ଓଲିଉଡ ଜଗତକୁ ପୁଣି ଦୁଃଖ ଖବର। ଜଣଙ୍କ ପରେ ଜଣେ ଅଭିନେତାଙ୍କ ଦେହାନ୍ତ ହେଉଛି। ବରିଷ୍ଠ ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ ଘଟିଛି । ଓଲିଉଡ ଜଗତରେ ଦୁଃଖର ଲହରୀ ଖେଳିଯାଇଛି। ହୃଦଘାତରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ 68 ବର୍ଷ ହୋଇଥିଲା । ଓଡ଼ିଆ ସିନେମା କ୍ରାନ୍ତିଧାରା ଓ ଟେଲି ଫିଲ୍ମ ପ୍ରାୟଶ୍ଚିତରେ ସେ ଅଭିନୟ କରିଥିଲେ । ଓଡ଼ିଆ ସିନେମା ଓ ଅନେକ ଧାରାବାହିକରେ ସେ ଅଭିନୟ କରି ଦର୍ଶକଙ୍କ ଅତି ପରିଚିତ ହୋଇଥିଲେ । ହୁଏତ ସେ ଆଉ ଆମ ଗହଣରେ ନାହାନ୍ତି, କିନ୍ତୁ ସର୍ବଦା ଆମ ହୃଦୟରେ ରହିବେ।