LIFESTYLE

ଜାଣନ୍ତୁ ରୋଷେଇ କରିବା ପୂର୍ବରୁ କେଉଁ ଖାଦ୍ୟକୁ ଧୋଇବେ ନାହିଁ ?

ସାଧାରଣତଃ ରୋଷେଇ କରିବା ପୂର୍ବରୁ ଆମେ ପନିପରିବାକୁ ବେଶ ଭଲ ଭାବରେ ଧୋଇଥାଉ । କାରଣ ଏହାଦ୍ୱାରା ପନିପରିବାରେ ଲାଗିଥିବା ଧୂଳିମଳି ସଫା ହେବା ସହ ଏଥିରେ ଲାଗିଥିବା ବ୍ୟାକ୍ଟେରିଆ ମଧ୍ୟ ସଫା ହୋଇଥାନ୍ତି । ତେବେ ଏପରି କିଛି ଖାଦ୍ୟ ଅଛି ଯାହାକୁ ରୋଷେଇ କରିବା ପୂର୍ବରୁ ଧୋଇବାର ଆବଶ୍ୟକତା ରହିନଥାଏ ।

ରୋଷେଇ କରିବା ପୂର୍ବରୁ ଏହି ଖାଦ୍ୟକୁ ଧୋଇବାର ଆବଶ୍ୟକତା ରହିନଥାଏ

ସାଧାରଣତଃ ମାଂସ ରୋଷେଇ ପୂର୍ବରୁ ଏହାକୁ ଅନେକ ଲୋକ ଧୋଇଦିଅନ୍ତି । ଏପରିକି କିଛି ଲୋକ ମାଂସରୁ ବ୍ୟାକ୍ଟେରିଆ ସଫା କରିବା ପାଇଁ ଏହାକୁ ସିଝାଇ ଦିଅନ୍ତି । ତେବେ ଜାଣି ରଖିବା ଉଚିତ ରୋଷେଇ କରିବା ପୂର୍ବରୁ ଏହାକୁ ଆଦୌ ଧୁଅନ୍ତୁ ନାହିଁ । କାରଣ ଏହାକୁ ଧୋଇବା ଫଳରେ ମାଂସରୁ ପ୍ରୋଟିନ ଅଂଶ ବାହାରି ଯାଇଥାଏ ।

ମସରୁମ ଅଧିକାଂଶ ଲୋକଙ୍କର ଏକ ପ୍ରିୟ ଖାଦ୍ୟ । ମସରୁମ ପାଣିକୁ ଖୁବଶୀଘ୍ର ଶୋଷଣ କରିଥାଏ । ତେବେ ରୋଷେଇ ପୂର୍ବରୁ ମସରୁମକୁ ଧୋଇବା ଅଭ୍ୟାସ ଛାଡି ଦିଅନ୍ତୁ । କାରଣ ଏହାକୁ ଧୋଇବା ଦ୍ୱାରା ଏଥିରେ ଥିବା ପୋଷକ ତତ୍ତ୍ୱ ଓ ଭିଟାମିନ ନଷ୍ଟ ହୋଇଯାଇଥାଏ ।

ସକାଳେ ହେଉ ଅବା ସନ୍ଧ୍ୟା ଅଧିକାଂଶ ଲୋକ ଏହି ସମୟରେ ପାସ୍ତା ଖାଇବାକୁ ପସନ୍ଦ କରିଥାନ୍ତି । ତେବେ ପାସ୍ତାକୁ ରୋଷେଇ କରିବା ପୂର୍ବରୁ ମଧ୍ୟ ଏହାକୁ ଧୋଇବା ଅନୁଚିତ । କାରଣ ଏହାକୁ ଧୋଇଲେ ଏଥିରେ ଥିବା ସ୍ଟ୍ରାର୍ଚ ନଷ୍ଟ ହୋଇଯାଇଥାଏ । ପାସ୍ତାରେ ଥିବା ସ୍ଟ୍ରାଚ ପାସ୍ତାର ଏକ ମୁଖ୍ୟ ପୋଷକ ତତ୍ତ୍ୱ ଓ କେବଳ ସ୍ଟ୍ରାଚ ପାଇଁ ପାସ୍ତା ଅଧିକ ସୁଆଦିଆ ଲାଗିଥାଏ ।

ରୋଷେଇ ପୂର୍ବରୁ ଅଣ୍ଡାକୁ ଆଦୌ ଧୋଇବା ଉଚିତ୍ ନୁହେଁ । କାରଣ ଅଣ୍ଡାକୁ ବ୍ୟାକ୍ଟେରିଆ ସଂକ୍ରମଣରୁ ରକ୍ଷା କରିବା ପାଇଁ ଏହାର ଉପରି ଭାଗରେ ଏକ ଆସ୍ତରଣ ରହିଥାଏ । ତେବେ ରୋଷେଇ ପୂର୍ବରୁ ଅଣ୍ଡା ଧୋଇଦେଲେ ଏହା ନଷ୍ଟ ହୋଇଯାଇଥାଏ ।

ପଢନ୍ତୁ ;

ବାସ୍ତବରେ ଆପଣଙ୍କୁ କେହି ଈର୍ଷା କରୁଛନ୍ତି ବୋଲି ଜାଣିବେ କେମିତି ?

Related posts

ଆମିଷ ଖାଇବା ପରେ ବାସନରୁ ଦୁର୍ଗନ୍ଧ ଆସୁଛି କି? ତେବେ ଆପଣାନ୍ତୁ ଏହି ଘରୋଇ ଉପାୟ

ENO Beuro

ଛିଣ୍ଡା କ୍ଷୀର ପିଉଛନ୍ତି କି!!! ଜାଣନ୍ତୁ ଏହା ଶରୀର ଉପରେ କି ପ୍ରକାର ପ୍ରଭାବ ପକାଏ

Ratnamani Moharana

କେଶରେ ଚମକ ଆଣିବାକୁ ଚାହୁଛନ୍ତି କି ?ତେବେ ଆପଣାନ୍ତୁ ଏହି ଉପାୟ

ENO Beuro

1 comment

Leave a Comment