ମାସିକ ଋତୁସ୍ରାବ ସମୟରେ ମହିଳାଙ୍କ ପାଇଁ ୱର୍କ ଫ୍ରମ ହୋମ ବ୍ୟବସ୍ଥା

ମାସିକ ଋତୁସ୍ରାବ ସମୟରେ ମହିଳାଙ୍କ ପାଇଁ ୱର୍କ ଫ୍ରମ ହୋମ ବ୍ୟବସ୍ଥା

ମାସିକ ଋତୁସ୍ରାବ ସମୟରେ ଘରୁ କାମ କରିବେ ମହିଳା । ଏପରି ଯୁଗାନ୍ତକାରୀ ପଦକ୍ଷେପ ନେବାକୁ ଯାଉଛନ୍ତି ରାଜସ୍ଥାନ ସରକାର(Work from home during menstruation of women recommended in Rajasthan) ।

ମାସିକ ଋତୁସ୍ରାବ ସମୟରେ ଘରୁ କାମ କରିବେ ମହିଳା । ଏପରି ଯୁଗାନ୍ତକାରୀ ପଦକ୍ଷେପ ନେବାକୁ ଯାଉଛନ୍ତି ରାଜସ୍ଥାନ ସରକାର(Work from home during menstruation of women recommended in Rajasthan) । ପ୍ରଥମ କରି ରାଜସ୍ଥାନରେ ପିରିୟଡ୍ସ ସମୟରେ କାର୍ଯ୍ୟରତ ମହିଳାଙ୍କୁ ୱାର୍କ ଫ୍ରମ୍ ହୋମ୍ ଦେବାକୁ ବ୍ୟବସ୍ଥା କରାଯାଉଛି । ଶୁକ୍ରବାର(ଜାନୁଆରୀ 6)ରେ ଆୟୋଜିତ ରାଜସ୍ଥାନ ରାଜ୍ୟ ସାମାଜିକ କଲ୍ୟାଣ ବୋର୍ଡର ଦ୍ୱିତୀୟ ସାଧାରଣ ସଭାରେ ଏହି ବ୍ୟବସ୍ଥାକୁ ସୁପାରିଶ କରାଯାଇଛି ।ଏଥିମଧ୍ୟରୁ ଗୁଡ୍ ଟଚ୍-ବ୍ୟାଡ୍ ଟଚ୍ କର୍ମଶାଳା, ମହିଳା ଋତୁସ୍ରାବ ସମୟରେ ଘରୁ କାମ କରିବା, ପରିବାର ପରାମର୍ଶ କେନ୍ଦ୍ର, ବୃଦ୍ଧାବସ୍ଥା କାର୍ଯ୍ୟ, ଯଶୋଦା ପାଳନ ଗ୍ରେ ଯୋଜନା, ଅନ୍ତର୍ଜାତୀୟ ଭାଷା ଶିକ୍ଷା କେନ୍ଦ୍ର ଇତ୍ୟାଦି ବିଷୟରେ ବିଭିନ୍ନ କଲ୍ୟାଣମୂଳକ ଯୋଜନା ଆରମ୍ଭ ବିଷୟରେ ମଧ୍ୟ ଆଲୋଚନା କରାଯାଇଛି । ପ୍ରଶାସନ ବିଭାଗ ମାଧ୍ୟମରେ ଅନୁମୋଦନ ପାଇଁ ବିଭିନ୍ନ ପ୍ରସ୍ତାବ ରାଜ୍ୟ ସରକାରଙ୍କୁ ପଠାଇବାକୁ ନିଷ୍ପତ୍ତି ନିଆଯାଇଛି । 

ବୋର୍ଡର ଅଧ୍ୟକ୍ଷ ଅର୍ଚ୍ଚନା ଶର୍ମା କହିଛନ୍ତି, "ରାଜ୍ୟରେ ବିଭିନ୍ନ ଜନ କଲ୍ୟାଣ ଯୋଜନା, ମହିଳା ଏବଂ ଶିଶୁଙ୍କ କଲ୍ୟାଣ ତଥା ଉନ୍ନତି ପାଇଁ ପ୍ରଭାବଶାଳୀ ନୀତି ନିର୍ଣ୍ଣୟ ଏବଂ ସେମାନଙ୍କର ସାମାଜିକ କଲ୍ୟାଣ ପାଇଁ ବିଭିନ୍ନ ଯୋଜନାର ପ୍ରଭାବଶାଳୀ କାର୍ଯ୍ୟକାରିତା ଲକ୍ଷ୍ୟ ନେଇ ଏହି ବୋର୍ଡ ଗଠନ କରାଯାଇଛି । ଏହି ପରିପ୍ରେକ୍ଷୀରେ ବୋର୍ଡ ସମୟ ସମୟରେ ଏହାର ପରାମର୍ଶ ମଧ୍ୟ ଦେଉଛି । ପିଲାମାନଙ୍କ ସହ ବଢୁଥିବା ଯୌନ ଅପରାଧକୁ ହ୍ରାସ କରିବା ଉଦ୍ଦେଶ୍ୟରେ ରାଜ୍ୟସ୍ତରରେ, ଜିଲ୍ଲାସ୍ତରରେ ଏବଂ ପଞ୍ଚାୟତ ସମିତିସ୍ତରରେ ସଚେତନତା କାର୍ଯ୍ୟକ୍ରମ ଆୟୋଜିତ ହେବ, ଯେଉଁଥିରେ ରାଜ୍ୟରେ ଚାଲୁଥିବା ବିଦ୍ୟାଳୟଗୁଡ଼ିକରେ ସେମାନଙ୍କୁ ଗୁଡ୍ ଟଚ୍-ବ୍ୟାଡ୍ ଟଚ୍ ବିଷୟରେ ଅବଗତ କରାଯିବ ।"ବୋର୍ଡ ସଭାପତି କହିଛନ୍ତି, "କ୍ରମାଗତ ସାମାଜିକ ପରିବର୍ତ୍ତନ ହେତୁ ପାରିବାରିକ କନ୍ଦଳ ବୃଦ୍ଧି ଘଟିଛି, ଯାହା ବୈବାହିକ ସମ୍ପର୍କ ଉପରେ ମଧ୍ୟ ପ୍ରଭାବ ପକାଉଛି । ଏହି ପରିସ୍ଥିତିକୁ ଦୃଷ୍ଟିରେ ରଖି ପରିବାର ପରାମର୍ଶ କେନ୍ଦ୍ର ସ୍ଥାପନ କରିବାର ଆବଶ୍ୟକତା ଅଛି । ଯେଉଁଠାରେ ପରିବାର ସଦସ୍ୟ ତଥା ମହିଳାମାନଙ୍କୁ ପରାମର୍ଶ ଦିଆଯିବ, ଆବଶ୍ୟକ ପଡିଲେ ଉପଯୁକ୍ତ ଆଇନଗତ ସହାୟତା ମଧ୍ୟ ପ୍ରଦାନ କରାଯିବା ଉଚିତ୍ ।" 

ବୋର୍ଡ ଅଧ୍ୟକ୍ଷ ଯଶୋଦା କ୍ରେଚ ଯୋଜନା(Yashoda Creche Yojana) ଚଳାଇବାକୁ ମଧ୍ୟ ପ୍ରସ୍ତାବ ଦିଆଯାଇଛି ବୋଲି ସୂଚନା ଦେଇଛନ୍ତି । ଏହି ଯୋଜନା ଅଧୀନରେ 6 ମାସରୁ 6 ବର୍ଷ ବୟସର ପିଲାମାନଙ୍କର ଯତ୍ନ ନେବା ସହିତ ପିଲାମାନଙ୍କର ଶାରୀରିକ ଏବଂ ମାନସିକ ବିକାଶ ପାଇଁ ଶିକ୍ଷାଗତ ମନୋରଞ୍ଜନ ଏବଂ ପୁଷ୍ଟିକର ସୁବିଧା ଉପଲବ୍ଧ ହେବ । ଏହି ବୈଠକରେ ଶର୍ମା କହିଛନ୍ତି ଯେ, ବିଭିନ୍ନ ଅନ୍ତର୍ଜାତୀୟ ଭାଷା ଶିକ୍ଷା ଦେବା ପାଇଁ ଏକ ଅନ୍ତର୍ଜାତୀୟ ଭାଷା ଶିକ୍ଷା କେନ୍ଦ୍ର ପ୍ରତିଷ୍ଠା କରିବାକୁ ପ୍ରସ୍ତାବ ଦିଆଯାଇଛି । ଯୁବକମାନେ କେନ୍ଦ୍ର ମାଧ୍ୟମରେ ଭାଷା ଶିକ୍ଷା କରି ନିଯୁକ୍ତି ପାଇବେ ।ଏମାନଙ୍କ ବ୍ୟତୀତ ରାଜ୍ୟ ସରକାରଙ୍କ ବିଭିନ୍ନ ଯୋଜନାର ପ୍ରୋତ୍ସାହନ, ନିଶା ନିବାରଣ କାର୍ଯ୍ୟକ୍ରମ, ସାମାଜିକ କଲ୍ୟାଣ ବୋର୍ଡ ଦ୍ୱାରା ବୃଦ୍ଧ-ବୃଦ୍ଧା ଘର ଚଳାଇବା ପାଇଁ ରାଜ୍ୟସ୍ତରୀୟ ତଥା ଜିଲ୍ଲାସ୍ତରୀୟ ସେମିନାର ଆୟୋଜନ କରାଯିବ । ସେହିପରି ଋତୁସ୍ରାବ ସମୟରେ ମହିଳା କର୍ମଚାରୀଙ୍କ ପାଇଁ ଘରୁ କାମ ପାଇଁ ବ୍ୟବସ୍ଥା କରାଯିବ । ସ୍ବେଚ୍ଛାସେବୀ ସଂଗଠନର ତଥ୍ୟ ସଂଗ୍ରହ ଏବଂ ସେମାନଙ୍କୁ ରାଜ୍ୟ ବୋର୍ଡରେ ତାଲିକାଭୁକ୍ତ କରିବା ସମ୍ବନ୍ଧୀୟ ପ୍ରସ୍ତାବ ମଧ୍ୟ ପ୍ରଶାସନିକ ବିଭାଗକୁ ସୁପାରିଶ କରାଯାଉଛି ବୋଲି ସେ କହିଛନ୍ତି । 

Ratnamani Maharana

Shakespeare, in the beautiful garden, among the party. Some of the hall: in fact she was ever to.