ODIA
ମାତୃଭାଷା ଆମ ସଂସ୍କୃତିର ଏକ ଗୁରୁତ୍ବପୂର୍ଣ୍ଣ ଅଂଶ । ଭାଷା କେବଳ ଭାବର ଆଦାନ ପ୍ରଦାନ ନୁହେଁ, ଏହା ସମାଜର ବିକାଶ ସାଧନର ମାଧ୍ୟମ ଅଟେ । ସମାଜ ବିକାଶରେ ଭାଷାର ଗୁରୁତ୍ବପୂର୍ଣ୍ଣ ଭୂମିକା ରହିଛି । ଭାଷା ଶିକ୍ଷା ଏବଂ ସମର୍ଥନକୁ ଉତ୍ସାହିତ କରିବା ପାଇଁ ସରକାର ଏବଂ ଅଣ-ସରକାରୀ ସଂଗଠନ ନୀତି ଘୋଷଣା କରିବାକୁ ଏହି ଦିନକୁ ପାଳନ କରିପାରନ୍ତି । ବହୁଭାଷୀ ଶିକ୍ଷାକୁ ଆଗକୁ ବଢାଇବା, ସମସ୍ତଙ୍କ ପାଇଁ ଗୁଣାତ୍ମକ ଶିକ୍ଷା ଏବଂ ଶିକ୍ଷାର ବିକାଶକୁ ସମର୍ଥନ କରିବା ପାଇଁ ବୈଷୟିକ ଶିକ୍ଷାର ଭୂମିକା ସମ୍ପର୍କରେ ସଚେତନ କରେଇବାର ଆବଶ୍ୟକତା ରହିଛି ।
ପାକିସ୍ତାନ ସରକାରଙ୍କ ଘୋଷଣାନାମା ଅନୁଯାୟୀ ଉର୍ଦ୍ଦୁ ଏକମାତ୍ର ଜାତୀୟ ଭାଷା । ଏହା ପୂର୍ବ ପାକିସ୍ଥାନରେ ବଙ୍ଗାଳୀ ଭାଷାଭାଷୀ ସଂଖ୍ୟାଲଘୁଙ୍କ ମଧ୍ୟରେ ବିରୋଧ ପ୍ରଦର୍ଶନ କରିଥିଲେ । ସେହି କ୍ରମରେ ୧୯୫୨ ମସିହା ଫେବ୍ରୁଆରି ୨୧ ତାରିଖରେ ଢାକା ବିଶ୍ବବିଦ୍ୟାଳୟରେ ଏହି ବିରୋଧର ଆୟୋଜନ କରିଥିଲେ । ସେହି ଦିନ ପରେ ପୋଲିସ ପ୍ରଦର୍ଶନକାରୀଙ୍କ ଉପରକୁ ଗୁଳି ଚଳାଇ ୪ ଜଣ ଛାତ୍ରଙ୍କୁ ହତ୍ୟା କରିଥିଲା । ମାତୃଭାଷା ବ୍ୟବହାର କରିବାର ଅଧିକାର ପାଇଁ ସଂଗ୍ରାମରେ ଏହି ଛାତ୍ରଙ୍କର ମୃତ୍ୟୁ ବର୍ତ୍ତମାନ ଅନ୍ତର୍ଜାତୀୟ ମାତୃଭାଷା ଦିବସରେ ସ୍ମରଣୀୟ । ଶେଷରେ ୧୯୭୧ରେ ପୂର୍ବ ପାକିସ୍ତାନ ସ୍ବାଧୀନ ହେଲା ଏବଂ ଏ ଦେଶର ନୂଆ ନାମ ହେଲା- ବାଂଲାଦେଶ ।
୧୯୯୯ ମସିହାରେ କାନାଡ଼ାରେ ରହୁଥିବା ବାଂଲାଦେଶୀ ବୁଦ୍ଧିଜୀବୀ ରଫିକୁଲ ଇସ୍ଲାମ ଜାତିସଂଘର ସେକ୍ରେଟାରି ଜେନେରାଲ୍ କୋଫି ଆନନ୍ଙ୍କୁ ଏକ ପତ୍ର ଲେଖି, ପୃଥିବୀର ବିଭିନ୍ନ ଦେଶର ମାତୃଭାଷାଗୁଡ଼ିକୁ ଧ୍ବଂସମୁଖରୁ ବଞ୍ଚାଇବା ନିମନ୍ତେ ପଦକ୍ଷେପ ଦାବି କରିଥିଲେ । ତାଙ୍କର ପ୍ରସ୍ତାବ ଅନୁସାରେ ଜାତିସଂଘର ସାଂସ୍କୃତିକ ଅନୁଷ୍ଠାନ ୟୁନେସ୍କୋ ୨୧ ଫେବ୍ରୁଆରିକୁ ମାତୃଭାଷା ଦିବସ ଭାବେ ସାରା ପୃଥିବୀରେ ପାଳନ ଲାଗି ନିଷ୍ପତ୍ତି ନେଇଥିଲା ।
