ଦଶମ ଓ ଦ୍ବାଦଶ ପରୀକ୍ଷା ପାଇଁ ସୂଚୀ ଜାରି କଲା କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) । ଏନେଇ ବୋର୍ଡ ଏକ ଡେଟ ସିଟ ପ୍ରକାଶ କରିଛି । ଫେବୃଆରୀ 15ରୁ ମାର୍ଚ୍ଚ 21 ତାରିଖ ମଧ୍ୟରେ ଉଭୟ ଦଶମ ଓ ଦ୍ବାଦଶ ଶ୍ରେଣୀ ପରୀକ୍ଷା ଶେଷ କରିବା ପାଇଁ ସମୟ ଧାର୍ଯ୍ୟ ହୋଇଛି (CBSE Class 10 and 12 exams date) । ବୋର୍ଡର ଅଫିସିଆଲ୍ ୱେବସାଇଟ୍ cbse.gov.in ରେ ଛାତ୍ରଛାତ୍ରୀ ଏହି ସୂଚୀର ସମ୍ପୂର୍ଣ୍ଣ ବିବରଣୀ ପାଇପାରିବା ସହ ଡାଉନଲୋଡ୍ ମଧ୍ୟ କରିପାରିବେ ।ତେବେ ଜାରି କରାଯାଇଥିବା ଡେଟ ସିଟ ଅନୁସାରେ ପରୀକ୍ଷା ପୂର୍ବାହ୍ନ 10.30 ରୁ ଆରମ୍ଭ ହେବ (CBSE Class 10 and 12 exams date) । ଦୁଇଟି ପେପର ପରୀକ୍ଷା ମଧ୍ୟରେ ଯଥେଷ୍ଟ ସମୟ ବ୍ୟବଧାନ ମଧ୍ୟ ରହିଛି । ଛାତ୍ରାଛାତ୍ରୀଙ୍କୁ ପରୀକ୍ଷା ସମ୍ପର୍କିତ ସମସ୍ତ ବିସ୍ତୃତ ସୂଚନା ଓ ସର୍ତ୍ତାବଳୀ ସମ୍ପର୍କରେ ଜାଣିବା ପାଇଁ ବୋର୍ଡର ଅଫିସିଆଲ ଓ୍ବେବସାଇଟରେ (cbse.gov.in) ଲଗଇନ କରିବା ପାଇଁ ପରାମର୍ଶ ଦିଆଯାଇଛି ।