ବୌଦ୍ଧ ଜିଲ୍ଲାରେ ପ୍ରଥମଥର ପାଇଁ ଆରମ୍ଭ ହେଲା ମାଣ୍ଡିଆ ମିଶନ

ଜିଲ୍ଲାରେ ପ୍ରଥମଥର ପାଇଁ ଆରମ୍ଭ ହୋଇଛି ମାଣ୍ଡିଆ ମିଶନ ବା ମିଲେଟ ମିଶନ। ତେବେ ଧାନ ଚାଷ ସହିତ ରବି ଫସଲ ଓ ପନିପରିବା ଚାଷ ପାଇଁ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛି ବୌଦ୍ଧ ଜିଲ୍ଲା । ତେବେ ବର୍ତ୍ତମାନ ପ୍ରଥମଥର ପାଇଁ ଛଅଶହ ହେକ୍ଟର ଜମିରେ ମାଣ୍ଡିଆ ଚାଷ ଆରମ୍ଭ ହୋଇଛି ।ସୂଚନା ଅନୁଯାୟୀ, ବୌଦ୍ଧ ଜିଲ୍ଲାରେ ପ୍ରଥମଥର ପାଇଁ ଆରମ୍ଭ କରାଯାଇଛି ମିଲେଟ ମିଶନ । ଧାନ ଚାଷ ସହିତ ରବି ଫସଲ ଓ ପନିପରିବା ଚାଷ ପାଇଁ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ବୌଦ୍ଧ ଜିଲ୍ଲାରେ ମାଣ୍ଡିଆ ଚାଷ ର ଏକ ବିରାଟ ସମ୍ଭାବନା ରହିଛି । ଏଣୁ ଜିଲ୍ଲାର ହରଭଙ୍ଗା, ବୌଦ୍ଧ ଓ କଣ୍ଟାମାଳ ବ୍ଲକର ଛ ଶହ ହେକ୍ଟର ଜମିରେ ପ୍ରଥମଥର ପାଇଁ ମାଣ୍ଡିଆ ଚାଷ ଆରମ୍ଭ କରାଯାଇଛି । କୃଷି ବିଭାଗର ସହଯୋଗ ତଥା ତିନୋଟି ସ୍ବେଚ୍ଛାସେବୀ ସଂଗଠନର ସହାୟତାରେ ଏହି ମାଣ୍ଡିଆ ଚାଷ ଆରମ୍ଭ ହୋଇ ପାରିଛି । ସୂଚନା ଅନୁଯାୟୀ ଏହି ମାଣ୍ଡିଆ ଉତ୍ପାଦନ ପରେ କେଜି ପ୍ରତି 35-78 ଟଙ୍କାରେ ସରକାର କ୍ରୟ କରି ମହିଳା ଶିଶୁ ବିଭାଗ ଓ ଯୋଗାଣ ବିଭାଗର ଜରିଆରେ ସୁଷମ ଖାଦ୍ୟ ଆକାରରେ ଯୋଗାଣ ହେବ । ତେବେ ମାଣ୍ଡିଆ ଚାଷର ଭବିଷ୍ୟତ କୁନେଇ ଜିଲ୍ଲାର ଚାଷୀମାନେ ମଧ୍ୟ ବେଶ ଆଶାବାଦୀ ଅଛନ୍ତି ।