ୟାସ ଯୋଗୁଁ ବଦହଜମର ଶିକାର ହୋଇପାରନ୍ତି । କାରଣ ରାତ୍ରିରେ ସାଧାରଣତଃ ଖାଦ୍ୟ ହଜମ ପ୍ରକ୍ରିୟା ମନ୍ଥର ହୋଇଥାଏ ।
  • ହୃଦ୍‌ଘାତ : ବଦହଜମ ହେତୁ ଆପଣଙ୍କ ଶରୀରରେ ରକ୍ତଚାପ ଓ କୋଲେଷ୍ଟ୍ରଲ୍‌ ଉପରେ ଏହା କୁପ୍ରଭାବ ପକାଇଥାଏ । ପରିଣାମତଃ ଏହା ଫଳରେ ହୃଦ୍‌ଘାତ ଭଳି କଷ୍ଟ ବି ଭୋଗି ପାରନ୍ତି ।
  • ହାର୍ଟ ବର୍ଣ୍ଣ : ରାତିରେ ବେଶି ଖାଇଲେ ତାହା ପାଚନ କ୍ରିୟାରେ ସହାୟକ ଏସିଡ ସହିତ ମିଶି ବୋ ଯାଏଁ ପହଞ୍ଚିଯାଏ । ଏହି କାରଣରୁ ଛାତିରେ ଜ୍ୱଳନ ହୋଇଥାଏ, ଯାହାକୁ ହାର୍ଟବର୍ଣ୍ଣ ବୋଲି କୁହାଯାଏ।
  • ମଧୁମେହ : ରାତ୍ରିଭୋଜନ ପରେ କୌଣସି କାମ ନ କରି ଆପଣ ଶୋଇବାକୁ ଗଲେ, ବ୍ଲଡ୍‌ସୁଗାର ସ୍ତର ପରିବର୍ତ୍ତିତ ହୋଇଥାଏ । ଏଭଳି ପରିସ୍ଥିତିରେ ଟାଇପ୍‌-୨ ମଧୁମେହର ଆଶଙ୍କା ଉପୁଜିଥାଏ ।

ଯଦି ଆପଣଙ୍କ ରାତ୍ରଭୋଜନରେ ଯଦି କିଛି ପୋଷକ ଖାଦ୍ୟ ସାମିଲ ହୋଇଯାଏ, ତେବେ ଏହାର ସୁଫଳ ନିଶ୍ଚୟ ଆପଣ ପାଇବେ ।

ଜାଣନ୍ତୁ କେଉଁ ପାଞ୍ଚଟି ଜିନିଷ ରାତ୍ରଭୋଜନରେ ସାମିଲ ହେବା ନିହାତି ଆବଶ୍ୟକ –

  • କ୍ଷୀର : ରାତିରେ କ୍ଷୀର ପିଇବା ସ୍ୱାସ୍ଥ୍ୟ ପକ୍ଷେ ଅତ୍ୟନ୍ତ ହିତକାରକ । ଶୋଇବା ସମୟରେ ସାମାନ୍ୟ ନଖଉଷୁମ କ୍ଷୀର ପିଇଲେ ଭଲ ନିଦ ଆସେ । ଯଦି ଲୋ ଫ୍ୟାଟ୍‌ କ୍ଷୀର ପିଇବେ ତାହା ଆହୁରି ଫଳପ୍ରଦ ହେବ ।
  • ଅଦା : ସେହିପରି ଅଦା କେବଳ ମସଲା ଜାତୀୟ ଖାଦ୍ୟ ନୁହେଁ । ଅନେକ ଔଷଧୀୟ ଗୁଣର ଗନ୍ତାଘର ହେଉଛି ଅଦା । ଅଦା ଆଚାର, ସାଲାଡ ତଥା ଅଦାକୁ ଯେ କୌଣସି ରୂପରେ ରାତ୍ରିଭୋଜନରେ ସାମିଲ କରନ୍ତୁ । ଏହା ଆପଣଙ୍କ ଶରୀରକୁ ସୁସ୍ଥ ରଖିବାରେ ସାହାଯ୍ୟ କରେ ।
  • ଦହି ଛେହ୍ଲା : କୁହନ୍ତି ରାତିରେ ଦହି ଖାଇବା କଥା ନୁହେଁ । ମାତ୍ର ଦହିକୁ ଆପଣ ଚହ୍ଲା କରି ତଥା ସାଲାଡ କିମ୍ବା ଲସିରେ ବ୍ୟବହାର କରି ଖାଇପାରିବେ । ଏହାଦ୍ୱାରା ଆପଣଙ୍କ ପେଟ ଥଣ୍ଡା ହେବା ସହ ହଜମ ପ୍ରକ୍ରିୟା ସକ୍ରିୟ ହେବ ।
  • ମହୁ : ରାତିରେ ଚିନି ଖାଇବାଠୁ ଦୂରେଇ ରୁହନ୍ତୁ । ଯଦି ଆପଣ ମିଠା କ୍ଷୀର ପିଇବାକୁ ପସନ୍ଦ କରନ୍ତି ତେବେ ଚିନି ବଦଳରେ ମହୁ ପ୍ରୟୋଗ କରନ୍ତୁ । ମହୁ ଭିତରେ ଅନେକ ଲାଭଦାୟକ ଗୁଣ ଥିବାରୁ ଏହାର ବ୍ୟବହାର ଫଳରେ ଶରୀର ସୁସ୍ଥ ରହିବ ।
  • ସବୁଜ ପରିବା ଏବଂ ଶାଗ : ସାଧାରଣତଃ ଓଡିଆ ଘରେ ରାତିରେ ଶାଗ ଖାଇବା ନିଷେଧ । ମାତ୍ର ସବୁଜ ପରିବା ଓ ଶାଗରେ ଫାଇବରର ମାତ୍ରା ବହୁତ ଅଧିକ ଥାଏ । ଏଥିପାଇଁ ରାତ୍ରି ଭୋଜନରେ ଏସବୁକୁ ସାମିଲ କଲେ ବହୁମାତ୍ରାରେ ଲାଭ ମିଳିଥାଏ ।

ରାତ୍ରିଭୋଜନରେ ବେଶି ଖାଦ୍ୟ ଗ୍ରହଣ କରୁଛନ୍ତି କି ? ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ ! ଜାଣନ୍ତୁ ଏହାର କାରଣ heavy meal

ପଢନ୍ତୁ ;

ଆଜି ସଂସଦରେ ଆଗତ ହେବ ସାଧାରଣ ବଜେଟ୍

Related posts

ଶରୀରରୁ ଭାତୁଡ଼ିକୁ ଦୂର କରିବା ପାଇଁ ଆପଣାନ୍ତୁ ଏହି ଉପାୟ!

Krishna Kumar Manoj

ଆପଣ ଚାଇନିଜ୍ ଫୁଡ୍ ଖାଉଛନ୍ତି କି ?ବିଭିନ୍ନ ରୋଗର ଶିକାର ହୋଇପାରନ୍ତି

Krishna Kumar Manoj

କ୍ୟାନସରରୁ ମୁକ୍ତି ଦେଇଥାଏ କଞ୍ଚାଲଙ୍କା ! ଆସନ୍ତୁ ଜାଣିବା ଏହାକୁ ଖାଇବା ଦ୍ଵାରା କେଉଁ ସବୁ ଫାଇଦା ମିଳିଥାଏ ?

Krishna Kumar Manoj

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More